Best Electric SUVs in India 2026:భారత్‌ రోడ్లపై రారాజులుగా ఉన్న టాప్‌ 5 ఎలక్ట్రిక్ ఎస్‌యూవీలు ఇవే!

భారత్‌లో పెరుగుతున్న ఇంధన ధరలు పెరుగుతున్న వేళ ఎలక్ట్రిక్ ఎస్‌యూవీల డిమాండ్ పెరిగింది. మారుతి, టాటా, మహీంద్రా వంటి టాప్ 5 విద్యుత్ వాహనాల ధరలు, రేంజ్‌, ఫీచర్స్ గురించి తెలుసుకోండి.

భారత ఆటోమొబైల్ మార్కెట్లో విప్లవం సృష్టిస్తున్న ఐదు అత్యుత్తమ ఎలక్ట్రిక్ ఎస్‌యూవీలు

Source : Social Media

Show Quick Read

Key points generated by AI, verified by newsroom

• పెరుగుతున్న ఇంధన ధరలతో ఎలక్ట్రిక్ కార్లకు డిమాండ్ పెరుగుతోంది.
• మారుతి ఇ విటారా, మహీంద్రా BE6, టాటా పంచ్ EV టాప్ ఎలక్ట్రిక్ SUVలు.
• విన్ ఫాస్ట్ VF7, MG విండ్సర్ ప్రో కూడా అద్భుతమైన ఫీచర్లతో ఉన్నాయి.
• EVలు పర్యావరణానికి మేలు చేస్తాయి, దీర్ఘకాలంలో ఖర్చు తగ్గిస్తాయి.

Best Electric SUVs in India 2026:భారత్‌ ఈవీలో పోటీ తీవ్రంగా ఉంది. పెరుగుతున్న డిమాండ్‌తోపాటు వినియోగదారుల ఆలోచనలకు అనుగుణంగా మోడల్స్ తీసుకొస్తున్న సంస్థలు రేసులో దూసుకెళ్తున్నాయి. అలా వినియోగదారులను ఆకట్టుకుంటున్న టాప్ 5 ఎలక్ట్రిక్ ఎస్‌యూవీలు గురించి తెలుసుకోవడం చాలా అవసరం. వాటి ధరలు, రేంజ్‌తోపాటు ఇతర ఫీచర్స్ గురించి తెలుసుకుంటే కొనే ప్రక్రియ సులభతరం అవుతుంది.  

భారత్‌లో ఇంధన ధరలు ఆకాశాన్ని తాకుతున్నాయి. వారం వ్యవధిలోనే నాలుగు సార్లు పెట్రోల్ డీజిల్ ధరలు పెంచాయి చమురు సంస్థలు.  ఇంకా పెరుగుతాయనే ప్రచారం జరుగుతోంది. భవిష్యత్‌లో ఇలాంటి పరిణామాలు ఉంటాయన్న అంచనాలతో కారు కొనాలనే ఆలోచనతో ఉన్న ప్రతి ఒక్కరూ ముందుగా ఎలక్ట్రిక్‌ వాహనాల గురించి తెలుసుకుంటున్నారు. కొనే వారి సంఖ్య కూడా క్రమంగా పెరుగుతోంది. మొదట్లో ఎలక్ట్రిక్ కారు ధరలు ఎక్కువగా ఉండటంతో కొనేందుకు పెద్దగా ఆసక్తి చూప లేదు. ఇప్పుడు ధరలు దిగి రావడంతో ఈవీలు కొనేందుకు ముందుకొస్తున్నారు. ధర తగ్గడమే కాకుండా రేంజ్ కూడా పెరిగింది. అద్భుతమైన ఫీచర్స్ వస్తున్నాయి. అందుకే పెట్రోల్ వాహనాలకు పోటీ ఈవీలు మార్కెట్‌లో దూసుకొస్తున్నాయి. 

ఇంధనాన్ని పొదుపు చేయాలని ప్రధానమంత్రి నరేంద్ర మోదీ పిలుపునిచ్చారు. దీంతో చాలా మంది ప్రముఖులతోపాటు సామాన్యులు కూడా ఈవీలు కొనేందుకు ఆసక్తి చూపిస్తున్నారు. ఇది మరింత పెరిగే ఛాన్స్ ఉంది. అందుకే కొత్త కొత్త మోడల్స్‌తో ఈవీ మార్కెట్‌లో సత్తా చాటుకునేందుకు చాలా కంపెనీలు తహతహలాడుతున్నాయి. ప్రస్తుతం భారత్ మార్కెట్‌లో పోటీ పడుతున్న ఐదు అత్యుత్తమ ఎలక్ట్రిక్ ఎస్‌యూవీలు గురించి చూస్తే టాప్‌లో ఉంది మారుతి సుజుకి  ఇ విటారా

మారుతి సుజుకి ఇ విటారా:-

దేశంలోనే అతి పెద్ద కార్ల తయారీ సంస్థ మారుతి సుజుకి తన మొట్టమొదటి ఎలక్ట్రిక్ ఎస్‌యూవీ ఇ విటారాతో ఈ విభాగాంలోకి గ్రాండ్ ఎంట్రీ ఇచ్చింది. ఇది 49kWh అనే రెండు బ్యాటరీ ఆప్షన్లతో లభిస్తుంది. పెద్ద బ్యాటరీ వేరియంట్‌ ఒక్కసారి ఛార్జ్ చేస్తే ఏకంగా 543కిలోమీటర్ల రేంజ్‌ను ఇస్తుందని కంపెనీ పేర్కొంది. ఇది సుమారు 172bhp శక్తిని ఉత్పత్తి చేస్తుంది. డ్యూయల్‌ స్క్రీన్‌లు, వెంటిలేడెట్‌  సీట్లు, వెనుక స్లైడింగ్ సీట్లు వంటి ప్రీమియం ఫీచర్లు ఇందులో ఉన్నాయి. బ్యాటరీ యూజ్‌ ఏ సర్వీస్‌ మోడల్‌ కింద దీని ప్రారంభ ధర 10.99 లక్షలు. 

మహీంద్రాBE 6:-

మహీంద్రా సంస్థ నుంచి వస్తున్న BE6 ఎస్‌యూవీ దాని స్పోర్టీ పెర్ఫార్మెన్స్‌, శక్తిమంతమైన పవర్ అవుట్‌పుట్‌తో అందరినీ ఆకర్షిస్తోంది. ఇందులో 59kWh, 79 kWh బ్యాటరీ ప్యాక్‌లు ఉన్నాయి. ఇది గరిష్టంగా 210KW పవర్‌ 380Nm టార్క్‌ను అందిస్తుంది. కేవలం 6.7 సెకన్లలోనే 0 నుంచి 100 కిలోమీటర్ల వేగాన్ని అందుకోవడం దీని ప్రత్యేకత. పెద్ద బ్యాటరీ వెర్షన్ 638కిలోమీటర్ల అద్భుతమైన రేంజ్‌ను ఇస్తుంది. దీని ప్రారంభ ధర 18.90 లక్షలు. 

టాటా పంచ్ ఈవీ

టాటా మోటార్స్ అందిస్తున్న పంచ్ ఈవీ ప్రస్తుతం భారత్‌లో లభిస్తున్న అత్యంత సరసమైన ఎలక్ట్రిక్‌ ఎస్‌యూవీలలో ఒకటి. మొదటిసారి ఈవీ కొనాలనుకునే వారికి ఇది గొప్ప ఆప్షన్. 30kW, 40kW ఆప్షన్‌లు లభిస్తుంది. లాంగ్ రేంజ్‌ మోడల్ వాస్తవ ప్రపంచంలో సుమారు 355 కిలోమీటర్ల రేంజ్‌ను ఇస్తుంది. బాస్‌ మోడల్‌ కింద దీని ధర 9.69 లక్షల నుంచే ప్రారంభమవుతుంది. 

విన్ ఫాస్ట్‌ 

వియత్నాంకు చెందిన ప్రముఖ ఈవీ తయారీ సంస్థ విన్‌ఫాస్ట్ తన VF7 మోడల్‌తో భారత్ మార్కెట్‌లోకి ప్రవేశించింది. పెద్ద క్యాబిన్, రోడ్డుపై గంభీరమైన రూపం దీని సొంతం. ఇందులో ఆల్‌ విల్ డ్రైవ్‌, శక్తివంతమైన మోటార్ ఉన్నాయి. 70.7 kWh బ్యాటరీతో ఇది ఒక్కసారి ఛార్జ్ చేస్తే 510కిలోమీటర్‌లు ప్రయాణిస్తుంది. దీని ప్రారంభ ధర 21. 89 లక్షలు. 

ఎంజీ విండ్‌సర్‌ ప్రో:-

రోజువారీ సిటీ రైడింగ్‌, కుటుంబంతో కలిసి ప్రయాణించడానికి ఎంజీ విడ్‌సర్‌ ప్రోను రూపొందించారు. విశాలమైన క్యాబిన్, పెద్ద బూట్‌స్పేస్‌, సౌకర్యవంతమైన సీట్లు దీని ప్రత్యేకత. ఇందులో అడ్వాన్స్‌డ్‌ డ్రైవర్‌ అసిస్టెన్స్‌ సిస్టమ్స్‌, వెంటిలేటెడ్‌ సీట్లు ఉన్నాయి. 52.9kWh బ్యాటరీ ప్యాక్‌తో ఇది ARAI ధృవీకరించిన 449కిలోమీటర్ల రేంజ్‌ను ఇస్తుంది.

పెట్రోల్‌ కార్ల నిర్వహణ ఖర్చు ఏటా పెరుగుతోంది. ఎలక్ట్రిక్ వాహనాలు పర్యావరణానికి మేలు చేయడమే కాకుండా, దీర్ఘకాలంలో మీ జేబును కూడా ఆదా చేస్తాయి. ప్రస్తుతం ప్రభుత్వాలు ఈవీలపై అనేక రాయితీలు ఇస్తున్నాయి. అలాగే ఛార్జింగ్‌ నెట్‌వర్క్‌ కూడా వేగంగా విస్తరిస్తోంది. కొత్త కారు కొనాలని ప్లాన్ చేసే వారికి ఇదే సరైన సమయం. బ్యాటరీ యూజ్‌ ఏ సర్వీస్‌ అంటే కారు కొనేటప్పుడు బ్యాటరీ ధరను చెల్లించాల్సిన అవసరం లేదు. దీని వల్ల కారు ధర తగ్గుతుంది. బ్యాటరీ వినియోగానికి గాను మీరు నెలవారీ లేదా వాడిన కిలోమీటర్లను బట్టి అద్దె చెల్లించాల్సి ఉంటుంది. మీ బడ్జెట్‌ తక్కువగా ఉండి సిటీలో మాత్రమే తిరగాలనుకుంటే టాటా పంచ్ ఈవీ లేదా మారుతి ఇ విటారా ఎంచుకోవచ్చు. అదే వేగం, లాంగ్ రేంచే కోరుకుంటే మహీంద్రా BE6 బెస్ట్. 

ఈ ఐదు వాహనాలు ఐదు ఎస్‌యూవీలు కూడా సాంకేతికతంగా ఒకదానితో ఒకటి పోటీ పడుతున్నాయి. మీ అవసరాలు, బడ్జెట్‌, రేంజ్‌ ప్రాధాన్యతలను బట్టి వీటిలో ఒకదాన్ని ఎంచుకోవడం ద్వారా మీరు ఇంధన ఖర్చుల నుంచి శాశ్వతంగా విముక్తి పొందవచ్చు. 

మరిన్ని చదవండి

అనుకూల బడ్జెట్‌, ఆకట్టుకునే మైలేజ్‌! భారత మార్కెట్‌లో దుమ్మురేపుతున్న టాప్‌ 125 సీసీ స్కూటర్లు ఇవే!

విటమిన్ B12 లోపం ఉందా? అయితే సప్లిమెంట్స్ కాదు ఈ ఫుడ్స్ కూడా తినండి