WagonR కొనుగోలుపై రూ. 64,600 డిస్కౌంట్ ఇస్తున్న మారుతి కంపెనీ.. ఆఫర్ పూర్తి వివరాలు

మారుతి సుజుకి వ్యాగన్ ఆర్ (WagonR) వాహనంపై కంపెనీ రూ. 64,600 వరకు డిస్కౌంట్ లభిస్తోంది. క్యాష్ డిస్కౌంట్, ఎక్స్ఛేంజ్ బోనస్, మైలేజ్, ఫీచర్లు, ధర వివరాలు తెలుసుకోండి.

WagonR కొనుగోలుపై రూ. 64,600 డిస్కౌంట్ ఇస్తున్న మారుతి కంపెనీ

Source : maruti suzuki

Show Quick Read

Key points generated by AI, verified by newsroom

• మారుతి సుజుకి వ్యాగన్ ఆర్‌పై అక్టోబర్‌లో రూ. 64,600 తగ్గింపు.
• నగదు, ఎక్స్‌ఛేంజ్ బోనస్, ఇతర ప్రయోజనాలతో ఈ ఆఫర్ లభ్యం.
• అద్భుత మైలేజ్, విశాలమైన ఇంటీరియర్, కీలక భద్రతా ఫీచర్లు ఉన్నాయి.
• పెట్రోల్, సీఎన్‌జీ వేరియంట్లు లీటరుకు 33 కి.మీ మైలేజీ ఇస్తుంది.

భారత్‌లో ఎప్పటి నుంచో మారుతి సుజుకి కంపెనీ కార్లకు విపరీతమైన క్రేజ్ ఉంది. ఇప్పటికీ కంపెనీ దేశంలో అత్యధికంగా కార్లను విక్రయిస్తోంది. రాబోయే రోజుల్లో విక్రయాల సంఖ్య మరింత పెరిగే అవకాశం ఉంది. ఇక అక్టోబర్‌లో మారుతి సుజుకి కి చెందిన వ్యాగన్ ఆర్ పై ఒక ప్రత్యేక ఆఫర్ వచ్చింది. పండుగల సీజన్ ప్రారంభంతో కంపెనీ అక్టోబర్ 2026 లో వ్యాగన్ ఆర్ పై డిస్కౌంట్లు, ఆఫర్లను ప్రకటించింది.

మీరు కనుక అక్టోబర్ నెలలో వ్యాగన్ ఆర్ పై మొత్తం రూ. 64,600 వరకు ఆదా చేయవచ్చు. భారత రోడ్లపై సెట్ అయ్యే, అద్భుతమైన మైలేజ్, తక్కువ నిర్వహణ ఖర్చు కారణంగా ఈ కారు నిరంతరం బెస్ట్-సెల్లింగ్ జాబితాలో కొనసాగుతోంది. మరి ఈ డిస్కౌంట్ ప్రయోజనాన్ని మీరు ఎలా పొందవచ్చో, ఇక్కడ వివరంగా తెలుసుకుందాం.

డిస్కౌంట్ ఎలా వస్తుంది

వాస్తవానికి మారుతి సుజుకి అందిస్తున్న ఈ భారీ డిస్కౌంట్ ఆఫర్‌లో పలు రకాల బెనిఫిట్స్ కలిసి ఉన్నాయి. కంపెనీ వినియోగదారులకు నేరుగా రూ. 35,000 వరకు ఫ్లాట్ క్యాష్ డిస్కౌంట్‌ ఇస్తోంది. అక్టోబర్ 20 వరకు కారు బుకింగ్, డెలివరీ తీసుకునే కస్టమర్లకు అదనంగా రూ. 7,100 తగ్గింపు ప్రయోజనం లభిస్తుంది.

 మీ పాత వాహనాన్ని మార్చుకుని (ఎక్స్ఛేంజ్) కొత్త వ్యాగన్ ఆర్ తీసుకుంటే కనుక మీకు రూ. 15,000 ఎక్స్ఛేంజ్ బోనస్ ఇస్తుంది. దీంతో పాటు రూ. 10,000 స్మార్ట్ ఎక్స్ఛేంజ్ ప్లాన్ సహా రూ. 2,500 ఇన్స్టిట్యూషనల్ ఆఫర్ కూడా మారుతి కంపెనీ అందిస్తోంది. అన్ని బెనిఫిట్స్ కలిపితే మీకు మొత్తం పొదుపు రూ. 64,600 వరకు అవుతుంది.

వ్యాగన్ ఆర్ సిగ్నేచర్ 'టాల్-బాయ్ డిజైన్' దానికి భిన్నమైన లుక్‌తో పాటు కారు లోపల స్పేస్ కూడా అందిస్తుంది. కారు లోపల 7-అంగుళాల స్మార్ట్‌‌ప్లే స్టూడియో టచ్‌స్క్రీన్ ఇన్ఫోటైన్‌మెంట్ సిస్టమ్ అందించారు. ఈ ఇన్ఫోటైన్‌మెంట్ సిస్టమ్ ఆపిల్ కార్‌ప్లే, ఆండ్రాయిడ్ ఆటో కనెక్టివిటీకి సపోర్ట్ చేస్తుంది. ఇక లాంగ్ జర్నీ ప్రయాణాల కోసం కారులో సౌకర్యవంతమైన సీట్లు, స్టీరింగ్ మౌంటెడ్ ఆడియో కంట్రోల్స్, 341 లీటర్ల పెద్ద బూట్ స్పేస్ ఇచ్చింది. దీనివల్ల ఫ్యామిలీ లగేజీ సులభంగా సరిపోతుంది.

ఇంజిన్ చాలా పవర్ ఫుల్ 

వ్యాగన్ ఆర్ 1.0 లీటర్, 1.2 లీటర్ K సిరీస్ పెట్రోల్ ఇంజిన్ ఆప్షన్లతో అందుబాటులో ఉంది. కారులో 5 స్పీడ్ మాన్యువల్ గేర్‌బాక్స్‌, ఆటోమేటిక్ ట్రాన్స్‌మిషన్ ఆప్షన్ సైతం అందుబాటులో ఉంది. సేఫ్టీ పరంగా ఈ కారు మారుతి హార్టెక్ట్ (HEARTECT) ప్లాట్‌ఫామ్‌పై రూపొందించారు. రోజువారీ వినియోగం, సేఫ్ జర్నీ దృష్టిలో ఉంచుకుని ఇందులో డ్యూయల్ ఫ్రంట్ ఎయిర్‌బ్యాగ్‌లు, యాంటీ లాక్ బ్రేకింగ్ సిస్టమ్ (ABS) తో కూడిన EBD, రియర్ పార్కింగ్ సెన్సార్లు, హిల్ హోల్డ్ అసిస్ట్ ఫీచర్లు ఇచ్చింది. 

33 కి.మీ అధిక మైలేజ్

మైలేజ్ విషయంలో మారుతి కారు ఎల్లప్పుడూ బెస్ట్ అనిపించుకుంటోంది. వ్యాగన్ ఆర్ పెట్రోల్ వేరియంట్ లీటరుకు 23.56 నుంచి 25.19 కిలోమీటర్ల మైలేజ్‌ను ఇస్తుందని కంపెనీ తెలిపింది. అదే సమయంలో సిఎన్‌జి (CNG) మోడల్ కేజీకి 33.47 కిలోమీటర్ల మైలేజ్‌ను అందిస్తుందని కంపెనీ క్లెయిమ్ చేసింది. మారుతి సుజుకి వ్యాగన్ ఆర్ ఎక్స్-షోరూమ్ ధర కేవలం రూ. 4.99 లక్షలకు ప్రారంభం కాగా, దీని టాప్-ఎండ్ మోడల్  ఎక్స్ షోరూమ్ ధర రూ. 7.45 లక్షల వరకు ఉంటుంది.

మరిన్ని చదవండి

అంచనాలు పెంచేస్తున్న Renault Duster Hybrid.. డౌన్ పేమెంట్, EMI ఎంత చెల్లించాలి

6 ఏళ్ల తర్వాత వచ్చిన కొత్త Mahindra Thar OG .. ఫీచర్లు, ధర, EMI లెక్కలు చూసి కొనేయండి