రూ.15 లక్షల లోపులోనే 8 ఎలక్ట్రిక్ కార్లు - మీ బడ్జెట్లోనే కొనొచ్చు
రూ.15 లక్షల లోపు ఇండియాలో లభించే అన్ని ఎలక్ట్రిక్ కార్ల జాబితా ఇది. టాటా, ఎంజీ, మహీంద్రా, సిట్రోయెన్ మోడళ్ల ధరలు, రేంజ్ వివరాలు తెలుసుకోండి.
Electric Cars Under Rs 15 Lakh: కొన్నాళ్ల క్రితం వరకు, ఎలక్ట్రిక్ కార్లు అంటే ఖరీదైనవి, రేంజ్ తక్కువ అన్న అభిప్రాయం ఉండేది. కానీ ఇప్పుడు పరిస్థితి మారింది. ఆధునిక డిజైన్, మెరుగైన రేంజ్, అధునాతన ఫీచర్లతో ఎలక్ట్రిక్ కార్లు ఇప్పుడు పోటీ ధరలకే వస్తున్నాయి. ముఖ్యంగా రూ.15 లక్షల లోపులో కూడా ఎన్నో మంచి మోడళ్లు మన తెలుగు రాష్ట్రాల్లో అందుబాటులో ఉన్నాయి.
ఇప్పుడు, మన మార్కెట్లో రూ.15 లక్షల లోపు లభించే ఎలక్ట్రిక్ కార్ల లిస్ట్:
8) MG Windsor EV
ధర: రూ.14 లక్షలు నుంచి రూ.18.49 లక్షలు
BaaS ధర: రూ.9.99 లక్షలు నుంచి + కిలోమీటరుకు ఛార్జ్
ఈ జాబితాలో అత్యంత ఖరీదైన మోడల్ అయినప్పటికీ, BaaS విధానం వల్ల తక్కువ ముందస్తు చెల్లింపుతో కొనుగోలు చేయవచ్చు. 38kWh & 52.9kWh బ్యాటరీ ఆప్షన్లు ఉన్నాయి. రేంజ్ 332 కి.మీ. నుంచి 449 కి.మీ. వరకు ఉంటుంది. విశాలమైన కేబిన్, సౌకర్యవంతమైన డ్రైవింగ్ ఈ మోడల్ ప్రత్యేకత.
7) Mahindra XUV 3XO EV
ధర: రూ.13.89 లక్షలు నుంచి రూ.14.96 లక్షలు
39.4kWh బ్యాటరీతో వస్తుంది. 350 కి.మీ. ARAI రేంజ్ ఇస్తుంది. రియల్ వరల్డ్ రేంజ్ సుమారు 270-300 కి.మీ. వరకు ఉంటుంది. AX5 & AX7L వేరియంట్లలో భిన్నమైన పవర్ అవుట్పుట్ అందిస్తుంది.
6) Citroen eC3
ధర: రూ.12.90 లక్షలు నుంచి రూ.13.53 లక్షలు
29.2kWh బ్యాటరీ, 57hp మోటార్తో 246 కి.మీ. రేంజ్ ఇస్తుంది. అయితే ఫీచర్ల పరంగా కొంత వెనుకబడి ఉంటుంది.
5) Tata Nexon EV
ధర: రూ.12.49 లక్షలు నుంచి రూ.17.29 లక్షలు
MR (30kWh) & 45 (45kWh) వేరియంట్లలో లభిస్తుంది. రేంజ్ 275 కి.మీ. నుంచి గరిష్టంగా 489 కి.మీ. వరకు ఉంటుంది. పనితీరు, ఫీచర్లు, రేంజ్ అన్ని పరంగా బ్యాలెన్స్డ్ ప్యాకేజీ.
4) Tata Tigor EV
ధర: రూ.12.49 లక్షలు నుంచి రూ.13.75 లక్షలు
26kWh బ్యాటరీతో 315 కి.మీ. రేంజ్ ఇస్తుంది. ఈ జాబితాలో ఏకైక సెడాన్ మోడల్.
3) Tata Punch EV
ధర: రూ.9.99 లక్షలు నుంచి రూ.14.44 లక్షలు
25kWh & 35kWh బ్యాటరీ ఆప్షన్లు ఉన్నాయి. రేంజ్ 315 కి.మీ. నుంచి 421 కి.మీ. వరకు ఉంటుంది. చిన్న SUV అయినప్పటికీ మంచి పనితీరు, ఫీచర్లతో ఆకట్టుకుంటుంది.
2) Tata Tiago EV
ధర: రూ.7.99 లక్షలు నుంచి రూ.11.14 లక్షలు
19.2kWh & 24kWh బ్యాటరీ ఆప్షన్లు ఉన్నాయి. రేంజ్ 223 కి.మీ. నుంచి 293 కి.మీ. వరకు ఉంటుంది. తక్కువ ధరలో మంచి ఫీచర్లతో అందుబాటులో ఉన్న నాలుగు తలుపుల హ్యాచ్బ్యాక్.
1) MG Comet EV
ధర: రూ.7.5 లక్షలు నుంచి రూ.10 లక్షలు
BaaS ధర: రూ.4.99 లక్షలు నుంచి + కిలోమీటరుకు ఛార్జ్
BaaS ధర: రూ.5 లక్షలతో, ఇండియాలోనే అత్యంత తక్కువ ధరలో లభించే ఎలక్ట్రిక్ కారు MG Comet EV. 17.3kWh బ్యాటరీతో 230 కి.మీ. రేంజ్ ఇస్తుంది. సైజ్ చిన్నగా ఉన్నప్పటికీ నగర ప్రయాణాలకు అనుకూలంగా ఉంటుంది.
గమనిక: పైన చెప్పిన అన్ని మోడళ్ల డ్రైవింగ్ రేంజ్ వివరాలు ARAI సర్టిఫై చేసినవి. డ్రైవింగ్ స్టైల్, రోడ్ పరిస్థితులను బట్టి వాస్తవ రేంజ్ మారుతుంది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
