పవర్‌ఫుల్ పల్సర్ బైక్ Pulsar NS 400Z లాంచ్.. ఫీచర్లు చూశారా- డ్యూక్ బైక్‌కు గట్టి పోటీ !

Bajaj Pulsar ns 400z Price | బజాజ్ తన పవర్‌ఫుల్ బైక్ పల్సర్ NS400Zని కొత్త అప్‌డేట్‌తో లాంచ్ చేసింది. రూ. 1.90 లక్షల ఎక్స్ షోరూమ్ ధరతో వచ్చి బైక్ ఫీచర్లు ఇక్కడ తెలుసుకోండి.

బజాజ్ పల్సర్ ఎన్ఎస్ 400Z

Source : Bajajauto

Show Quick Read

Key points generated by AI, verified by newsroom

• కొత్త పల్సర్ NS400Z రూ. 1.90 లక్షలకు ప్రారంభించబడింది.
• శక్తివంతమైన 373cc ఇంజిన్‌ 40PS పవర్, 35Nm టార్క్‌నిస్తుంది.
• TFT డిస్‌ప్లే, బ్లూటూత్, 4 రైడింగ్ మోడ్స్‌తో సురక్షితం.
• KTM డ్యూక్‌కు పోటీగా తక్కువ ధరకే అందుబాటులో ఉంది.

భారత్‌లో కార్ల మార్కెట్‌కు కొన్నేళ్ల నుంచి డిమాండ్ ఉంది. అయితే బైక్ మార్కెట్‌ మాత్రం ఎవర్ గ్రీన్. ఇందులో ఏ అనుమానం అక్కర్లేదు. కొనుగోలుదారులకు చాలా ఆప్షన్లు అందుబాటులో ఉన్నాయి. ఈ క్రమంలోనే బజాజ్ ఆటో అత్యంత పవర్‌ఫుల్ బైక్ పల్సర్ NS400Zని కొత్త అప్‌డేట్స్‌తో లాంచ్ చేసింది. ఈ బైక్ యూత్‌ను అట్రాక్ట్ చేస్తుంది. బజాజ్ కంపెనీ దీని ప్రారంభ ఎక్స్-షోరూమ్ ధర రూ. 1.90 లక్షలుగా పేర్కొంది.. ఇంత తక్కువ బడ్జెట్‌లో 370cc కంటే ఎక్కువ సామర్థ్యం ఉన్న ఇంజిన్, పలు మోడ్రన్ ఫీచర్లు లభించడం పెద్ద విషయమే.

ఇప్పుడు ఈ బైక్ నేరుగా KTM డ్యూక్ 390 వంటి ప్రీమియం బైక్‌కు గట్టి పోటీ ఇస్తుంది. దీని స్పోర్టీ లుక్, వెడల్పాటి హ్యాండిల్,మస్క్యులర్ ఫ్యూయల్ ట్యాంక్ ఆకట్టుకుంటాయి. మీరు వేగంగా దూసుకెళ్లే, హైవేపై కూడా అద్భుతమైన పెర్ఫార్మెన్స్ ఇచ్చే బైక్ కోసం చూస్తున్నారా.. కొత్త పల్సర్ మీకు బెస్ట్ ఆప్షన్ కావొచ్చు.

పవర్‌ఫుల్ ఇంజిన్, సూపర్ పెర్ఫార్మెన్స్

కొత్త పల్సర్ NS400Zలో 373cc లిక్విడ్-కూల్డ్ సింగిల్ సిలిండర్ ఇంజిన్ ఇచ్చింది. ఇది సుమారు 40 PS భారీ పవర్, 35 Nm టార్క్‌ను ఉత్పత్తి చేస్తుంది. ఈ బైక్‌లో 6 స్పీడ్ గేర్‌బాక్స్‌, అసిస్ట్, స్లిప్పర్ క్లచ్ సపోర్ట్ కూడా ఉంటుంది. ట్రాఫిక్‌లో గేర్లు మార్చడం చాలా తేలిక. ఇందులో రైడ్-బై-వైర్ థ్రోటల్ టెక్నాలజీ అందించారు. దీనివల్ల యాక్సిలరేటర్ ఇవ్వగానే బైక్ వెంటనే, స్మూత్‌గా రెస్పాండ్ అవుతుంది. హైవేపై ఈ బైక్ చాలా సులభంగా వేగాన్ని అందుకోవచ్చు.

పలు మోడ్రన్ ఫీచర్లు 

బజాజ్ కంపెనీ ఈసారి టెక్నాలజీ పరంగా ఎలాంటి లోటూ చేయలేదు. ఇందులో కొత్త 5-ఇంచ్ TFT డిజిటల్ ఇన్స్ట్రుమెంట్ క్లస్టర్, డిస్‌ప్లే బ్లూటూత్ కనెక్టివిటీ, టర్న్-బై-టర్న్ గూగుల్ మ్యాప్స్ నేవిగేషన్, మ్యూజిక్ కంట్రోల్, కాల్-SMS అలర్ట్స్ వంటి ఫీచర్లు ఉన్నాయి. రైడర్లు స్క్రీన్ పైనే రూట్ వివరాలు చూసుకోవచ్చు. ఫోన్ ఛార్జింగ్ కోసం USB టైప్-సి పోర్ట్ ఇచ్చారు. ఇది లాంగ్ రైడ్స్ సమయంలో దోహదం చేస్తుంది. 

రైడింగ్ మోడ్స్, సేఫ్టీ కంట్రోల్

రైడర్ సేఫ్టీ, కంఫర్ట్ విషయానికి వస్తే, పల్సర్ NS400Zలో రోడ్, రెయిన్, స్పోర్ట్, ఆఫ్ రోడ్ అనే 4 రైడింగ్ మోడ్స్ ఉన్నాయి. ఈ మోడ్స్ వివిధ రకాల రోడ్లు, వాతావరణానికి తగ్గట్లుగా బైక్ పెర్ఫార్మెన్స్‌‌ను అడ్జస్ట్ చేస్తాయి. భద్రత కోసం డ్యూయల్- ఛానల్ ABS, స్విచబుల్ ట్రాక్షన్ కంట్రోల్ సిస్టమ్ ఉంటాయి. సడన్ బ్రేక్ వేసే సమయంలో వెనుక వస్తున్న వాహనాలను అప్రమత్తం చేయడానికి పానిక్ బ్రేక్ అలర్ట్ ఫీచర్‌ జత చేశారు.

KTM డ్యూక్‌తో పోటీ

KTM డ్యూక్ సిరీస్ తన వేగవంతమైన పెర్ఫార్మెన్స్‌కు ప్రసిద్ధి చెందింది. కానీ ధర చాలా ఎక్కువ. అయితే, బజాజ్ పల్సర్ NS400Zని కేవలం రూ. 1.90 లక్షల ఎక్స్ షోరూమ్ ధరకు లాంచ్ చేసి గేమ్ ఛేంజర్ గా మారింది. సగం ధరలోనే దాదాపు అలాంటి పవర్‌ఫుల్ ఇంజిన్, USD ఫ్రంట్ ఫోర్క్స్, మోడ్రన్ ఫీచర్లు వస్తుండటంతో ఈ బైక్ యూత్‌కు ఫస్ట్ చాయిస్ అవుతోంది. 

మరిన్ని చదవండి

అంచనాలు పెంచేస్తున్న Renault Duster Hybrid.. డౌన్ పేమెంట్, EMI ఎంత చెల్లించాలి

1.3 లక్షలు డౌన్ పేమెంట్ చేసి Tata Aeris కారు కొనవచ్చు.. EMI ఎంత చెల్లించాలి