Suzuki Burgman Street: లేటెస్ట్ ఫీచర్స్‌తో వచ్చిన సుజుకి బర్గ్‌మన్‌ స్ట్రీట్‌! అదిరిపోయే డిజైన్‌తో వచ్చిన ఈ వాహనం ధర ఎంతంటే?

Suzuki Burgman Street: మంచి స్టోరేజీ, లేటెస్ట్ టెక్నాలజీతో కూడిన స్కూటర్‌ కోరుకునే వారి కోసం సుజుకీ బర్గ్‌మన్‌స్ట్రీట్‌ను సరికొత్తగా తీసుకొచ్చింది. దీని ప్రారంభ ధర, ఫీచర్లు గురించి చూద్దాం.

లేటెస్ట్ ఫీచర్స్‌తో వచ్చిన సుజుకి బర్గ్‌మన్‌ స్ట్రీట్‌! అదిరిపోయే డిజైన్‌తో వచ్చిన ఈ వాహనం ధర ఎంతంటే?

Source : Social Media

Show Quick Read

Key points generated by AI, verified by newsroom

• సుజుకీ కొత్త బర్గ్‌మన్‌ స్ట్రీట్‌ 2026 మోడల్‌ విడుదల.
• రూ.1,01,944 నుంచి రూ.1,13,220 ధరతో రెండు వేరియంట్లలో లభ్యం.
• కొత్త డిజైన్, ఎల్‌ఈడీ లైట్లు, టీఎఫ్‌టీ డిస్‌ప్లేతో ఆకర్షణీయం.
• కీలెస్‌ స్టార్ట్, ఆన్సర్ బ్యాక్, యూఎస్‌బీ పోర్ట్‌ సౌకర్యాలు.

Suzuki Burgman Street: భారతీయ మార్కెట్‌లో స్కూటర్లకు ప్రత్యేక ఆదరణ ఉంది. దీనిని దృష్టిలో పెట్టుకొని సుజుకీ లేటెస్ట్ హంగులతో రెండో తరానికి చెందిన బర్గ్‌మన్‌ స్ట్రీట్‌ను తీసుకొచ్చింది. అధికారికంగా దీన్ని గురువారం విడుదల చేసింది. తన మాక్సీ స్కూటర్ గుర్తింపును మరింత స్ట్రాంగ్ చేసుకునేందుకు దాదాపు 8 ఏళ్ల తర్వాత ఈ బర్గ్‌మన్‌ స్ట్రీట్‌ను అప్‌డేట్ చేస్తోంది. 

ఎప్పుడు లాంచ్ చేస్తున్నారు? ధర ఎంత ఉంటుంది?

సుజుకి సంస్థ 2026 బర్గ్‌మన్‌ స్ట్రీట్‌ను ప్రధానంగా రెండు వేరియంట్లలో ప్రవేశపెట్టింది. దీన్ని ప్రారంభ ధర 1,01,944గా నిర్ణయించారు. రైడ్‌ కనెక్ట్‌ ఎడిషన‌ ధర రూ.1,01,944కాగా, రైడ్ కనెక్ట్‌ టీఎఫ్‌టీ ఎడిషన్ ధర రూ. 1,13, 220. గత మోడల్‌తో పోలిస్తే ధర సుమారు 3500 వరకు పెరిగింది. ఏప్రిల్ 8 నుంచి దేశవ్యాప్తంగా అన్ని సుజుకి డీలర్‌షిప్‌లలో ఈ స్కూటర్ అందుబాటులోకి రానుంది. 

డిజైన్‌ మార్పులతో సరికొత్త రూపం 

బర్గ్‌మన్‌ స్ట్రీట్‌ 2026 మోడ్ తన విజువల్ డిజైన్‌లో భారీ మార్పులను పొందింది. అంతర్జాతీయ మార్కెట్‌లో అందుబాటులో ఉన్న బర్గ్‌మ్‌ 400 నుంచి 750 మోడల్స్ నుంచి స్ఫూర్తి పొంది దీనిని రూపొందించారు. బాడీ-మౌంటెడ్‌ స్ప్లిట్‌ లెన్స్‌ ఎల్‌ఈడీ హెడ్‌లైట్లు, సరికొత్త ఎల్‌ఈడీ డీఆర్‌ఎల్‌లు,రీ డిజైన్‌ చేసిన ఎల్‌ఈడీ టెయిల్‌ ల్యాంప్‌లతో ఇది మరింత ఆకర్షణీయంగా కనిపిస్తోంది. ఈ స్కూటర్ ఇప్పుడు మరింత వంపులు తిరిగిన డిజైన్‌తో, మెటాలిక్ ఫినిష్‌ చిహ్నాలు, డార్క్ స్మోక్డ్‌ విండ్‌స్క్రీన్‌తో ప్రీమియం లుక్‌ను ఇస్తుంది. 

కీలెస్‌ స్కూటర్‌

టాప్ స్పెక్‌ వేరియంట్‌లో రిమోట్ కీఫోబ్ సౌకర్యం ఉంది. దీని వల్ల కీని జేబులో నుంచి తీయకుండానే స్కూటర్‌లను స్టార్ట్ చేవచ్చు. ఇందులో ఆన్సర్ బ్యాక్ ఫీచర్ కూడా ఉంది. ఇది పార్కింగ్ ఏరియాలో స్కూటర్‌ను సులభంగా వెతకడానికి వీలుపడుతుంది. పాత మోనోక్రోమ్‌ స్క్రీన్ స్థానంలో ఇప్పుడు రంగుల టీఎఫ్‌టీ డిస్‌ప్లేను ఏర్పాటు చేశారు. ఇది నావిగేషన్ స్మార్ట్ ఫోన్ కనెక్టివిటీ, ఇతర ముఖ్యమైన సమాచారాన్ని స్పష్టంగా చూపిస్తుంది. ప్రయాణంలో స్మార్ట్‌ఫోన్‌లను ఛార్జ్ చేసుకోవడానికి టీఏ యూఎస్‌బీ ఛార్జింగ్ పోర్ట్‌ను కూడా అందించారు. 

ఇంజిన్‌లో ఏమైనా మార్పులు ఉన్నాయా?

మెకానికల్‌గా కొన్ని మార్పులు చేసినా, ఇది తన నమ్మకమైన 124 సీసీ సింగిల్ సిలిండర్ ఎయిర్ కూల్డ్ ఇంజిన్‌తోనే వస్తోంది. ఇది 8.3 నుంచి 8.4 bhp పవర్, 10.2Nm గరిష్ట టార్క్‌ను ఉత్పత్తి చేస్తుంది. గత మోడల్‌ కంటే టార్క్ పెరగడం వల్ల తక్కువ వేగంలో కూడా మెరుగైన పెర్ఫార్మెన్స్‌ లభిస్తుంది. ఈ స్కూటర్‌ లీటర్‌కు సుమారు 58కిలోమీటర్ల మైలేజీని అందిస్తుంది.

స్టోరేజ్‌ ఎంత ఉంది?

రోజువారీ ప్రయాణికులకు ఉపయోగపడేలా ఇందులో పలు మార్పులు చేశారు. సీటు కింద ఉండే స్టోరేజ్ సామర్థ్యాన్ని 21.5 లీటర్ల నుంచి 124.6 లీటర్లకు పెంచారు. దీని వల్ల ఇప్పుడు ఫుల్ ఫేస్ హెల్మెట్‌ పట్టే అవకాశం ఉంది. ఇంధన ట్యాంక్ సామర్థ్యం 5.5 లీటర్లకు పెంచారు. కొత్త సుజుకీ యాక్సెస్‌ ఆధారిత ప్లాట్‌ఫామ్‌పై దీని రూపొందించారు. దీని ఫ్రేమ్ పాత దాని కంటే అరకిలో బరువు తక్కువగా ఉంటుంది.             

మరిన్ని చదవండి

ఈవీల నుంచి ఫైవ్ స్టార్ సేఫ్టీ వరకు మారుతి సుజుకి ప్రస్తుతం అమ్ముతున్న వెహికల్స్ లిస్ట్ ఇదే!

30 లక్షల మైల్ స్టోన్ ని దాటిన మారుతి సుజుకి డిజైర్.. దీని ఫీచర్లు, ధర, మైలేజీ వివరాలు