TVS Jupiter 125 లో ఐవరీ మ్యాట్ కాపర్ బ్రాంజ్ మరియు ఐవరీ ఎలైట్ గ్రీన్ అనే రెండు కొత్త రంగులను ప్రవేశపెట్టారు. దీంతో మొత్తం 11 రంగుల్లో ఇప్పుడు అందుబాటులో ఉంది.
అన్వేషించండి
2026 TVS Jupiter 125 Colors: టీవీఎస్ జూపిటర్ 125 నుంచి అదిరిపోయే అప్డేట్! ఆకట్టుకునే ఫీచర్స్‌తోపాటు కలర్‌ఫుల్ రంగుల్లో మార్కెట్‌లోకి...
2026 TVS Jupiter 125 Colors:స్మార్ట్ ఫీచర్స్‌, ఆకట్టుకునే హంగులతో వినియోగదారులను ఆకట్టుకుంటున్న టీవీఎస్ జూపిటర్ 125 ఇప్పుడు మరో అప్‌డేట్‌తో వచ్చింది. ఈసారి ఏకంగా 11 రంగులను అందుబాటులో తీసుకొచ్చింది.
సరికొత్త రంగుల్లో మెరుస్తున్న 2026 టీవీఎస్ జూపిటర్ 125: ప్రీమియం లుక్‌తో ఫ్యామిలీ రైడర్ల కోసం సిద్ధం.
Source : Social Media
- టీవీఎస్ జూపిటర్ 125 కొత్త ఐవరీ మ్యాట్ కాపర్ బ్రాంజ్, ఎలైట్ గ్రీన్ రంగుల్లో లభ్యం.
- డీటీఎస్ఎక్స్ఎక్స్సీ వేరియంట్ ట్రై-టోన్ లుక్, లగ్జరీ బ్రౌన్ సీటుతో వస్తుంది.
- స్మార్ట్ఎక్సోనెక్ట్ వేరియంట్ సింగిల్-టోన్ ఫినిషింగ్, బ్లాక్ సీటుతో స్పోర్టీగా ఉంటుంది.
- కొత్త రంగులతో పాటు ధరలు రూ. 600-1000 వరకు పెరిగాయి.
2026 TVS Jupiter 125 Colors: మధ్యతరగతి ఫ్యామిలీ వినియోగదారులను ఆకట్టుకుంటున్న టీవీఎస్ జూపిటర్ 125 ఎప్పటికప్పుడు వివిధ విభాగాల్లో అప్డేట్ అవుతూ వస్తోంది. ఇప్పుడు మరో కీలకమైన అప్‌డేట్‌తో మరింత మంది వినియోగదారులను ఆకట్టుకునే ప్రయత్నం చేస్తోంది. ఇప్పటికి అందుబాటులో ఉన్న కలర్స్‌తోపాటు మరిన్ని కలర్స్‌తో మార్కెట్‌లో మరింత కలర్‌ఫుల్‌గా ముస్తాబైంది. కేవలం రంగులను మార్చడమే కాకుండా వినియోగదారుల అభిరుచులకు అనుగుణంగానే వేరియంట్స్‌లో, ధరల్లో స్వల్ప మార్పులు చేసింది. వాటి గురించి ఇక్కడ చూద్దాం.
టీవీఎస్ మోటార్స్‌ తన పాపులర్‌ స్కూటర్‌ జూపిటర్ 125లో రెండు సరికొత్త రంగులను ప్రవేశ పెట్టింది. ఐవరీ మ్యాట్ కాపర్ బ్రాంజ్, ఐవరీ ఎలైట్ గ్రీన్ అనే రెండు రంగులను ఇప్పుడు మార్కెట్‌లోకి తీసుకొచ్చింది. దీంతో ఇప్పుడు మొత్తంగా టీవీఎస్ జూపిటర్ 125 11 రంగుల్లో లభిస్తోంది. ఇప్పుడు కొత్తగా తీసుకొచ్చిన రెండు రంగులు కూడా డీటీ ఎస్‌ఎక్స్‌సీ వేరియంట్స్‌లో అమ్మకానికి ఉంచింది.
125 సీసీ ఫ్యామిలీ స్కూటర్స్‌కు మార్కెట్‌లో గట్టి పోటీ ఉంది. వినియోగదారులను ఆకట్టుకునే క్రమంలో ఏ చిన్న అవకాశాన్ని కూడా సంస్థలు వదులుకోవడం లేదు. అందుకే తమ ప్రొడక్ట్ ట్రెండీగా ఉండాలని, వినియోగదారులను ఆకర్షించాలని కోరుకునే వారంతా ఏదో మార్పుతో మార్కెట్‌లో ఆధిపత్యం కోసం ప్రయత్నిస్తూ ఉన్నాయి. అందులో భాగంగానే చిన్న చిన్న మార్పులతో మార్కెట్ లీడర్‌గా ఎదగాలని టీవీఎస్ జూపిటర్ 125 చూస్తోంది. అందుకే కలర్ కాంబినేషన్‌లో మార్పులు చేసింది.
ఫ్యామిలీ రైడర్స్‌ను టీవీఎస్ జూపిటర్ టార్గెట్ చేసింది. డీసెంట్‌గా ఉండే రంగులను కొత్తగా పరిచయం చేసింది. ఈ కొత్త రంగులు చూడటానికి కేవలం డ్యూయల్ టోన్ లాగా కాకుండా, ట్రై టోన్ ఎఫెక్ట్‌ను ఇస్తున్నాయి. డీటీ ఎస్‌ఎక్స్‌సీ వేరియంట్‌లో బ్రౌన్ కలర్ సీటు, ఫ్లోర్‌ బోర్డ్‌ చుట్టూ లేత బ్రౌన్ షేడ్ ఉండటం వల్ల స్కూటర్‌కు ఒక లగ్జరీ లుక్ వస్తుంది. ఫ్రంట్‌ ఏప్రాన్, సైడ్ ప్యానెల్‌పై ప్రధాన రంగు ఉండగా మిగిలిన చోట్ల ఐవరీ ఫినిషింగ్ ఇచ్చారు.
స్మార్ట్ ఎక్సోనెక్ట్ వేరియంట్ సింపుల్‌గా ఉంటోంది. ఈ వేరియంట్‌లో మ్యాట్ కాపర్ బ్రాంజ్, ఎలైట్ గ్రీన్‌ను సింగిల్ టోన్ ఫినిషింగ్‌తో ఇచ్చారు. దీనికి బ్లాక్ సీట్‌, బ్లాక్ ఇన్నర్‌ ప్యానెల్స్ ఉండటం వల్ల కొంచెం స్పోర్టీగా కనిపిస్తుంది.
రంగుల్లోనే కాదు ధరల్లోనూ మార్పులు
కొత్త రంగులతోపాటు ధరల్లో కూడా చిన్న చిన్న మార్పులు చేసింది పాత ధరలతో పోలిస్తే 600 నుంచి 1000 రూపాయల వరకు పెరిగాయి.
| వేరియంట్ | కొత్త ధర | పాతధర | తేడా |
| డ్రమ్‌ అలోయ్‌ | రూ. 80,550 | రూ. 81,150 | రూ. 600 |
| డిస్క్‌ | రూ. 85,750 | రూ. 86,350 | రూ. 600 |
| డీటీఎస్‌ఎక్స్‌సీ | రూ. 86,750 | రూ.89,700 | మార్పు లేదు. |
| స్మార్ట్ఎక్సోనెక్ట్ | రూ. 89,760 | రూ. 90,760 | రూ. 1000 |
జూపిటర్ 150 కేవలం రంగుల వల్ల మాత్రమే కాకుండా, దాని ప్రాక్టికాలిటీ వల్ల అగ్రస్థానంలో ఉంది. యూజర్‌ల రివ్యూల ప్రకారం సీటు కింద ఇద్దరు వ్యక్తుల హెల్మెట్లు పట్టేంత స్థలం ఉంది. ఇది బాగా నచ్చుతోంది. సీటు దిగకుండా పెట్రోల్ కొట్టించుకునే సదుపాయం కూడా సౌకర్యవంతంగా ఉంది. స్మార్టోనెక్ట్ ఫీచర్ ద్వారా నావిగేషన్, కాల్ అలర్ట్స్ వంటివి స్కూటర్‌ స్క్రీన్‌పైనే చూసుకోవచ్చు. అడ్జస్టబుల్ షాక్ అబ్జర్వర్స్ వల్ల గుంతల రోడ్లలో కూడా సాఫీగా వెళ్లిపోవచ్చని చెబుతున్నారు.
Frequently Asked Questions
2026 TVS Jupiter 125 లో కొత్తగా ఏ రంగులు అందుబాటులోకి వచ్చాయి?
ఈ కొత్త రంగులు ఏ వేరియంట్లలో లభిస్తాయి?
కొత్తగా ప్రవేశపెట్టిన ఐవరీ మ్యాట్ కాపర్ బ్రాంజ్, ఐవరీ ఎలైట్ గ్రీన్ రంగులు DTS-i SX వేరియంట్లలో అందుబాటులో ఉన్నాయి.
కొత్త రంగులతో పాటు ధరలలో ఏమైనా మార్పులు జరిగాయా?
అవును, కొత్త రంగులతో పాటు ధరలలో కూడా స్వల్ప మార్పులు చేశారు. పాత ధరలతో పోలిస్తే రూ. 600 నుండి రూ. 1000 వరకు ధరలు పెరిగాయి.
TVS Jupiter 125 యొక్క ముఖ్యమైన ఫీచర్లు ఏమిటి?
సీటు కింద ఎక్కువ స్థలం, సీటు దిగకుండా పెట్రోల్ కొట్టించుకునే సౌకర్యం, స్మార్టోనెక్ట్ ఫీచర్ ద్వారా నావిగేషన్, కాల్ అలర్ట్స్, మరియు అడ్జస్టబుల్ షాక్ అబ్జర్వర్స్ దీనిలోని ముఖ్యమైన ఫీచర్లు.
టాప్ హెడ్ లైన్స్
ఆటో
ఎలక్ట్రిక్ కార్ రూపంలో వస్తున్న Volkswagen ID Tiguan.. 600 కి.మీ రేంజ్ ఇచ్చే SUV ఫీచర్లు
ఆటో
రోజూ ఆఫీసుకు వెళ్లడానికి ఏ Two Wheeler బెస్ట్.. బైక్, స్కూటీనా లేదా ఈవీనా?
ఆటో
టాటా ఏరిస్ కొనాలా? వద్దా? ప్లస్‌ పాయింట్లతో పాటు మైనస్‌లు కూడా ఉన్నాయి!
ఆటో
కొత్త Toyota Fortuner SUV లాంచ్.. హైదరాబాద్‌లో ఎక్స్‌షోరూమ్ ధర, ఆన్ రోడ్ ధర వివరాలు
ట్రెండింగ్ వార్తలు
