Honda and Maruti Discount: హోండా ,మారుతి కార్లపై భారీ డిస్కౌంట్! చాలా వేరియంట్స్ లక్షల రూపాయలు ఆదా!
Honda and Maruti Discount: హోండా, మారుతి కార్లపై జనవరి 2026లో భారీ డిస్కౌంట్లు ప్రకటించాయి. అమేజ్, ిటీ, ఎలివేట్, ఇన్విక్టో, గ్రాండ్ విటారాపై భారీగా ఆదా చేసుకోవచ్చు.
Honda and Maruti Discount: మీరు జనవరి 2026లో కొత్త కారు కొనాలని ఆలోచిస్తున్నట్లయితే, ఇది మీకు చాలా లాభదాయకంగా ఉంటుంది. Honda, Maruti Suzuki రెండూ కూడా ప్రజాదరణ కలిగిన మోడళ్లపై భారీ డిస్కౌంట్స్ ప్రకటించాయి. ఈ ఆఫర్ల కారణంగా, కస్టమర్లు లక్షల రూపాయల వరకు ఆదా చేసుకోవచ్చు. Honda తన అమ్మకాలను పెంచుకోవడానికి తన పరిమిత మోడల్ లైనప్పై ప్రత్యేక ఆఫర్లను అందిస్తోంది, అయితే Maruti తన Nexa షోరూమ్ల కార్లపై పెద్ద ప్రయోజనాలు కల్పిస్తోంది.
Honda కార్లపై భారీ ప్రయోజనం
హోండా కార్స్ ఇండియా ఈ నెలలో దాదాపు అన్ని కార్లపై ఆకర్షణీయమైన డిస్కౌంట్లను అందిస్తోంది. హోండా సిటీపై మొత్తం దాదాపు రూ. 1.37 లక్షల వరకు ప్రయోజనం పొందవచ్చు, ఇది దాని విభాగంలోని ఇతర కార్లతో పోలిస్తే ఇది చాలా మంచి ఆప్షన్గా చెప్పుకోవచ్చు. హోండా సిటీ హైబ్రీడ్పై నేరుగా నగదు తగ్గింపు లేకపోయినప్పటికీ 7 సంవత్సరాల పొడిగించిన వారంటీపై మంచి తగ్గింపు లభిస్తుంది.
హోండా అమేజ్ గురించి మాట్లాడితే, రెండో తరం మోడల్పై దాదాపు రూ. 68,000 వరకు తగ్గింపు లభిస్తుంది, అయితే కొత్త మూడో తరం అమేజ్పై దాదాపు రూ. 57,000 వరకు ప్రయోజనం లభిస్తుంది. హోండా ఎలివేట్పై అత్యధిక డిస్కౌంట్ లభిస్తుంది, ఇది దాదాపు రూ. 1.76 లక్షల వరకు ఉంటుంది. ఈ SUV ప్రస్తుతం అత్యంత విలువైన డీల్గా నిలిచింది.
మారుతి నెక్సా కార్లపై కూడా భారీ తగ్గింపు
మారుతి సుజుకి కూడా జనవరి 2026లో కస్టమర్లను ఆకర్షించడానికి భారీ ఆఫర్లను ప్రకటించింది. మారుతి ఇన్విక్టోపై అత్యధిక ప్రయోజనం కల్పిస్తోంది. ఇక్కడ మొత్తం రూ. 2.15 లక్షల వరకు డిస్కౌంట్ లభిస్తుంది. ఇందులో నగదు తగ్గింపు, ఎక్స్ఛేంజ్ లేదా స్క్రాపేజ్ బోనస్ ఉన్నాయి. ఇన్విక్టో ధర రూ. 24.97 లక్షల నుంచ ప్రారంభమవుతుంది. మారుతి గ్రాండ్ విటారాపై కూడా మంచి ఆఫర్ ఉంది. దీని స్ట్రాంగ్ హైబ్రిడ్ వేరియంట్పై దాదాపు రూ. 1.25 లక్షల వరకు ప్రయోజనం ఉంది, అయితే మైల్డ్ హైబ్రిడ్ వేరియంట్లపై దాదాపు రూ. 80,000 వరకు తగ్గింపు లభిస్తుంది. దీనితో పాటు, బలెనో, ఇగ్నిస్, కైజ్, XL6, Fronx, జిమ్మీపై కూడా కలిపి రూ. 1.30 లక్షల వరకు ప్రయోజనం పొందవచ్చు.
ఈ ఆఫర్లు ఎప్పటి వరకు అందుబాటులో ఉంటాయి?
హోండా, మారుతి రెండూ ఈ డిస్కౌంట్లు అన్నీ జనవరి 31, 2026 వరకు అందుబాటులో ఉంటాయి. అయితే, తగ్గింపు మొత్తం నగరం, వేరియంట, స్టాక్ లభ్యతపై ఆధారపడి ఉండవచ్చు. మీరు కొత్త కారు కొనాలని ఆలోచిస్తున్నట్లయితే, ఇది మీకు సరైన సమయం కావచ్చు. ఈ స్థాయిలో ఆఫర్లు ప్రకటించినందు వల్ల కారు కొనుక్కోవడం మంచి అవకాశం కావచ్చు. అన్ని విధాలుగా కూడా ప్రయోజనకరంగా ఉంటుంది కూడా. ఈ డిస్కౌంట్తోపాటు ఈఎంఐలో కూడా కొనుక్కోవచ్చు. ఒకేసారి చెల్లింపు అవసరం లేకుండా నెలనెల చెల్చించే వెసులుబాటు ఆయా బ్యాంకులు కల్పిస్తున్నాయి.
టాప్ హెడ్ లైన్స్
ట్రెండింగ్ వార్తలు
