6 ఏళ్ల తర్వాత వచ్చిన కొత్త Mahindra Thar OG .. ఫీచర్లు, ధర, EMI లెక్కలు చూసి కొనేయండి

Mahindra Thar Cars | మహీంద్రా కొత్త 3 డోర్ థార్‌ను కొనాలని భావిస్తున్నారా.. అయితే దాని ధర, డౌన్ పేమెంట్ సహా ఈఎంఐ పూర్తి లెక్కలు ఇక్కడ అందిస్తున్నాం.

6 ఏళ్ల తర్వాత వచ్చిన కొత్త Mahindra Thar OG ..

Source : Mahindra Thar

Show Quick Read

Key points generated by AI, verified by newsroom

• మహీంద్రా కొత్త 3-డోర్ థార్ OG ఆధునిక డిజైన్‌తో విడుదల.
• దీనికి రూ. 10.32 లక్షల ప్రారంభ ధర; అధునాతన ఫీచర్లు.
• ఇంజిన్లలో మార్పులేదు; ఫైనాన్స్, ఈఎంఐ వివరాలు అందుబాటులో.

మహీంద్రా థార్‌ను ఇష్టపడే వారికి ముఖ్యమైన అప్డేట్.. 2026 సెప్టెంబర్ 22న కంపెనీ 3-డోర్ థార్ కొత్త అప్‌డేటెడ్ మోడల్‌ను భారత మార్కెట్లో లాంచ్ చేసింది. ఈసారి కొత్త థార్‌ను గతంలో కంటే మరింత మోడ్రన్‌గా తీసుకొచ్చారు. దీని డిజైన్‌లో పెద్ద థార్ రోక్స్ (Thar Roxx) షేడ్స్ కనిపిస్తున్నాయి. దీనికి మహీంద్రా థార్ ఓజీ (Mahindra Thar OG) అని పేరు పెట్టారు. కొత్త థార్‌కి సంబంధించిన ఫైనాన్స్, ఈఎంఐ వివరాలు ఇక్కడ తెలుసుకోండి. 

థార్ రాక్స్ తరహాలోనే ఫ్రంట్ డిజైన్

కొత్త మహీంద్రా థార్‌లో పెద్ద మార్పు దాని ముందు భాగంలో కనిపిస్తుంది. ఇందులో థార్ రాక్స్ ఆధారిత డిజైన్‌తో కూడిన కొత్త గ్రిల్‌ను ఇచ్చారు. ఈ SUVలో కొత్త LED ప్రొజెక్టర్ హెడ్‌ల్యాంప్‌లు, C-షేప్ LED DRLలు ఇచ్చారు. ప్రస్తుతం ఉన్న మోడల్‌లోని లైటింగ్‌తో పోలిస్తే ఈ కొత్త సెటప్ థార్‌కు మోడ్రన్ లుక్ ఇస్తుంది. ఫ్రంట్ బంపర్, టర్న్ ఇండికేటర్లలో కూడా మార్పులున్నాయి. 

మహీంద్రా థార్ దేశంలోనే అత్యంత ప్రజాదరణ పొందిన ఆఫ్-రోడ్ SUVలలో ఒకటి. కంపెనీ దీని 3-డోర్ మోడల్‌ను కొత్త అప్‌డేట్‌లతో  తీసుకొచ్చింది. కొత్త థార్ ఓజీ (Thar OG) హైదరాబాద్‌లో ప్రారంభ ఎక్స్-షోరూమ్ ధర రూ. 10.32 లక్షలుగా నిర్ణయించారు. ఆన్ రోడ్ ధర దాదాపు 12.9 లక్షలు ఉంది. హైదరాబాద్‌లో దీని టాప్ వేరియంట్ ఎక్స్ షోరూమ్ ధర రూ. 18.99 లక్షల వరకు ఉంటుంది. అయితే పూర్తి డబ్బులు లేకపోతే డౌన్ పేమెంట్ చేసి, ఫైనాన్స్ ద్వారా మిగతా నగదు చెల్లించవచ్చు.

 బేస్ మోడల్ ఈఎంఐ ధరల వివరాలు ఇవే

మహీంద్రా థార్ ఓజీ బేస్ మోడల్ డౌన్ పేమెంట్ 2.5 లక్షలు చెల్లిస్తే.. మిగతా 10.4 లక్షలు బ్యాంక్, ఫైనాన్స్ సంస్థల లోన్ తీసుకోవాలి. దాంతో 9.5 శాతం వడ్డీతో 4 నుంచి 6 ఏళ్ల వరకు లోన్ తీసుకుంటే నెలవారీ వడ్డీల వివరాలు ఇక్కడ అందిస్తున్నాం.   

4 సంవత్సరాల కాలపరిమితి (48 నెలలు) నెలవారీ EMI రూ. 26,116 చెల్లించాలి. అయితే మీరు చెల్లించే వడ్డీ మొత్తం 2,13,546 అవుతుంది. ఒకవేళ మీరు 5 సంవత్సరాలకు (60 నెలలు) లోన్ తీసుకుంటే 21,833 ఈఎంఐ చెల్లించాలి. వడ్డీ 2,69,972తో కలిపి 13,09,972 చెల్లించుకుంటారు. 6 సంవత్సరాలు (72 నెలలు) నెలవారీ EMI రూపంలో 18,992 కట్టాలి. చెల్లించే వడ్డీ 3,27,388 కాగా, మొత్తంగా 13.67 లక్షల వరకు చెల్లించాల్సి ఉంటుంది.

కేబిన్‌లోనూ కొత్త ఫీచర్లు

కొత్త థార్ ఓజీ లోపలి భాగంలో మరికొన్ని మార్పులు చేశారు. కంపెనీ ఇందులో కొత్త డిజిటల్ ఇన్‌స్ట్రుమెంట్ క్లస్టర్‌ ఇచ్చింది. దీంతో పాటు ప్రస్తుతం ఉన్న 10.25 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్‌ను కొనసాగించారు. వైర్‌లెస్ ఫోన్ ఛార్జింగ్, ఫ్రంట్ వెంటిలేటెడ్ సీట్లు, ఆటోమేటిక్ క్లైమేట్ కంట్రోల్, 360 డిగ్రీ కెమెరా వంటి ఫీచర్లు ఇచ్చారు. 

ఇంజిన్‌లో అంతగా మార్పుల్లేవు 

కొత్త థార్ మెకానికల్ భాగంలో పెద్ద మార్పులు చేయలేదు. కంపెనీ ప్రస్తుతం ఉన్న పెట్రోల్, డీజిల్ ఇంజిన్ ఆప్షన్లను కంటిన్యూ చేసింది.  ఇందులో 2.0 లీటర్ టర్బో పెట్రోల్, 2.2 లీటర్ డీజిల్, 1.5 లీటర్ డీజిల్ ఇంజిన్లు ఇస్తోంది. పలు ఇంజిన్లతో పాటు మాన్యువల్, ఆటోమేటిక్ గేర్‌బాక్స్ ఆప్షన్లు ఇచ్చింది. 2.0 లీటర్ పెట్రోల్, 2.2 లీటర్ డీజిల్ ఇంజిన్లతో 4WD ఆప్షన్ అందించింది. డిజైన్, ఫీచర్లలో మార్పులు వచ్చినప్పటికీ థార్ ఆఫ్-రోడ్ ఫోకస్ మాత్రం మారలేదు. 

 

మరిన్ని చదవండి

Maruti Fronx టాప్ మోడల్ ధర ఎంత.. డౌన్ పేమెంట్, EMI లెక్కలు తెలుసుకుని కొనండి

ఎంత జీతం ఉంటే Maruti Celerio కొనవచ్చు? ప్రతినెలా EMI ఎంత చెల్లించాలి