ఫుల్ ఛార్జ్‌పై 421 కి.మీ రేంజ్.. Tata Punch EVపై రూ.1.45 లక్షల వరకు డిస్కౌంట్ ఆఫర్

Tata EV Discount: టాటా మోటార్స్ ఆగస్టు నెలలో పంచ్ EVపై ఆకర్షణీయమైన ఆఫర్లు ప్రకటించింది. కొన్ని వేరియంట్లపై కస్టమర్లకు గరిష్టంగా రూ. 1.45 లక్షల వరకు లబ్ధి చేకూరవచ్చు.

ఫుల్ ఛార్జ్‌పై 421 కి.మీ రేంజ్..

Source : Tata Motors

Show Quick Read

Key points generated by AI, verified by newsroom

• ఆగస్టు నెలలో Tata Punch EVపై రూ.1.45 లక్షల డిస్కౌంట్ ప్రకటించారు.
• ఈ తగ్గింపు వివిధ వేరియంట్లు, డీలర్‌షిప్‌లను బట్టి మారుతుంది.
• Punch EV 468 కి.మీ రేంజ్, అధునాతన ఫీచర్లు, భద్రతను కలిగి.

మీరు అద్భుతమైన ఫీచర్లు, లాంగ్ డ్రైవింగ్ రేంజ్, స్ట్రాంగ్ సేఫ్టీ ఇచ్చే ఎలక్ట్రిక్ కారు కోసం చూస్తున్నారా.. అయితే అందుకు Tata Punch EV సరిగ్గా సరిపోతుందని కంపెనీ చెబుతోంది. ప్రస్తుతం ప్రత్యేకత ఏంటంటే, ఆగస్టు 2026లో టాటా మోటార్స్ ఈ కారుపై రూ. 1.45 లక్షల వరకు డిస్కౌంట్ అందిస్తోంది. ఈ ఆఫర్ తర్వాత టాటా Punch EV ధర భారీగా దిగొస్తుంది. ఈ తగ్గింపు పరిమిత కాలానికి వర్తిస్తుందని.. వేర్వేరు వేరియంట్లు, డీలర్‌షిప్‌లను బట్టి ధర మారవచ్చు.

టాటా మోటార్స్ ఆగస్టు నెల విక్రయాల కోసం Tata Punch EVపై ఆకర్షణీయమైన ఆఫర్లను ప్రకటించింది. కంపెనీ ప్రకారం, కొన్ని వేరియంట్లపై కస్టమర్లకు మొత్తం రూ. 1.45 లక్షల వరకు లబ్ధి చేకూరవచ్చు. ఈ ఆఫర్‌లో క్యాష్ డిస్కౌంట్‌తో పాటు ఎక్స్ఛేంజ్ బోనస్, స్క్రాపేజ్ బెనిఫిట్, ఇతర డీలర్-లెవెల్ ఆఫర్లు కూడా ఉంటాయి. ఇందులో అత్యధిక ప్రయోజనం లాంగ్ రేంజ్ (LR) వేరియంట్‌పై లభిస్తోంది. అయితే ఇతర వేరియంట్‌లపై డిస్కౌంట్ కాస్త తక్కువగా ఉండవచ్చు.

టాటా మోటార్స్ ఎందుకు డిస్కౌంట్ ఇస్తోంది?

కంపెనీ కొన్ని పాత స్టాక్, ఎంపిక చేసిన వేరియంట్లను త్వరగా విక్రయించాలని చూస్తోంది. దాంతో కస్టమర్లకు భారీ ఆదా పొందే అవకాశం కల్పించింది. ఎవరైనా కస్టమర్ చాలా కాలంగా Punch EV కొనుగోలు చేయాలని ఎదురుచూస్తుంటే, ఇది వారికి చాలా ప్రయోజనకరంగా ఉంటుంది. అయితే ఆఫర్ స్టాక్ ఉన్నంత వరకు మాత్రమే వర్తిస్తుంది.

రూ. 1.45 లక్షల వరకు ఉన్న ఈ డిస్కౌంట్ కస్టమర్లు అందరికీ ఒకేలా లభించదు. ఆఫర్ అనేది సిటీ, డీలర్‌షిప్, వేరియంట్, తయారీ సంవత్సరం, ప్రస్తుతం ఉన్న స్టాక్‌ను బట్టి మారవచ్చు. కొన్నిసార్లు కస్టమర్ తన పాత కారును ఎక్స్ఛేంజ్ చేసినప్పుడు లేదా స్క్రాపేజ్ పాలసీ బెనిఫిట్ పొందినప్పుడు మాత్రమే కొన్ని ఆఫర్లు లభిస్తాయి. కొనుగోలు చేయడానికి ముందు మీకు సమీపంలోని టాటా షోరూమ్ నుంచి పూర్తి సమాచారాన్ని ఖచ్చితంగా తెలుసుకోవాలి.

ఎలక్ట్రిక్ కారు రేంజ్ ఎంత?

Tata Punch EV రెండు బ్యాటరీ ఆప్షన్లతో అందుబాటులోకి వచ్చింది. ఇందులో 30kWh, 40kWh బ్యాటరీ ప్యాక్ ఆప్షన్లు ఉన్నాయి. పెద్ద బ్యాటరీ ప్యాక్ ఒకసారి ఫుల్ ఛార్జ్ చేస్తే 468 కిలోమీటర్ల వరకు వెళ్తుందని కంపెనీ క్లెయిమ్ చేసింది. చిన్న బ్యాటరీ ప్యాక్ కూడా రోజువారీ వినియోగానికి తగ్గ రేంజ్‌ను అందిస్తుంది. 

Punch EV ఫాస్ట్ ఛార్జింగ్‌కు సపోర్ట్ చేస్తుంది. DC ఫాస్ట్ ఛార్జర్ ద్వారా బ్యాటరీని తక్కువ సమయంలోనే ఛార్జింగ్ చేయవచ్చని కంపెనీ చెబుతోంది. దీనివల్ల లాంగ్ రేంజ్ ప్రయాణాల సమయంలో ఛార్జింగ్ కోసం ఎక్కువ సేపు వెయిటింగ్ అవసరం ఉండదు. 

Punch EVలో అనేక ఆధునిక ఫీచర్లు ఇచ్చారు. పెద్ద టచ్‌స్క్రీన్ ఇన్ఫోటైన్‌మెంట్ సిస్టమ్, వైర్‌లెస్ కనెక్టివిటీ, ఆటోమేటిక్ క్లైమేట్ కంట్రోల్, డిజిటల్ ఇన్‌స్ట్రుమెంట్ క్లస్టర్, 360-డిగ్రీ కెమెరా, వెంటిలేటెడ్ సీట్లు, అనేక కనెక్టెడ్ ఫీచర్లు లభిస్తాయి. ఇది కాకుండా దీని డిజైన్ కూడా ICE మోడల్‌తో పోలిస్తే మరింత ప్రీమియం, మోడ్రన్ అనిపిస్తుంది.

సేఫ్టీ రేటింగ్..

సేఫ్టీ విషయంలో కూడా Tata Punch EV బెస్ట్ అని చెప్పవచ్చు. ఈ ఎలక్ట్రిక్ SUV భారత్ NCAP క్రాష్ టెస్ట్‌లో 5-స్టార్ సేఫ్టీ రేటింగ్‌ సాధించింది. ఇందులో 6 ఎయిర్‌బ్యాగ్‌లు, ABS విత్ EBD, డిస్క్ బ్రేక్‌లు, ఎలక్ట్రానిక్ స్టెబిలిటీ కంట్రోల్ (ESC), అనేక ఇతర అడ్వాన్స్డ్ సేఫ్టీ ఫీచర్లు ఇచ్చారు. 

మీరు ఈ ఆఫర్ పొందాలనుకుంటే, ఎక్కువ ఆలస్యం చేయకుండా మీకు దగ్గర్లోని షోరూమ్ వెళ్లి వివరాలు, స్టాక్ గురించి పూర్తి వివరాలు తెలుసుకుని కొనేయండి.  దీనితో పాటు, బుకింగ్ చేసుకునే ముందు డీలర్ నుంచి మీకు వర్తించే మొత్తం బెనిఫిట్స్ గురించి క్లారిటీ తీసుకోవాలి. దాంతో మీకు లభించే ఆఫర్లపై ఎలాంటి డౌట్స్ ఉండవు. 

మరిన్ని చదవండి

రూ. 15 వేల EMI పై Maruti Brezza కొంటే డౌన్ పేమెంట్ ఎంత చెల్లించాలి? ఫీచర్ల వివరాలు

3 కొత్త కార్లు లాంచ్ చేస్తున్న టయోటా.. హైలైట్‌గా 35 కి.మీ కంటే ఎక్కువ మైలేజ్ కారు!