Renault Duster Hybrid లాంచ్.. 29 కి.మీ మైలేజ్ ఇచ్చే కారు ధర హైదరాబాద్‌లో ఎంతంటే

Renault Duster Hybrid Price | రెనాల్ట్ డస్టర్ హైబ్రిడ్ రూ.16.9 లక్షలకు లాంచ్ అయింది. ఫుల్ ట్యాంక్‌తో 1400 కిలోమీటర్లు నడిచే కారు F1 టెక్నాలజీ గేర్‌బాక్స్‌తో పాటు ఫీచర్ల వివరాలు ఇక్కడ తెలుసుకోండి.

రెనాల్ట్ డస్టర్ హైబ్రిడ్ కారు

Source : Renault

Show Quick Read

Key points generated by AI, verified by newsroom

• రెనాల్ట్ డస్టర్ హైబ్రిడ్ కారు 16.9 లక్షలతో మార్కెట్లోకి వచ్చింది.
• మల్టీ-మోడ్ గేర్‌బాక్స్‌తో 160 bhp శక్తి, ఆరు డ్రైవింగ్ మోడ్‌లు.
• 29 Kmpl మైలేజ్, ప్రీమియం క్యాబిన్, మెరుగైన డిజైన్ మార్పులు.

ప్రముఖ కార్ల తయారీ సంస్థ రెనాల్ట్ (Renault) తన అత్యంత ప్రజాదరణ పొందిన SUV డస్టర్ కారును కొత్త హైబ్రిడ్ రూపంలో లాంచ్ చేసింది. కంపెనీ దీని ప్రారంభ ధరతో ఆటో మొబైల్ మార్కెట్లో చర్చనీయాంశంగా మారింది. ఇతర హైబ్రిడ్ కార్ల కంటే చౌకగా ఉండటమే కాకుండా మైలేజ్ విషయంలో కూడా బెస్ట్ అనిపించుకుంటుంది. కొత్త Renault Duster Hybrid ఎక్స్ షోరూమ్ ధరరూ.16.9 లక్షల నుంచి రూ.19.4 లక్షల మధ్య ఉంటుంది. అయితే ఆన్ రోడ్ ధర ఎక్కువగా ఉంటుందని గ్రహించాలి. ఈ శక్తివంతమైన SUVని కేవలం 21,000 టోకెన్ అమౌంట్ చెల్లించి బుక్ చేసుకోవచ్చు.

డస్టర్ హైబ్రిడ్ కారులో అద్భుతమైన వేరియంట్లు

రెనాల్ట్ కంపెనీ ఈ హైబ్రిడ్ SUVని ఎవల్యూషన్ (Evolution), టెక్నో (Techno), ఎమోషన్ (Emotion) అనే 3 విభిన్న వేరియంట్లను మార్కెట్లోకి లాంఛ్ చేసింది. రెనాల్ట్ కంపెనీ హైబ్రిడ్ కారు బేస్ మోడల్ ఎక్స్ షోరూమ్ ధర రూ.16.9 లక్షలు కాగా, హైదరాబాద్‌లో ఆన్‌రోడ్ ధర రూ. 19,85,430 గా ఉంది. ఈ ప్రత్యేక ధరలు ఈ ఏడాది డిసెంబర్ 31 నాటికి వాహనాన్ని డెలివరీ పొందే కస్టమర్లకు మాత్రమే వర్తిస్తాయి. ఆ తర్వాత ధరలు పెరిగే అవకాశం ఉంది.

గేర్‌బాక్స్, ఇంజన్ కొత్త సాంకేతికత

ఈ కార్ అతిపెద్ద ప్రత్యేకత దీని కొత్త ముక్తి (Mukti) మల్టీ మోడ్ ఆటోమేటిక్ గేర్‌బాక్స్ ఇచ్చింది. ఇది సాధారణ గేర్‌బాక్స్ కాదు, ఇందులో 2 ఎలక్ట్రిక్, 4 పెట్రోల్ గేర్లు ఇచ్చారు. ఈ సాంకేతికత కారును నడపడానికి ప్యూర్ ఎలక్ట్రిక్, సిరీస్ హైబ్రిడ్, ప్యారలల్ హైబ్రిడ్, పూర్తిగా పెట్రోల్ మోడ్‌లతో కలిపి మీకు9 6 విభిన్న మోడ్‌లను అందిస్తుంది. ఇందులో 1.8 లీటర్ల పెద్ద పెట్రోల్ ఇంజన్ ఇచ్చారు. ఇది 2 ఎలక్ట్రిక్ మోటార్లు, 1.4 kWh బ్యాటరీ ప్యాక్‌తో పనిచేస్తుంది. ఈ మొత్తం కలిసి కారుకు 160 bhp లభించే బలమైన కంబైన్డ్ పవర్‌ను అందిస్తుంది. వేగం విషయంలో కూడా బెస్ట్.  9.1 సెకన్లలో 0 నుండి 100 కిమీ/గం వేగాన్ని అందుకుంటుంది.

నిజంగానే 29 Kmpl మైలేజ్ ఇస్తుందా?

Renault Duster Hybrid  అతిపెద్ద ప్రత్యేకత 29 Kmpl మైలేజ్ అని చెబుతారు. సిటీలో డ్రైవింగ్ చేసేటప్పుడు ఈ కారు ఎక్కువ సమయం కేవలం ఎలక్ట్రిక్ మోడ్‌లోనే నడుస్తుంది. దాంతో  పెట్రోల్ ఆదా అవుతుంది. ఒకసారి దీని ట్యాంక్ పూర్తిగా నింపితే ఈ కారు 1400 కిలోమీటర్ల వరకు వెళ్లవచ్చు.  రియల్ వరల్డ్ మైలేజ్ విషయానికి వస్తే, ట్రాఫిక్, రోడ్లను బట్టి నిజ జీవితంలో 29 మైలేజ్ రావడం కష్టమే. సాధారణంగా రియల్ టైం జర్నీ ప్రయోగంలో 20 kmpl+ కంటే ఎక్కువ మైలేజ్‌ సులభంగా ఇస్తుందని నిపుణులు చెబుతున్నారు. ఇది SUV విషయంలో ఎక్కువే. 

లుక్, కేబిన్ లోపల ఏం మారింది?

డిజైన్ విషయానికి వస్తే, రెనాల్ట్ కంపెనీ కొన్ని అద్భుతమైన మార్పులు చేసింది. హైబ్రిడ్ కారు ఫ్రంట్ గ్రిల్ మధ్యలో ఇప్పుడు మెరిసే DUSTER లోగో ఇచ్చింది. రాత్రి సమయంలో చాలా అందంగా కనిపిస్తుంది. మంచి రైడింగ్ కోసం కారు ముందు, వెనుక రెండు వైపులా ఫ్రీక్వెన్సీ డాంపర్లు ఇచ్చారు. సేఫ్టీ కోసం నాలుగు చక్రాలకు డిస్క్ బ్రేక్‌లు లభిస్తాయి.

కారు కేబిన్‌ను చాలా ప్రీమియంగా చేశారు. దీని టాప్ ఎమోషన్ (Emotion) వేరియంట్‌లో కొత్త డ్యూన్ బ్రౌన్ లెథరెట్ సీట్ అప్‌హోల్‌స్టరీ ఇవ్వగా.. ముందు సీట్లకు వెంటిలేషన్, 6 వే పవర్ అడ్జస్ట్ ఫీచర్ లభిస్తుంది. దీని టెక్నో (Techno) వేరియంట్‌లో డెసర్ట్ బేస్ సెమీ లెథరెట్ అప్‌హోల్‌స్టరీతో పాటు కొత్త డిజైన్ హెడ్‌రెస్ట్ ఇచ్చారు. హైబ్రిడ్ టెక్నాలజీ అయినప్పటికీ దీని కేబిన్ స్పేస్, బూట్ స్పేస్‌లలో స్టాండర్డ్ Duster తో పోలిస్తే ఏమీ తగ్గించలేదు. 

మరిన్ని చదవండి

Mahindra XUV 3XO ZNG పేరుకే CNG కారు- అధిక మైలేజ్,పెట్రోల్ లాంటి పవర్ దీని సొంతం

RC, ఆధార్ కార్డులో పేరు వేర్వేరుగా ఉంటే, పోలీసులు చలాన్ వేస్తారా ?