Hero Electric Optima vs Vida VX2 Go: హీరో ఎలక్ట్రిక్ ఆప్టిమా vs విడా VX2గో: లక్ష లోపు బడ్జెట్‌లో బెస్ట్ ఈవీ ఏది? ధర ఫీచర్లు, పెర్ఫార్మెన్స్‌ గురించి తెలుసుకోండి!

Hero Electric Optima vs Vida VX2 Go: బడ్జెట్‌ ధరలో ఎలక్ట్రిక్ ఆప్టిమా, ఆత్యాధునిక ఫీచర్లతో విడా VX2 గో... ఈ రెండు ఎలక్ట్రిక్‌ స్కూటర్లలో మీ రోజువారీ ప్రయాణాలకు ఏది సరైందో తెలుసుకోండి. 

భారతీయ రోడ్లపై బడ్జెట్, టెక్నాలజీ మధ్య యుద్ధం: హీరో ఎలక్ట్రిక్ ఆప్టిమా వర్సెస్ విడా VX2 గో.

Source : Social Media

Show Quick Read

Key points generated by AI, verified by newsroom

• దేశంలో ఎలక్ట్రిక్ వాహనాలకు పెరుగుతున్న ఆదరణ, పెట్రోల్ ఖర్చు తగ్గించుకునే ప్రయత్నం.
• హీరో ఆప్టిమా: సామాన్యుడికి అందుబాటులో, సులభమైన డిజైన్, నమ్మకమైన పనితీరు.
• విడా VX2 గో: ప్రీమియం ఫీచర్లు, వేగవంతమైన పనితీరు, టెక్నాలజీ ప్రియులకు ఆకర్షణీయం.
• రెండు స్కూటర్ల మధ్య మోటార్, వేగం, ఛార్జింగ్, ధరలలో స్పష్టమైన తేడాలున్నాయి.

Hero Electric Optima vs Vida VX2 Go: భారత్‌లో ఎలక్ట్రిక్ వాహనాల విప్లవం ఇప్పుడు రెండో దశకు చేరుకుంది. ఒకప్పుడు కేవలంం పర్యావరణ హితం అని చెప్పుకునే వాహనాలు ఇప్పుడు పెర్ఫార్మెన్స్‌, సేవింగ్స్ మంత్రంతో వినియోగదారుల ముందుకు వస్తున్నాయి. ముఖ్యంగా మధ్యతరగతి ప్రజలు మత పెట్రోల్‌ ఖర్చులను తగ్గించుకోవడానికి ఈవీల వైపు చూస్తున్నారు. ఈ క్రమంలోనే మన ముందున్న రెండు మంచి ఆప్షన్లు హీరో ఎలక్ట్రిక్‌ ఆప్టిమా, విడా VX2 గో. 

ఈ రెండు కూడా హీరో నుంచి వచ్చినప్పటికీ, వీటి స్వభావం, టెక్నాలజీ, టార్గెట్ ఆడియన్స్‌ పూర్తిగా భిన్నం. ఈ రెండు స్కూటర్ల మధ్య ఉన్న ప్రతి చిన్న వ్యత్యాసాన్ని పరిశీలిద్దాం. 

హీరో ఎలక్ట్రిక్ ఆప్టిమా భారత్‌ ఎలక్ట్రిక్ స్కూటర్ల రంగంలో ఒక వెటరన్ లాంటిది. సింపుల్ డిజైన్, నమ్మకమైన పనితీరు, సామాన్యుడికి అందుబాటులో ఉన్న ధర దీని ప్రధాన బలం. ఇది కేవలం 93 కేజీల బరువుతో ఉంటుంది. దీని వల్ల ట్రాఫిక్‌లో నడపం చాలా ఈజీ. 

విడా VX2 గో హీరో సంస్థ నుంచి ప్రీమియం  బ్రాండ్‌. టెక్నాలజీ ప్రియులను వేగాన్ని కోరుకునే యువతను ఉద్దేశించిన దీనిని రూపొందించారు. ఇందులో వాడిన PMSM మోటార్, రిమూవబుల్‌ బ్యాటరీ టెక్నాలజీ దీనికి ప్రత్యేకతను తీసుకొస్తోంది. 

ధరలో ఉన్న వ్యత్యాసం  

ధర విషయానికి వస్తే, హీరో ఆప్టిమా ఎక్స్‌షోరూమ్‌ ధర సుమారు రూ. 83వేలు కాగా, విడా VX2 గో ధర 99 వేలు. అంటే సుమారు 16వేలు తేడాగా ఉంది.

ఆప్టిమాలో 1.2kW BLDC మోటార్ ఉంటే, విడాలో ఏకంగా 6kW శక్తివంతమైన PMSM మోటార్ ఉంది. ఇది  కొండ ప్రాంతాల్లో లేదా ఇద్దరు వ్యక్తులు ప్రయాణిస్తున్నప్పుడు అద్భుతమైన పవర్ ఇస్తుంది. ఆప్టిమా టాప్ స్పీడ్‌ 4km/h మాత్రమే. కానీ విడా VX2 గో 70km/hవేగంతో దూసుకుపోగలదు. విడాలో బ్లూటూత్‌ కనెక్టివిటీ, నేవిగేషన్, స్మార్ట్‌ఫోన్ ద్వారా కాల్/sms అలర్ట్స్‌ వంటి ఫీచర్లు ఉన్నాయి. ఆప్టిమాలో ఇవి అందుబాటులో లేవు.

చిత్రమైన విషయం ఏమిటంటే, రెండింటి రేంజ్‌ దాదాపు సమానం. ఆప్టిమా 8 కిలోమీటర్ రేంజ్ ఇస్తుంటే, విడా 92 కిలోమీటర్లు ఇస్తుంది. కానీ, విడాలో ఉన్న రిమూవబుల్ బ్యాటరీ ఒక గేమ్‌ ఛేంజర్‌గా చెబుతున్నారు. విడా VX2 గో ఛార్జింగ్‌ కేవలం 3.53 గంటల్లో పూర్తి అవుతుంది. పైగా ఇదులో ఫాస్ట్ చార్జింగ్‌ (రెండు గంటలు) సదుపాయం కాడూ ఉంది. ఆప్టిమాకు 4.5 గంటల సమయం పడుతుంది. ఇందులో ఫాస్ట్ ఛార్జింగ్‌ సదుపాయం లేదు. 

ఫీచర్‌	హీరో ఆప్టిమా CX 2.0	విడా VX2 గో
మోటార్‌ పవర్	1.2kW(BLDC)	6kW(PMSM)
టాప్ స్పీడ్	48km/Hr	70km/Hr
రేంజ్‌	89km/Charge	92km/Charge
ఛార్జింగ్ టైమ్‌	4.5Hr	3.53Hr
బరువు	93 kg	106 kg
అండర్‌ సీట్‌ స్టోరేజ్‌	ఉంది	33.2L
గ్రేడబిలిటీ(ఎత్తైన ప్రదేశాలు ఎక్కే శక్తి )	7 డిగ్రీలు	15 డిగ్రీలు

రోజువారి పనుల కోసం, పిల్లలను స్కూల్‌లో డ్రాప్‌ చేయడానికి ఐదు నుంచి పది కిలోమీటర్ల పరిధిలో తిరగడానికి హీరో ఆప్టిమా సరిపోతుంది. మీ ఆఫీస్‌ దూరం కొంచెం దూరం ఎక్కువగా ఉండి, మీరు ట్రాఫిక్‌లో వేగంగా వెళ్లాలనుకుంటే విడా VX2 గో ఉత్తమమైంది. 

మరిన్ని చదవండి

అనుకూల బడ్జెట్‌, ఆకట్టుకునే మైలేజ్‌! భారత మార్కెట్‌లో దుమ్మురేపుతున్న టాప్‌ 125 సీసీ స్కూటర్లు ఇవే!

పెట్రోల్ ధరలు పెరుగుతున్న వేళ రూ. 10 లక్షల నుంచే వచ్చే ఎలక్ట్రిక్ ఎస్‌యూవీలు! ఒక్క చార్జ్‌తో 500 కి.మీ ప్రయాణం