Tata Curvv: టాటా కర్వ్ కొనాలనుకునేవారికి బ్యాడ్ న్యూస్ - భారీగా పెరిగిన వెయిటింగ్ పీరియడ్!

Tata Curvv Waiting Period Increased: టాటా ఇటీవల లాంచ్ చేసిన కర్వ్ ఎస్‌యూవీ పెద్ద సక్సెస్ అయింది. దీంతో దీనికి సంబంధించిన వెయిటింగ్ పీరియడ్ కూడా వేరియంట్‌ను బట్టి మూడు నెలలు పెరిగింది.

టాటా కర్వ్

Source : Tata

Tata Curvv Waiting Period: టాటా కర్వ్ అనేది ఒక కూపే ఎస్‌యూవీ. ఈ కారుకు సంబంధించిన ఎలక్ట్రిక్ వెర్షన్ 2024 ఆగస్టులో మొదట భారత మార్కెట్లో లాంచ్ అయింది. దీని తర్వాత పెట్రోల్, డీజిల్ ఇంజిన్‌ వేరియంట్లు కూడా మార్కెట్లోకి వచ్చాయి. జనాల్లో ఈ కారు క్రేజ్ ఎంతగా పెరిగిపోయిందంటే దాని వెయిటింగ్ పీరియడ్ కూడా మూడు నెలలకు పెరిగింది. టాటా కర్వ్ వెయిటింగ్ పీరియడ్ దాని వేరియంట్ ప్రకారం మారుతూ ఉంటుంది.

టాటా కర్వ్ ఈవీ వెయిటింగ్ పీరియడ్ ఎంత ఉంది?
టాటా కర్వ్ ఎలక్ట్రిక్ వేరియంట్ కోసం వెయిటింగ్ పీరియడ్ దాదాపు నాలుగు వారాలకు చేరుకుంది. టాటా కర్వ్ ఈవీ రెండు బ్యాటరీ ప్యాక్‌ ఆప్షన్లతో మార్కెట్లోకి వచ్చింది. ఈ కారు 45 కేడబ్ల్యూహెచ్ బ్యాటరీ ప్యాక్‌ని కలిగి ఉంది. ఇది ఒక్కసారి పూర్తిగా ఛార్జింగ్‌ పెడితే 430 కిలోమీటర్లుగా ఉంది. దీని 55 కేడబ్ల్యూహెచ్ బ్యాటరీ ప్యాక్ ఆప్షన్‌తో ఈ కారు 502 కిలోమీటర్ల రేంజ్‌ని అందిస్తుందని కంపెనీ పేర్కొంది. టాటా కర్వ్ ఈవీ ఎక్స్ షోరూమ్ ధర రూ. 17.49 లక్షల నుంచి ప్రారంభమవుతుంది.

డీజిల్ వేరియంట్ వెయిటింగ్ పీరియడ్ ఎంత ఉంది?
టాటా కర్వ్ డీజిల్ పవర్‌ట్రెయిన్‌తో నాలుగు వేరియంట్లలో అందుబాటులో ఉంది. మాన్యువల్ గేర్‌బాక్స్‌తో వచ్చే దీని ఎంట్రీ లెవల్ స్మార్ట్ వేరియంట్ రెండు నెలల వెయిటింగ్ పీరియడ్‌ని కలిగి ఉంది. అదే సమయంలో దాని మిగతా మూడు వేరియంట్లు అయిన ప్యూర్, క్రియేటివ్, అకాంప్లిష్డ్ మోడల్స్ డెలివరీకి ఒక నెల కంటే ఎక్కువ సమయం పట్టవచ్చు. ఈ వాహనంలోని 1.5 లీటర్ డీజిల్ ఇంజన్ 118 హెచ్‌పీ పవర్‌ని జనరేట్ చేస్తుంది.

పెట్రోల్ వేరియంట్ వెయిటింగ్ పీరియడ్ ఎంత?
ఆటోమేటిక్ గేర్‌బాక్స్‌తో కూడిన టాటా కర్వ్ పెట్రోల్ వేరియంట్ కోసం కూడా వెయిటింగ్ పీరియడ్ అత్యధికంగా ఉంది. టాటా కర్వ్ పెట్రోల్ వేరియంట్ కొనుగోలు చేయాలంటే మీరు దాదాపు మూడు నెలల పాటు వేచి ఉండాలి. ఈ కారు 1.2 లీటర్ టర్బో ఇంజన్‌తో వస్తుంది. ఇది మాన్యువల్, ఆటోమేటిక్ ట్రాన్స్‌మిషన్ ఆప్షన్లను కలిగి ఉంది. కారులోని ఈ ఇంజన్ 120 హెచ్‌పీ పవర్‌ని జనరేట్ చేస్తుంది. టాటా కర్వ్ పెట్రోల్ వేరియంట్ ఎక్స్ షోరూమ్ ధర రూ.9.99 లక్షల నుంచి ప్రారంభం అవుతుంది.

మరోవైపు టాటా కర్వ్ ఈవీకి పోటీ ఇచ్చేందుకు స్కోడా ఒక కొత్త కారును తీసుకురానుంది. గ్లోబల్ మార్కెట్లో తన కొత్త కాంపాక్ట్ ఎలక్ట్రిక్ ఎస్‌యూవీ ఎల్రోక్ గ్లింప్స్‌ను స్కోడా ఇటీవలే విడుదల చేసింది. స్కోడా ఇండియా ఈ కారును భారతదేశానికి తీసుకువచ్చే అవకాశం కూడా ఉందని వార్తలు వస్తున్నాయి. స్కోడా ఎన్యాక్ కంటే కాస్త తక్కువ రేంజ్‌లో స్కోడా ఎల్రోక్ మార్కెట్లోకి వచ్చే అవకాశం ఉంది. స్కోడా ఎన్యాక్ అనేది పూర్తిగా ఫారిన్ మేడ్ కారుగా ఉండనుంది. ఇది కాంపాక్ట్ ఎస్‌యూవీ సెగ్మెంట్‌లో స్కోడా లాంచ్ చేసిన మొదటి కారు కూడా కావడం విశేషం.