సెకండ్ హ్యాండ్ కార్ తీసుకునే ముందు ఈ 5 అంశాలు కచ్చితంగా చెక్ చేయండి, లేకపోతే మోసపోతారు!

యూజ్డ్ కార్ కొనుగోలు చేసే ముందు సర్వీస్ హిస్టరీ, ఇన్సూరెన్స్, ఓనర్ వివరాలు, లీగల్ డాక్యుమెంట్స్ వంటి 5 అంశాలు తప్పనిసరిగా చెక్ చేయాలి. లేదంటే కోరి కష్టాలు తెచ్చుకున్నట్లే ఉంటుంది.

మోసపోకుండా ఉండేందుకు 5 స్టెప్స్

Source : https://x.com/

Show Quick Read

Key points generated by AI, verified by newsroom

• యూజ్డ్ కార్ కొనుగోలుకు ముందు సర్వీస్ హిస్టరీ, ఇన్సూరెన్స్ వివరాలు తప్పక చూడాలి.
• కారు బాడీ, టైర్లు, బ్రేకులు, అండర్‌బాడీ భాగాలను క్షుణ్ణంగా పరిశీలించాలి.
• ఓనర్ వివరాలు, రిజిస్ట్రేషన్ సర్టిఫికేట్ సరిపోలుతున్నాయో లేదో నిర్ధారించుకోవాలి.
• లీగల్ పేపర్స్, ఇన్సూరెన్స్, PUC, రోడ్ ట్యాక్స్, లోన్ బకాయిలు చెక్ చేయాలి.

Used Car Buying Tips Telugu: కొత్త కార్ల ధరలు ఎప్పటికప్పుడు పెరుగుతున్న నేపథ్యంలో, చాలా మంది యూజ్డ్ కార్‌/సెకండ్‌ హ్యాండ్‌ కార్‌ వైపు మొగ్గు చూపుతున్నారు. అయితే సెకండ్ హ్యాండ్ కార్ కొనుగోలు చేయడం కొంత రిస్క్‌తో కూడుకున్నది. సరిగ్గా పరిశీలించకుండా కొనుగోలు చేస్తే తర్వాత భారీ ఖర్చులు, లీగల్ సమస్యలు ఎదురయ్యే అవకాశం ఉంది. అందుకే యూజ్డ్ కార్ తీసుకునే ముందు ఈ ఐదు కీలక అంశాలు తప్పనిసరిగా చెక్ చేయాలి.

1. షోరూమ్ సర్వీస్ హిస్టరీ

కారు ఎంత బాగా మెయింటైన్ చేసారో తెలుసుకోవడానికి సర్వీస్ హిస్టరీ చాలా ముఖ్యం. రెగ్యులర్‌గా ఆయిల్ మార్పులు, బ్రేక్ సర్వీసింగ్, ప్రధాన రిపేర్ పనులు జరిగాయా లేదా అనే వివరాలు రికార్డుల్లో కనిపిస్తాయి. సాధారణంగా ప్రతి 10,000 కి.మీ. లేదా సంవత్సరానికి ఒకసారి సర్వీస్ చేయాలి. రిజిస్ట్రేషన్ నంబర్ ద్వారా అధికారిక సర్వీస్ సెంటర్‌లో ఈ వివరాలు తెలుసుకోవచ్చు. ఈ రికార్డులు లేకపోతే జాగ్రత్తగా ఉండాలి.

2. ఇన్సూరెన్స్ హిస్టరీ

కారు ఇన్సూరెన్స్ పాలసీలో ఉన్న IDV (Insured Declared Value) చెక్ చేయాలి. అలాగే నో క్లెయిమ్ బోనస్ ఉందా లేదా అనేది కూడా చూడాలి. ఏటా నో క్లెయిమ్ బోనస్ ఉంటే ప్రమాదాలు జరగలేదని అర్థం. IDV అకస్మాత్తుగా తగ్గడం లేదా క్లెయిమ్ రికార్డులు ఉంటే గతంలో యాక్సిడెంట్ జరిగిన అవకాశం ఉంది.

3. ఎక్స్‌టీరియర్ కండిషన్

కారు బయట భాగాన్ని జాగ్రత్తగా పరిశీలించాలి. తుప్పు, పెయింట్‌ సమానంగా లేకపోవడం, ప్యానెల్ గ్యాప్‌లు, గ్లాస్‌పై ఉన్న కోడ్ మార్కింగ్‌లు అన్నీ సరిగా ఉన్నాయా చూడాలి. గ్లాస్ మార్చిన గుర్తులు ఉంటే ప్రమాదం జరిగి ఉండవచ్చు. టైర్లు, బ్రేకులు, అండర్‌బాడీ భాగాలు కూడా చెక్ చేయాలి. ఈ భాగాల రిపేర్ ఖర్చు ఎక్కువగా ఉంటుంది.

4. ఓనర్ వివరాలు & డాక్యుమెంటేషన్

సింగిల్ ఓనర్ వాహనం అయితే మెరుగైన ఎంపికగా భావించాలి. రిజిస్ట్రేషన్ సర్టిఫికేట్‌లో ఉన్న పేరు, అడ్రస్ వంటివి ఆ కారు అమ్మేవాళ్ల వివరాలతో సరిపోతున్నాయా చూసుకోవాలి. వాహనం గుర్తింపు వివరాల్లో ఎలాంటి తేడాలు ఉండకూడదు.

5. లీగల్ పేపర్స్ & బకాయిలు

కారు వద్ద చెల్లుబాటు అయ్యే ఇన్సూరెన్స్, PUC సర్టిఫికేట్, రోడ్ ట్యాక్స్ పూర్తిగా చెల్లించారా అని నిర్ధారించాలి. లోన్ బకాయిలు, చలాన్లు లేదా లీగల్ కేసులు లేవని నిర్ధారించుకోవాలి. హైపోథెకేషన్ ఉంటే NOC తీసుకోవాలి. వేరే రాష్ట్రానికి ట్రాన్స్‌ఫర్ చేస్తే కూడా NOC అవసరం.

యూజ్డ్ కార్ కొనుగోలు చేయడం మంచి డీల్ కావొచ్చు. కానీ సరైన పరిశీలన లేకపోతే అది పెద్ద నష్టంగా మారుతుంది. పై సూచనలు పాటిస్తే మోసపోకుండా సురక్షితంగా మంచి వాహనం కొనుగోలు చేయవచ్చు. కారు కొనే ముందే, ఆ కారును పరిశీలించడానికి మీకు నమ్మకస్తుడైన మెకానిక్‌ను కూడా వెంట తీసుకువెళ్లండి, తెలివైన నిర్ణయం తీసుకోండి.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

ADAS అంటే ఏంటీ? ప్రాణాలు కాపాడే ఈ మ్యాజిక్ టెక్నాలజీ భారతీయ రోడ్లపై ఎలా పని చేస్తుంది?