ఎంత జీతం ఉంటే Maruti Celerio కొనవచ్చు? ప్రతినెలా EMI ఎంత చెల్లించాలి

ఎంత జీతం లేక ఆదాయం ఉన్నవారు మారుతి సెలెరియో కొనవచ్చు? బేస్ మోడల్ కొనేవారు డౌన్ పేమెంట్, EMI ఎంత చెల్లించాలి పూర్తి వివరాలు ఇక్కడ తెలుసుకోండి.

మారుతి సెలెరియో కారు

Source : Maruti Suzuki

Show Quick Read

Key points generated by AI, verified by newsroom

• వివిధ కాలపరిమితులకు ఈఎంఐలు మారుతాయి; సురక్షితంగా రూ. 50 వేలు జీతం.

గత కొన్నేళ్లుగా భారత్‌లో కార్లకు డిమాండ్ పెరుగుతోంది. సొంతంగా ఒక కారు ఉండాలని, అందులోనే ఫ్యామిలీతో జర్నీ చేయాలని భావిస్తుంటారు. కానీ ఈ రోజుల్లో కార్ల ధరలు భారీగా పెరిగాయి. దీని వల్ల కారు కొనడం అంత సులభం కావడం లేదు. అయితే ఇప్పటికీ అత్యంత తక్కువ ధరకే లభించే కార్లు సైతం మార్కెట్లో ఉన్నాయి. అందులో మారుతి సుజుకి సెలెరియో (Maruti Suzuki Celerio) కారు ఒకటి.

అద్భుతమైన లుక్, లీటరుకు 25- 26 కిలోమీటర్ల మైలేజ్, తక్కువ మెయింటనెన్స్ ఖర్చు కారణంగా ఈ హ్యాచ్‌బ్యాక్  మధ్యతరగతి కుటుంబాలలో ఎంతో ప్రజాదరణ పొందింది. మీరు కూడా మారుతి సెలెరియో కొనాలని ఆలోచిస్తుంటే, ప్రతి నెలా మీకు ఎంత జీతం లేక ఆదాయం రావాలనేది తెలుసుకోండి. ఆన్-రోడ్ ధర, డౌన్ పేమెంట్, బ్యాంక్ వడ్డీ రేట్ల ఆధారంగా  EMI లెక్కలు అర్థం చేసుకుందాం.

సెలెరియో ఆన్-రోడ్ ధర ఎంత?

హైదరాబాద్‌లో మారుతి సెలెరియో బేసిక్ మోడల్ ఎక్స్ షోరూమ్ ధర రూ. 4,69,900గా ఉంది. ఆన్ రోడ్ ధర అయితే రూ. 5.75 లక్షల వరకు ఉంటుంది. మోడల్, వేరియంట్ ఆధారంగా ధరలు ఇంకా పెరుగుతాయి. టాప్ సీఎన్జీ (CNG) లేదా ఆటోమేటిక్ మోడల్ సుమారు రూ. 7.55 లక్షలు అలా ఉంటుంది. 

కారు కొనేటప్పుడు 20/4/10 రూల్ పాటించాలి. మొత్తం ఆన్-రోడ్ ధరలో కనీసం 20 శాతం అయినా డౌన్ పేమెంట్ చేయాలి. లోన్ వ్యవధి గరిష్టంగా 4 నుంచి 5 సంవత్సరాలు ఉండాలి. నెలవారీ EMI మీ జీతంలో 10 నుంచి 15 శాతానికి మించరాదు.

జీతం ఎంత ఉండాలి?

మారుతి సెలెరియో బేస్ మోడల్ LXi కొనాలనుకుంటే దాని ఆన్-రోడ్ ధర సుమారు రూ. 5.75 లక్షల వరకు ఉంటుంది. మీరు 20 శాతం అంటే రూ. 1.02 లక్షలు డౌన్ పేమెంట్‌గా చెల్లిస్తే, రూ. 4.73 లక్షల బ్యాంక్ లోన్ తీసుకోవాల్సి ఉంటుంది.

బ్యాంక్ మీకు 9.5 శాతం వడ్డీ రేటుతో 5 సంవత్సరాల కాలపరిమితికి లోన్ ఇస్తుందని భావిస్తే, మీ ప్రతి నెల EMI సుమారు రూ. 8,560 అవుతుంది. 10 నుండి 15 శాతం నియమం ప్రకారం, మీ నెలవారీ ఇన్-హ్యాండ్ జీతం రూ. 30,000 నుండి రూ. 35,000 మధ్య ఉంటే, మీరు ఎలాంటి ఇబ్బంది లేకుండా బేస్ మోడల్‌ను హాయిగా కొనుగోలు చేయవచ్చు.

4,73,000 లోన్ తీసుకుంటే 9.5% వార్షిక వడ్డీ రేటుతో 4, 5, 6 సంవత్సరాలకు ప్రతినెలా చెల్లించాల్సిన EMI వివరాలు..

4 సంవత్సరాల కాలపరిమితి (48 నెలలు).. ప్రతినెలా చెల్లించాల్సిన ఈఎంఐ రూ.11,889

బ్యాంక్‌కు చెల్లించే మొత్తం వడ్డీ ₹97,688 కాగా, మొత్తం తిరిగి చెల్లించే మొత్తం: ₹5,70,688 అవుతుంది.

5 సంవత్సరాల కాలపరిమితి (60 నెలలు) ప్రతినెలా EMI 9,933 చెల్లించాలి. 

బ్యాంక్‌కు చెల్లించే మొత్తం వడ్డీ రూ.1,22,965, కాగా మొత్తం రూ.5,95,965 తిరిగి చెల్లించనున్నారు. 

6 సంవత్సరాల కాలపరిమితి (72 నెలలు) అయితే ప్రతినెలా చెల్లించాల్సిన EMI రూ. 8,638.

బ్యాంక్‌కు చెల్లించే మొత్తం వడ్డీ రూ.1,48,930 కాగా, మొత్తం తిరిగి చెల్లించే మొత్తం:రూ.6.21 లక్షలు అవుతుంది.

ఈ EMIని సులభంగా చెల్లించడానికి మీ నెలవారీ జీతం కనీసం రూ. 50,000 అయినా ఉండాలి. సొంతిల్లు ఉంది, ఇతరత్రా తక్కువ ఖర్చులు ఉండేవారు 40 వేల శాలరీ వచ్చినా కారు కొనవచ్చు. అందుకే అత్యవసర నిధి (Emergency Fund), పొదుపు పక్కనపెట్టాక మీ జీతానికి తగిన సరైన వేరియంట్‌ను ఎంచుకోండి.

మరిన్ని చదవండి

517 KM రేంజ్, అద్భుతమైన ఫీచర్లు.. MG Hector Tomahawk EV కోసం EMI ఎంత చెల్లించాలి

రూ.1 లక్ష చెల్లించి Tata Sierra Legend కారు కొంటే, EMI ఎంత కట్టాలి