New Hyundai Venue Facelift: అదిరిపోయే ఫీచర్లతో కొత్త వెన్యూ - లాంచ్‌కు ఇంకా 10 రోజులే!

2022 హ్యుండాయ్ వెన్యూ ఫేస్‌లిఫ్ట్ లాంచ్‌కు ఇంకా 10 రోజులే ఉన్నాయి. దీని బ్రోచర్ ద్వారా ఫీచర్లు బయటకు వచ్చాయి.

2022 హ్యుండాయ్ వెన్యూ ఫేస్ లిఫ్ట్ బ్రోచర్ డిటైల్స్

హ్యుండాయ్ వెన్యూ ఫేస్ లిఫ్ట్ కొత్త మోడల్ జూన్ 16వ తేదీన మనదేశంలో లాంచ్ కానుంది. ఈ కారుకు సంబంధించిన బుకింగ్స్ కూడా ఇప్పటికే ప్రారంభం అయ్యాయి. కంపెనీ అధికారిక వెబ్‌సైట్లో రూ.21,000 చెల్లించి 2022 వెన్యూని బుక్ చేసుకోవచ్చు. ఈ కారు బ్రోచర్‌లో దీని ఫీచర్లను చూడవచ్చు.

హోం టు కార్ విత్ అలెక్సా, గూగుల్ అసిస్టెంట్, 60కి పైగా బ్లూటూత్ కనెక్టివిటీ ఫీచర్లు, వెనకవైపు రిక్లైనర్ సీట్లు కొత్త వెన్యూలో ఉన్నాయి. హోం టు కార్ ఆప్షన్ ద్వారా వినియోగదారులకు రిమోట్ క్లైమెట్ కంట్రోల్, రిమోట్ డోర్ లాక్/అన్‌లాక్, ఫైండ్ మై కార్, టైర్ ప్రెజర్ ఇన్ఫర్మేషన్, ఫ్యూయల్ లెవల్ ఇన్ఫర్మేషన్, స్పీడ్ అలెర్ట్, టైమ్ ఫెన్సింగ్ అలెర్ట్, ఐడిల్ టైం అలెర్ట్ వంటి ఫీచర్లు అందించనున్నారు.

ఈ, ఎస్, ఎస్+/ఎస్(వో), ఎస్ఎక్స్, ఎస్ఎక్స్(వో) వేరియంట్లలో ఈ కారు కొనుగోలు చేయవచ్చు. ఆరు సింగిల్ టోన్, ఒక డ్యూయల్ టోన్ కలర్ ఆప్షన్లలో కొత్త వెన్యూని కొనుగోలు చేసే అవకాశం ఉంది. సింగిల్ టోన్ కలర్ ఆప్షన్లలో టైఫూన్ సిల్వర్, టైటాన్ గ్రే, డెనిమ్ బ్లూ, ప్లాటినం బ్లాక్, పోలార్ వైట్, ఫీరీ రెడ్ వేరియంట్లు అందుబాటులో ఉన్నాయి. ఫీరీ రెడ్ ఆప్షన్‌లో ఫాంటం బ్లాక్ రూఫ్ వేరియంట్ కూడా కొనుగోలు చేయవచ్చు.

2022లో లాంచ్ కానున్న కొత్త వెన్యూ విజువల్‌గా కూడా అప్‌గ్రేడ్ కానుంది. ముందువైపు పెద్ద గ్రిల్, ఎల్ఈడీ డీఆర్ఎల్స్ అందించారు. కొత్త వెన్యూలో 1.2 లీటర్ కప్పా పెట్రోల్ ఇంజిన్, 1.0 లీటర్ టర్బో పెట్రోల్ ఇంజిన్, 1.5 లీటర్ డీజిల్ యూనిట్ ఆప్షన్లు అందుబాటులో ఉన్నాయి. మాన్యువల్ ఆటోమేటిక్ వేరియంట్లలో దీన్ని కొనుగోలు చేయవచ్చు.

10 ప్రాంతీయ భాషలను హ్యుండాయ్ వెన్యూ ఇన్‌ఫోటెయిన్‌మెంట్ సిస్టం సపోర్ట్ చేయనుంది. ఈ కారు ఇటీవలే మూడు లక్షల సేల్స్ మార్కును దాటింది. ఈ విషయాన్ని హ్యుండాయ్ అధికారికంగా ప్రకటించింది. లాంచ్ అయిన మొదటి ఆరు నెలల్లోనే 50 వేల మార్కును హ్యుండాయ్ వెన్యూ దాటింది. 2020 జూన్ నాటికి లక్ష మైలురాయిని, 2021 డిసెంబర్ నాటికి 2.5 లక్షల మైలురాయిని వెన్యూ సేల్స్ దాటాయి. అంటే కేవలం తర్వాతి ఆరు నెలల్లోనే మరో 50 వేల హ్యుండాయ్ వెన్యూ యూనిట్లు అమ్ముడుపోయాయన్న మాట.