కొత్త లుక్లో వస్తున్న Tata Punch EV Facelift.. ఆకర్షిస్తున్న సన్రూఫ్, 500 KM రేంజ్ !
టాటా మోటార్స్ త్వరలో కొత్త టాటా పంచ్ EV ఫేస్లిఫ్ట్ ను భారత మార్కెట్లోకి విడుదల చేయనుంది. డిజైన్, ఫీచర్లు, రేంజ్, ప్రస్తుతానికి అందుబాటులో ఉన్న ధర వివరాలు తెలుసుకుందాం.
Tata Motors EV | టాటా మోటార్స్ అంటే నమ్మకమైన బ్రాండ్లలో ఒకటి. టాటా మోటార్స్ తన అత్యంత చవకైన ఎలక్ట్రిక్ SUV టాటా పంచ్ ఈవీ ఫేస్లిఫ్ట్ (Tata Punch EV Facelift) ని ఫిబ్రవరి 20న భారత మార్కెట్లో విడుదల చేయడానికి సన్నాహాలు చేస్తోంది. కొత్త టాటా Punch EV మునుపటి కంటే ఆకర్షణీయమైన డిజైన్, మెరుగైన ఫీచర్లు, ఎక్కువ కిలోమీటర్ల రేంజ్తో వస్తుంది. తక్కువ ధరలో స్టైలిష్ లుక్, నమ్మదగిన ఎలక్ట్రిక్ కారును కోరుకునే కస్టమర్ల కోసం టాటా మోటార్స్ ఈ ఈవీని అందించాలని లక్ష్యంగా పెట్టుకుంది. ఈ కారు లాంచ్ అయ్యాక EV విభాగంలో పలు కంపెనీలకు గట్టి పోటీ ఇస్తుందని సంస్థ ప్రతినిధులు చెబుతున్నారు.
డిజైన్, లుక్ లో కొత్తగా ఏముంటుంది?
టాటా పంచ్ ఈవీ ఫేస్లిఫ్ట్ (Tata Punch EV Facelift) డిజైన్ లో పలు మార్పులకు అవకాశం ఉంది. దీని ఫ్రంట్ ఫేసియాను కొద్దిగా రీడిజైన్ చేయవచ్చు. ఇందులో క్లోజ్డ్-ఆఫ్ గ్రిల్, కనెక్టెడ్ LED DRLలు, కొత్త అల్లాయ్ వీల్స్ ఉండవచ్చు. ముందు, వెనుక బంపర్లకు కూడా కొత్త లుక్ ఇస్తారు. దీనివల్ల టాటా పంచ్ ఈవీ SUV మరింత మోడ్రన్, ప్రీమియం లుక్ వస్తుంది. ఈ మార్పులు ఇటీవల వచ్చిన Punch ICE Facelift నుంచి ప్రేరణ పొందాయని కంపెనీ చెబుతోంది. ఎక్కువ కిలోమీటర్ల రేంజ్ కలిగిన వేరియంట్లలో ఆల్-ఫోర్ డిస్క్ బ్రేక్లు కూడా ఇస్తారని అంచనాలు ఉన్నాయి.
ఫీచర్లు, భద్రతలో పెద్ద అప్గ్రేడ్
కొత్త టాటా పంచ్ EV ఫేస్లిఫ్ట్ లో పెద్ద 12.3 అంగుళాల ఫ్రీ స్టాండింగ్ టచ్స్క్రీన్ ఇన్ఫోటైన్మెంట్ సిస్టమ్ వస్తుంది. దీంతో పాటు పనోరమిక్ సన్రూఫ్, సబ్వూఫర్తో ప్రీమియం హర్మాన్ కార్డన్ సౌండ్ సిస్టమ్ వస్తాయని మార్కెట్లో టాక్ నడుస్తోంది. టెక్నాలజీ విషయానికి వస్తే ఈ EV ఫేస్లిఫ్ట్ మునుపటి కంటే చాలా అడ్వాన్స్డ్గా ఉంటుంది. భద్రత విషయానికి వస్తే, ఇందులో లెవెల్ 2 ADAS ఫీచర్లు, ఆటోమేటిక్ ఎమర్జెన్సీ బ్రేకింగ్, లేన్ కీప్ అసిస్ట్ సహా అడాప్టివ్ క్రూయిజ్ కంట్రోల్ వంటివి ఉండనున్నాయి. దీంతో పాటు 6 ఎయిర్బ్యాగ్లు, 360 డిగ్రీ కెమెరా వంటి ఫీచర్లు కొనసాగించవచ్చు.
బ్యాటరీ, రేంజ్ మెరుగుదల
ప్రస్తుత టాటా Punch EV లో 25 kWh, 35 kWh బ్యాటరీ వేరియంట్స్ ఉన్నాయి. ఫేస్లిఫ్ట్ మోడల్లో 35 kWh బ్యాటరీని 40.5 kWh తో మార్చే అవకాశం ఉంది. నివేదికల ప్రకారం కొత్త టాటా Punch EV ఒకసారి ఛార్జ్ చేస్తే దాదాపు 500 కిలోమీటర్ల వరకు సాఫీగా ప్రయాణం చేయవచ్చు. అయితే, టాటా మోటార్స్ త్వరలో ఫీచర్లపై స్పష్టత ఇస్తుందని ఆసక్తిగా ఎదురు చూస్తున్నారు. .
ధర ఎంత ఉండవచ్చు?
ప్రస్తుతం Tata Punch EV ఎక్స్-షోరూమ్ ధర 9.99 లక్షల రూపాయల నుంచి రూ.14.44 లక్షల వరకు ఉంది. ఫేస్లిఫ్ట్ మోడల్లో కొత్త ఫీచర్లు, పెద్ద బ్యాటరీ కారణంగా ధర పెరిగే అవకాశం ఉంది. దీని టాప్ వేరియంట్ దాదాపు 15 లక్షల రూపాయల వరకు ఉండవచ్చని నివేదికలు చెబుతున్నాయి.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
