Hyundai Affordable EV: తక్కువ ధరలో సూపర్ ఎలక్ట్రిక్ కార్లు.. మార్కెట్ కోసం భారీ స్కెచ్!

ప్రముఖ కార్ల బ్రాండ్ హ్యుండాయ్ మనదేశంలో ఎలక్ట్రిక్ వాహనాల మార్కెట్‌పై దృష్టి పెట్టింది. దీనికోసం తక్కువ ధరలో ఎస్‌యూవీలను లాంచ్ చేయనుంది.

హ్యుండాయ్ త్వరలో కొత్త ఎలక్ట్రిక్ కార్లను లాంచ్ చేయనుంది.

హ్యుండాయ్ మోటార్ ఇండియా మనదేశంలో ఎలక్ట్రిక్ వాహనాల మార్కెట్ పెంచుకోవడంపై దృష్టి పెట్టింది. రానున్న మూడు సంవత్సరాల్లో ఇవి భారతదేశంలో రోడ్ల మీదకు వచ్చే అవకాశం ఉంది. తాజాగా హ్యుండాయ్ బియాండ్ మొబిలిటీ అనే క్యాంపెయిన్ ద్వారా హ్యుండాయ్ నెక్సో, ఇతర కార్లకు హ్యుండాయ్ పబ్లిసిటీ చేస్తుంది. తక్కువ ధరలో ఎస్‌యూవీలను లాంచ్ చేయనున్నట్లు హ్యుండాయ్ తెలిపింది.

బడ్జెట్ ధరలో చిన్న ఎస్‌యూవీలతో హ్యుండాయ్ ఈ విభాగం మాస్ మార్కెట్‌పై గురి పెట్టిందనేది అధికారికమే. దీని హ్యుండాయ్ ఎంతగానో దృష్టిపెట్టింది కూడా. ప్రస్తుతానికి హ్యుండాయ్ దగ్గర కోనా ఈవీ మాత్రమే ఎలక్ట్రిక్ వాహనం. అయితే త్వరలో ఈ శ్రేణిలో మరిన్ని వాహనాలు వచ్చే అవకాశం ఉంది.

అప్‌డేటెడ్ కోనా ఎలక్ట్రిక్ వాహనంతో పాటు అయోనిక్ 5 కూడా త్వరలో మార్కెట్లోకి వచ్చే అవకాశం ఉంది. ఇది లగ్జరీ ఎస్‌యూవీ శ్రేణిలో లాంచ్ కానుంది. అయితే మాస్ మార్కెట్‌ను సొంతం చేసుకోవాలంటే మాత్రం తక్కువ ధరలో చిన్న ఎస్‌యూవీలను లాంచ్ చేయడం ఒక్కటే దారి.

ఈ ఎలక్ట్రిక్ వాహనాల స్పేస్‌లో ప్రస్తుతం కొన్ని కార్లు మాత్రమే ఉన్నాయి. కానీ సేల్ అవుతున్న కార్ల సంఖ్య మాత్రం బాగా పెరుగుతోంది. అయినా మొత్తం కార్ల సేల్స్‌లో ఇవి తక్కువ మాత్రమే. అయితే పెట్రోల్, డీజిల్ ధరల పెరగడంతో పాటు ఎలక్ట్రిక్ వాహనాల అడాప్షన్ వేగంగా జరుగుతూ ఉండటంతో త్వరలో మరిన్ని ఎలక్ట్రిక్ కార్లు వచ్చే అవకాశం ఉంది.

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి