Honda Activa లేదా TVS Jupiter .. రెండింటిలో ఏ స్యూటీ కొనడం బెస్ట్! ధర, ఫీచర్లు తెలుసుకోండి

Honda Activa లేదా TVS Jupiter: రెండింటిలో ఏది బెటర్, ఏ స్కూటీ కొనాలనే ఆలోచనలో ఉన్నారా? అయితే, ఈ వివరాలు, ధర తెలుసుకున్నాక కొనడం మంచిది.

Written By : Shankar Dukanam | Updated at : 11 Jan 2026 03:24 PM (IST)

Honda Activa vs TVS Jupiter Which Scooter is best for you know details before Buying here Honda Activa లేదా TVS Jupiter .. రెండింటిలో ఏ స్యూటీ కొనడం బెస్ట్! ధర, ఫీచర్లు తెలుసుకోండి

ఏ స్కూటర్ కొనడం మంచిది?

Source : Honda-TVS

భారత మార్కెట్‌లో టూవీలర్ సెగ్మెంట్లో హోండా యాక్టివా, టీవీఎస్ జూపిటర్ అధికంగా విక్రయాలు జరుపుకుంటున్నాయి. ముఖ్యంగా యువత వీటిని బాగా ఇష్టపడుతున్నారు. ఈ రెండు టూవీలర్లకు మార్కెట్‌లో మంచి డిమాండ్ ఉంది. యాక్టివా, జూపిటర్ దాదాపు ఒకే ధర పరిధిలో వస్తాయి. ఈ రెండు స్కూటర్ల ప్రారంభ ధర 75 వేల రూపాయలుగా ఉంది. ఈ రెండు టూ-వీలర్ల పవ, మైలేజ్, ఫీచర్ల గురించి ఇక్కడ తెలుసుకోండి.

హోండా యాక్టివా (Honda Activa)

హోండా యాక్టివా 6 రంగుల వేరియంట్‌లలో భారత మార్కెట్‌లో అందుబాటులో ఉంది. హోండాకు చెందిన ఈ స్కూటర్ స్టాండర్డ్, DLX, స్మార్ట్ మూడు వేరియంట్‌లలో మార్కెట్‌లో ఉంది. ఈ స్కూటర్ స్టాండర్డ్ మోడల్లో హలోజన్ హెడ్‌లైట్స్, DLX, స్మార్ట్ మోడల్లో LED హెడ్‌లైంప్లు ఉన్నాయి. ఈ టూ వీలర్ స్మార్ట్ వేరియంట్‌లో మాత్రమే బ్లూటూత్ కనెక్టివిటీ, నావిగేషన్ ఫీచర్ ఇచ్చారు.

హోండా యాక్టివాలో స్టాండర్డ్ మోడల్ ఎక్స్-షోరూమ్ ధర 74,619 రూపాయలు, DLX మోడల్ ఎక్స్-షోరూమ్ ధర 84,272 రూపాయలుగా ఉంది. ఇక స్మార్ట్ మోడల్ ఎక్స్-షోరూమ్ ధర 87,944 రూపాయలు అని కంపెనీ తెలిపింది. ఈ స్కూటర్లో 4-స్ట్రోక్, SI ఇంజిన్ ఉంటుంది. హోండా యాక్టివా రోడ్లు, ఏరియాను బట్టి 60 kmpl మైలేజ్ ఇస్తుందని పేర్కొంది.

టీవీఎస్ జూపిటర్ (TVS Jupiter)

టీవీఎస్ జూపిటర్ 4 వేరియంట్‌లలో భారత మార్కెట్‌లో అందుబాటులో ఉంది. స్పెషల్ ఎడిషన్, స్మార్ట్ Xonnect డిస్క్, స్మార్ట్ Xonnect డ్రమ్, డ్రమ్ అల్లాయ్. ఈ స్కూటర్ 7 రంగుల ఎంపికలలో వస్తుంది. టీవీఎస్ జూపిటర్ ఎక్స్-షోరూమ్ ధర 72,400 రూపాయల నుండి ప్రారంభమవుతుంది. టీవీఎస్ ఈ స్కూటర్లో సింగిల్-సిలిండర్, 4-స్ట్రోక్ ఇంజిన్ ఇచ్చారు., ఇది 6,500 rpm వద్ద 5.9 kW పవర్, 5,000 rpm వద్ద 9.2 Nm టార్క్ అందిస్తుంది. టీవీఎస్ జూపిటర్ ఒక లీటర్ పెట్రోల్‌తో 53 కిలోమీటర్ల దూరం ప్రయాణిస్తుందని సంస్థ పేర్కొంది.

టీవీఎస్ ఈ స్కూటర్లో రెండు హెల్మెట్‌లను ఉంచుకోవడానికి తగినంత స్థలం ఉంటుంది. ఈ స్కూటర్ శైలి విషయానికి వస్తే.. ఇందులో టెయిల్ లైట్ బార్ ఇచ్చారు. ఈ టూ-వీలర్లో భద్రతపై ఎక్కువ శ్రద్ధ చూపారు. కొంతమంది స్కూటర్ ను స్టార్ట్ చేసే ముందు సైడ్ స్టాండ్ తీయడం మర్చిపోతుంటారు. అందుకు పరిష్కారం కోసం, ఈ స్కూటర్లో సైడ్ స్టాండ్ ఇండికేటర్ ఇచ్చారు.

Also Read: 1st Gearbox Electric Bike: బైక్ లవర్స్‌కు ఇక నో పెట్రోల్ టెన్షన్- తొలి గేర్‌బాక్స్ ఎలక్ట్రిక్ బైక్ ధర, పూర్తి వివరాలు

మరిన్ని చదవండి

అధిక మైలేజీ ఇచ్చే టాప్ 5 బైకులివే.. ఫుల్ ట్యాంకుతో 800 కి.మీ రేంజ్ ఇచ్చే బైక్ ఇదే

వీలేజ్, గతుకుల రోడ్లకు హోండా షైన్ మంచిదా? హీరో గ్లామర్ బెస్టా ? ఏ బైక్ ఉత్తమం?

About the author Shankar Dukanam

జర్నలిజంలో గత పదేళ్లుగా పనిచేస్తున్నారు. గత దశాబ్దకాలంలో పలు ప్రముఖ తెలుగు మీడియా సంస్థలలో పనిచేసిన అనుభవం ఆయనకు ఉంది. ఏపీ, తెలంగాణ, జాతీయ, అంతర్జాతీయ, రాజకీయ, వర్తమాన అంశాలపై కథనాలు అందిస్తారు. గ్రాడ్యుయేషన్ పూర్తయ్యాక జర్నలిజం కోర్సు పూర్తిచేసి కెరీర్‌గా ఎంచుకున్నారు. నేషనల్ మీడియాకు చెందిన పలు తెలుగు మీడియా సంస్థలలో సీనియర్ కంటెంట్ రైటర్‌గా సేవలు అందించారు. జర్నలిజంలో వందేళ్లకు పైగా చరిత్ర ఉన్న ఆనంద్ బజార్ పత్రిక నెట్‌వర్క్ (ABP Network)కు చెందిన తెలుగు డిజిటల్ మీడియా ఏబీపీ దేశంలో గత నాలుగేళ్ల నుంచి న్యూస్ ప్రొడ్యూసర్‌గా పనిచేస్తున్నారు.