అన్వేషించండి

E20 ఇంధనంపై పెరుగుతున్న ఆందోళన.. 2,573 పెట్రోల్ బంకుల్లో అమ్మకాలు నిలిపివేత!

E20 పెట్రోల్‌లో కలుషితాలపై కేంద్రం కఠిన చర్యలు చేపట్టింది. నిబంధనలు పాటించని 2,573 పెట్రోల్ బంకుల్లో విక్రయాలను నిలిపివేసింది.

E20 petrol contamination: దేశవ్యాప్తంగా పెట్రోల్ బంకులపై కేంద్ర ప్రభుత్వం కొరడా ఝళిపించింది. ఇంధన నాణ్యతపై భారీ తనిఖీలు చేపట్టి, నిబంధనలు పాటించని బంకులపై చర్యలు తీసుకుంటోంది. కేంద్ర పెట్రోలియం & సహజ వాయువు మంత్రిత్వ శాఖలోని ఉన్నతస్థాయి వర్గాలు ఇచ్చిన సమాచారం ప్రకారం, ఆగస్టు 25 నాటికి దేశవ్యాప్తంగా 2,573 పెట్రోల్ బంకుల్లో పెట్రోల్ అమ్మకాలను నిలిపివేశారు.

ఇందులో.. ఇండియన్ ఆయిల్ కార్పొరేషన్‌కు చెందిన 1,257 బంకులు ఉన్నాయి. హిందుస్థాన్ పెట్రోలియం కార్పొరేషన్‌కు చెందిన 915 బంకుల్లోనూ విక్రయాలు నిలిపివేశారు. భారత్ పెట్రోలియం కార్పొరేషన్‌కు చెందిన 401 బంకులపై కూడా ఇదే చర్య తీసుకున్నారు.

SIAM లేఖతో కలకలం
ఈ కఠిన చర్యలకు ప్రధాన కారణం E20 ఇంధనంపై వచ్చిన కలుషిత ఆరోపణలే. జులై 28న, 'సొసైటీ ఆఫ్ ఇండియన్ ఆటోమొబైల్ మ్యానుఫ్యాక్చరర్స్' (SIAM) కేంద్రానికి ఒక లేఖ రాసింది. దేశవ్యాప్తంగా సేకరించిన E20 ఇంధన నమూనాల్లో క్లోరైడ్ స్థాయిలు ప్రమాదకరంగా ఉన్నాయని అందులో పేర్కొంది. ఆ తర్వాత ఆ లేఖను SIAM వెనక్కి తీసుకుంది. అందులో ఉన్న గణాంకాలకు మరింత ధ్రువీకరణ అవసరమని తెలిపింది. అయితే అప్పటికే ఈ అంశం దేశవ్యాప్తంగా చర్చకు వచ్చింది. దీని తర్వాత వచ్చిన రాయిటర్స్ పరిశోధనతో ఈ వివాదం మరింత ముదిరింది.

ప్రజల నమ్మకాన్ని తిరిగి పొందడంతో పాటు ఇంధన సరఫరా వ్యవస్థలో కలుషితాలు, నీరు చేరడాన్ని అరికట్టేందుకు కేంద్రం చర్యలు వేగవంతం చేసింది. పెట్రోల్ బంకుల్లోని భూగర్భ ట్యాంకుల్లోకి నీరు చేరుతోందా అన్నది నిర్ధరించుకునేందుకు రోజుకు 8 నుంచి 12 సార్లు తనిఖీ చేయాలని ఆదేశించింది. 

ఇప్పటికే 88,995 డీలర్‌షిప్‌లలో ఈ తనిఖీలు జరుగుతున్నాయి. పాత పెట్రోల్ బంకులకు ప్రాధాన్యం ఇస్తూ 84,687 ఇంధన కేంద్రాల్లో ఆడిట్ నిర్వహించారు. వర్షం సమయంలో ట్యాంకుల పరిస్థితిని కూడా అధికారులు పరిశీలిస్తున్నారు. ఆటోమేషన్ వ్యవస్థలు, మానిటరింగ్ ప్రోబ్స్ 85,649 బంకుల్లో పనిచేస్తున్నాయి. లోపాలు ఉన్న పరికరాలను అత్యవసర ప్రాతిపదికన మరమ్మతు చేస్తున్నారు.

ఇంధన నాణ్యతను నిర్ధారించేందుకు చమురు సంస్థలు కూడా పరీక్షలు పెంచాయి. ఇథనాల్ రవాణా చేసే ట్యాంకర్లలో 7,296 సల్ఫర్ పరీక్షలు & 1,079 క్లోరైడ్ పరీక్షలు నిర్వహించారు. తమ నిల్వ ట్యాంకుల్లో మరో 151 క్లోరైడ్ పరీక్షలు చేశారు.

ఇది కూడా చదవండి: 7 సీటర్‌ హైబ్రిడ్ SUV 'MG Hector Tomahawk' లాంచ్.. పెట్రోల్‌, ఛార్జింగ్‌ కలిపి 1100km పైగా కంబైన్డ్‌ రేంజ్‌

E20 ఇంధనం అంటే?
E20 అంటే 20 శాతం ఇథనాల్ కలిపిన పెట్రోల్. ఏప్రిల్ 1 నుంచి దేశంలోని పెట్రోల్ బంకుల్లో E20నే ప్రధానంగా అందుబాటులోకి తీసుకొచ్చారు. దీంతో గతంలో లభించిన E10 పెట్రోల్‌కు బదులుగా వాహనదారులు E20పై ఆధారపడాల్సి వస్తోంది.

వాహనదారుల్లో ఆందోళనకు మరో కారణం మైలేజీ తగ్గడం. ఇంధన సామర్థ్యం తగ్గడంతో అదనపు ఖర్చు అవుతోందని చాలామంది చెబుతున్నారు. కొన్ని వాహనాల్లో ఇంజిన్ & విడిభాగాల్లో సమస్యలు తలెత్తాయని కూడా ఆందోళనలు వ్యక్తమవుతున్నాయి.

రంగంలోకి వాహన తయారీ కంపెనీలు
ఆటోమొబైల్ సంస్థలు కూడా ఇంధన నమూనాలపై విస్తృత పరీక్షలు నిర్వహించాయి. మారుతి సుజుకి, టాటా మోటార్స్ & మహీంద్రా అండ్ మహీంద్రా సంస్థలు ఏడాది వ్యవధిలో 21 రాష్ట్రాలు & కేంద్రపాలిత ప్రాంతాల నుంచి 250కు పైగా ఇంధన నమూనాలను సేకరించి పరీక్షించినట్లు రాయిటర్స్ నివేదిక పేర్కొంది.

ప్రభుత్వ నిబంధనల ప్రకారం క్లోరైడ్ పరిమితి 3 పీపీఎం. అయితే కొన్ని ప్రాంతాల్లో నిర్వహించిన పరీక్షల్లో దీనికంటే చాలా ఎక్కువ స్థాయిలు నమోదయ్యాయి. రాజస్థాన్‌లో 6 నుంచి 570 పీపీఎం వరకు నమోదైనట్లు నివేదికలు పేర్కొన్నాయి. ఢిల్లీ-ఎన్‌సీఆర్‌లో 1.4 నుంచి 420 పీపీఎం వరకు ఉన్నట్లు వెల్లడైంది. మధ్యప్రదేశ్‌లో 4.1 నుంచి 550 పీపీఎం వరకు నమోదైంది.

మరోవైపు కర్ణాటక & కేరళలో పరిస్థితి భిన్నంగా ఉంది. అక్కడ క్లోరైడ్ స్థాయిలు 1 నుంచి 2.2 పీపీఎం మధ్య ఉన్నట్లు పరీక్షల్లో తేలింది.

ఇది కూడా చదవండి: 7 సీట్లు, 517 కి.మీ. రేంజ్, 204hp పవర్.. రూ.19.49 లక్షలకే MG Hector Tomahawk EVలో చాలా ప్రత్యేకతలు

ఆంధ్రప్రదేశ్‌లోనూ ఆందోళనకర పరిస్థితి
నీటి కలుషితంపై కూడా ఆందోళన వ్యక్తమైంది. ఆంధ్రప్రదేశ్‌లో కొన్ని నమూనాల్లో నీటి స్థాయి 13,000 పీపీఎంకు చేరినట్లు నివేదిక పేర్కొంది. ఉత్తరప్రదేశ్‌లో 12,500 పీపీఎం నమోదైంది. ఇది అనుమతించిన 3,000 పీపీఎం పరిమితి కంటే నాలుగు రెట్లకు పైగా ఎక్కువ.

ఆధునిక వాహనాల్లోని ఇంధన ఇంజెక్టర్లు చాలా సున్నితంగా ఉంటాయి. అధిక క్లోరైడ్.. ఇంధన వ్యవస్థలో తుప్పుపట్టడం వంటి సమస్యలకు దారితీయవచ్చని నిపుణులు చెబుతున్నారు. ఇంధన పంపు ఫిల్టర్లు మూసుకుపోయే అవకాశం కూడా ఉందని కొన్ని వాహన తయారీ సంస్థలు అనుమానం వ్యక్తం చేశాయి. అయితే, మొత్తంగా E20 పెట్రోల్‌నే సమస్యగా చూడకూడదని పరిశ్రమ వర్గాలు చెబుతున్నాయి. అందులో ఉండే క్లోరైడ్ స్థాయిలే అసలు సమస్య కావచ్చని పేర్కొంటున్నాయి.

ప్రస్తుతం BIS ప్రమాణాల్లో ఇథనాల్ కలిపిన పెట్రోల్‌లో ఇన్‌ఆర్గానిక్‌ క్లోరైడ్‌కు తప్పనిసరి పరిమితి స్పష్టంగా లేదు. ఈ విషయంలో స్పష్టమైన ప్రమాణాలను తీసుకురావాల్సిన అవసరం ఉందనే డిమాండ్లు పెరుగుతున్నాయి. ఇంధన నాణ్యతపై కేంద్రం చేపట్టిన తాజా చర్యలు, ప్రభుత్వం ఈ సమస్యను ఎంత సీరియస్‌గా తీసుకుందనే విషయాన్ని స్పష్టం చేస్తున్నాయి.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.

Advertisement

టాప్ హెడ్ లైన్స్

Tata Sierra EV: సేఫ్టీలో సత్తా చాటిన టాటా సియెర్రా ఈవీ: పెద్దలు, పిల్లల రక్షణ పరీక్షల్లో బెస్ట్ స్కోర్లు సొంతం
సేఫ్టీలో సత్తా చాటిన టాటా సియెర్రా ఈవీ: పెద్దలు, పిల్లల రక్షణ పరీక్షల్లో బెస్ట్ స్కోర్లు సొంతం
3-Cylinder Vs 4-Cylinder: 3-సిలిండర్‌ లేదా 4-సిలిండర్‌.. మీ ఫ్యామిలీ కారుకు ఏ ఇంజిన్ సరిపోతుందో తెలుసుకోండి
3 సిలిండర్ ఇంజిన్‌ vs 4 సిలిండర్ ఇంజిన్.. ఏ కారు బెస్ట్? మైలేజ్, పెర్ఫార్మెన్స్‌, వైబ్రేషన్స్‌ పూర్తి వివరాలు
FIVA Award: భారత్‌లో కార్ల విప్లవానికి నాంది పలికిన Maruti 800.. గ్లోబల్ అవార్డు అందుకున్న తొలి భారతీయ కారు!
కామన్‌మ్యాన్‌ తొలి కారు మారుతి 800 గుర్తుందిగా.. ఇప్పుడు ఈ కారుకు ప్రతిష్టాత్మక గ్లోబల్‌ అవార్డ్‌
ప్రయాణానికి 'సేఫెస్ట్‌ కారు' అని నిరూపించుకున్న Mahindra XEV 9S.. భారత్ NCAP పరీక్షల్లో '5 స్టార్ సేఫ్టీ రేటింగ్'
మహీంద్రా XEV 9S కారు చాలా సేఫ్‌ గురూ! క్రాష్ టెస్టుల్లో 5 స్టార్ రేటింగ్
Advertisement

వీడియోలు

Hyderabad's Korean Craze Taking Over Youth | హైదరాబాద్‌లో పెరుగుతున్న కొరియన్ కల్చర్ ప్రభావం
Bhuvneshwar Kumar Disastrous T20 Comeback | రీ-ఎంట్రీలో భువి ఘోర రికార్డు
India Women Vs Zimbabwe 2nd ODI | జింబాబ్వేపై భారత మహిళల జట్టు చారిత్రాత్మక విజయం
Team India World Record in T20 | ప్రపంచ క్రికెట్ చరిత్రలోనే తొలిసారి: 200 T20I విజయాలతో టీమ్ ఇండియా వరల్డ్ రికార్డ్
Virosh Couple Clarity on Divorce Rumours | ట్రోల్స్‌కు విజయ్, రష్మిక అదిరిపోయే కౌంటర్
Advertisement

ఫోటో గ్యాలరీ

Advertisement

వ్యక్తిగత కార్నర్

అగ్ర కథనాలు
టాప్ రీల్స్
KTR News: కృష్ణా జలాల్లో తెలంగాణకు కాంగ్రెస్ తీరని ద్రోహం.. బీఆర్ఎస్ మరో పోరాటం తప్పదన్న కేటీఆర్
కృష్ణా జలాల్లో తెలంగాణకు కాంగ్రెస్ తీరని ద్రోహం.. బీఆర్ఎస్ మరో పోరాటం తప్పదన్న కేటీఆర్
YS Jagan Assests Case: వైఎస్ జగన్ అక్రమాస్తుల కేసులో ఈడీ మరో ఛార్జిషీట్.. రూ.150 కోట్ల మనీలాండరింగ్ అభియోగాలు!
వైఎస్ జగన్ అక్రమాస్తుల కేసులో ఈడీ మరో ఛార్జిషీట్.. రూ.150 కోట్ల మనీలాండరింగ్ అభియోగాలు!
Cyclone Akvan Update: దిశ మార్చుకున్న అక్వాన్ తుపాన్.. ఉత్తరాంధ్ర- దక్షిణ ఒడిశాలకు ముప్పు, కంట్రోల్ రూమ్ నంబర్లు
దిశ మార్చుకున్న అక్వాన్ తుపాన్.. ఉత్తరాంధ్ర- దక్షిణ ఒడిశాలకు ముప్పు, కంట్రోల్ రూమ్ నంబర్లు
Fire Accident: దేవుడికి పెట్టిన దీపం కాల్చి బూడిద చేసింది -పేట్ బషీరాబాద్‌లో 2 ఫ్లాట్లలో సామాగ్రి దగ్దం
దేవుడికి పెట్టిన దీపం కాల్చి బూడిద చేసింది -పేట్ బషీరాబాద్‌లో 2 ఫ్లాట్లలో సామాగ్రి దగ్దం
Indiramma Kutumba Jeevitha Bima: కోటికిపైగా కుటుంబాలకు రూ.5 లక్షల ఇన్సూరెన్స్ .. రేపటి నుంచి 'ఇందిరమ్మ కుటుంబ జీవిత బీమా' స్కీమ్ ప్రారంభం!
కోటికిపైగా కుటుంబాలకు రూ.5 లక్షల ఇన్సూరెన్స్ .. రేపటి నుంచి 'ఇందిరమ్మ కుటుంబ జీవిత బీమా' స్కీమ్ ప్రారంభం!
Siddipet Politics: సీఎం రేవంత్ రెడ్డి సిద్దిపేట పర్యటన.. నిలిచిపోయిన పనులపై ఫ్లెక్సీలతో స్థానికులు స్వాగతం
సీఎం రేవంత్ రెడ్డి సిద్దిపేట పర్యటన.. నిలిచిపోయిన పనులపై ఫ్లెక్సీలతో స్థానికులు స్వాగతం
Hardik Pandya News: PBKS గూటికి చేరిన హార్దిక్ పై కోచ్ పాంటింగ్ సంచలన వ్యాఖ్యలు.. ఒత్తిడిలో ఆడే ఆటగాడి లోటు తీరిందని సంబరం
PBKS గూటికి చేరిన హార్దిక్ పై కోచ్ పాంటింగ్ సంచలన వ్యాఖ్యలు.. ఒత్తిడిలో ఆడే ఆటగాడి లోటు తీరిందని సంబరం
N Ramchander Rao: 15 వేల కుటుంబాల ఇళ్ల జోలికి రావద్దు.. మియాపూర్ భూముల వేలాన్ని అడ్డుకుంటామన్న రాంచందర్ రావు
15 వేల కుటుంబాల ఇళ్ల జోలికి రావద్దు.. మియాపూర్ భూముల వేలాన్ని అడ్డుకుంటామన్న రాంచందర్ రావు
Embed widget