పవర్ కావాలా? మైలేజ్ కావాలా? Fronx, Baleno టాప్ వేరియంట్లలో మీ స్టైల్కు సూటయ్యేది ఏది?
Maruti Fronx Alpha, Baleno Alpha టాప్ వేరియంట్ల పోలిక. ఇంజిన్ పవర్, మైలేజ్, ఫీచర్లు, గ్రౌండ్ క్లియరెన్స్, తెలుగు రాష్ట్రాల్లో ధరల ఆధారంగా ఏది బెస్ట్ విలువ ఇస్తుందో తెలుసుకోండి.
Fronx vs Baleno Comparison: మారుతి నెక్సా షోరూమ్లో అమ్మే రెండు పాపులర్ కార్లు - Fronx & Baleno. ఈ రెండూ ఒకే Heartect ప్లాట్ఫారమ్పై తయారయ్యాయి. కానీ ఒకటి కాంపాక్ట్ క్రాస్ఓవర్ స్టైల్లో ఉండే SUV మాదిరిగా కనిపించే మోడల్, మరొకటి హ్యాచ్బ్యాక్. చాలా భాగాలు ఒకేలా ఉండటంతో, కొనుగోలుదారులు ఈ రెండు మధ్య సందిగ్ధంలో పడతారు. ముఖ్యంగా టాప్ వేరియంట్లు Fronx Alpha, Baleno Alpha మధ్య ఏది ఎక్కువ విలువ ఇస్తుందో అని సెర్చ్ చేస్తుంటారు.
ఇంజిన్ & పనితీరు
Fronx Alphaలో 1.0 లీటర్ Boosterjet టర్బో పెట్రోల్ ఇంజిన్ ఉంటుంది. ఇది Baleno కంటే సుమారు 10hp ఎక్కువ పవర్, 35Nm ఎక్కువ టార్క్ ఇస్తుంది. అంతేకాకుండా 6-స్పీడ్ టార్క్ కన్వర్టర్ ఆటోమేటిక్ గేర్బాక్స్ కూడా అందుబాటులో ఉంటుంది. డ్రైవింగ్లో స్మూత్గా, స్పందన బాగా ఉంటుంది.
Baleno Alphaలో 1.2 లీటర్ పెట్రోల్ ఇంజిన్ ఉంటుంది. ఇది పవర్ పరంగా కొంచెం తక్కువే అయినా, మైలేజ్లో ముందుంటుంది. మాన్యువల్, AMT వేరియంట్లలో కూడా మంచి ఇంధన సామర్థ్యం ఇస్తుంది. బడ్జెట్ చూసే వారికి ఇది ప్లస్.
ఫీచర్ల పరంగా ఎవరు బెటర్?
ఎక్స్టీరియర్ ఫీచర్లలో రెండు కార్లలో LED ప్రొజెక్టర్ హెడ్ల్యాంప్స్, 16 అంగుళాల అలాయ్ వీల్స్, ఎలక్ట్రికల్గా అడ్జస్టయ్యే ORVMలు, రియర్ వైపర్ వాషర్ వంటి ఫీచర్లు కామన్.
Balenoలో ఫ్రంట్ ఫాగ్ ల్యాంప్స్, క్రోమ్ డోర్ హ్యాండిల్స్ ఉన్నాయి. Fronx మాత్రం డ్యూయల్ టోన్ పెయింట్ ఆప్షన్తో ప్రత్యేకంగా కనిపిస్తుంది.
ఇంటీరియర్లో రెండు కార్లలో పెద్ద టచ్స్క్రీన్, కనెక్టెడ్ కార్ టెక్నాలజీ, ఆటో క్లైమేట్ కంట్రోల్ వంటి ఫీచర్లు ఉన్నాయి. అయితే Balenoలో వైర్లెస్ చార్జర్, ప్యాడిల్ షిఫ్టర్లు లేవు. రెండింటిలోనూ సన్రూఫ్, వెంటిలేటెడ్ సీట్లు, రియర్ ఆర్మ్రెస్ట్ లేవు.
సేఫ్టీ - Balenoకి రేటింగ్ ఉంది
సేఫ్టీ విషయంలో Baleno 2025 జూన్లో BNCAPలో 4 స్టార్ రేటింగ్ సాధించింది. Fronx ఇంకా టెస్ట్ కాలేదు. అయితే రెండు కార్లలో 6 ఎయిర్బ్యాగ్స్, ABS, ESC వంటి చాలా సేఫ్టీ ఫీచర్లు ఉన్నాయి.
గ్రౌండ్ క్లియరెన్స్, డ్రైవింగ్ అనుభవం
Fronxలో 190mm గ్రౌండ్ క్లియరెన్స్ ఉంటుంది. Baleno కంటే 20mm ఎక్కువ. మన రోడ్లపై గుంతలు, స్పీడ్బ్రేకర్లు దాటేటప్పుడు ఈ అదనపు ఎత్తు ఉపయోగపడుతుంది. కూర్చోవడం, దిగడం కూడా కొంచెం సులభంగా ఉంటుంది.
హైదరాబాద్, విజయవాడ ధరలు
హైదరాబాద్లో Baleno Alpha ఎక్స్-షోరూమ్ ధర సుమారు రూ.9 లక్షల దగ్గర ప్రారంభమవుతుంది. Fronx Alpha ధర దాదాపు రూ.11 లక్షల వరకు ఉంటుంది (వేరియంట్ ఆధారంగా మారవచ్చు). విజయవాడలో కూడా ధరలు దాదాపు ఇలానే ఉంటాయి.
| మోడల్ | ఫ్రాంక్స్ | బాలెనో |
| Alpha 1.2L MT | - | రూ.8.6 లక్షలు |
| Alpha 1.2L AMT | - | రూ.9.1 లక్షలు |
| Alpha 1L MT | రూ.10.56 లక్షలు | - |
| Alpha 1L AT | రూ.11.84 లక్షలు | - |
Fronx పనితీరు, గ్రౌండ్ క్లియరెన్స్ కావాలంటే అదనంగా ఖర్చు పెట్టాలి. Baleno మాత్రం తక్కువ ధరలో మంచి మైలేజ్, BNCAP రేటింగ్తో ఆకర్షిస్తుంది.
మీకు ఎక్కువ పవర్, SUV మాదిరిగా కనిపించే స్టాన్స్ కావాలంటే Fronx Alpha సరైన ఎంపిక. కానీ బడ్జెట్ ముఖ్యం, మైలేజ్ ప్రాధాన్యం అయితే Baleno Alpha మంచి విలువ ఇస్తుంది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
