Car Battery Life: కారు బ్యాటరీ త్వరగా పాడవుతుందా? ఈ చిట్కాలతో బ్యాటరీ లైఫ్ పెంచుకోవచ్చు

చిన్న నిర్లక్ష్యం వల్ల కారు బ్యాటరీ త్వరగా దెబ్బతింటుంది. కొన్ని సాధారణ అలవాట్ల ద్వారా మీ కారు బ్యాటరీ ఏకంగా 7 నుండి 8 సంవత్సరాల పాటు సజావుగా పనిచేసేలా చూసుకోవచ్చు.

కారు బ్యాటరీ లైఫ్ పెంచుకోవచ్చు

Source : AI

Show Quick Read

Key points generated by AI, verified by newsroom

• ఎలక్ట్రిక్ వాహనాల్లో బ్యాటరీ నీటి స్థాయి మూడు నెలలకు ఒకసారి తనిఖీ చేయాలి.
• బ్యాటరీ టెర్మినల్స్ పై పేరుకున్న నాచును వేడి నీటితో శుభ్రం చేయాలి.
• వాహనం స్టార్ట్ చేసే ముందు ఏసీ, లైట్లు వంటివి ఆన్ చేయకూడదు.
• కంపెనీ అందించిన ఎలక్ట్రిక్ సిస్టమ్స్ మాత్రమే వాహనంలో వాడాలి.

పెట్రోల్, డీజిల్ ధరలతో పాటు సీఎన్‌జీ ధరలు ఇటీవల పెరుగుతున్నాయి. ఇదివరకే కొందరు ఎలక్ట్రిక్ వాహనాలకు మళ్లగా.. మరికొందరు ఈవీలు కొనుగోలు చేయాలని ప్లాన్ చేసుకుంటున్నారు. అయితే చాలా మంది కారు లేదా బైక్ బ్యాటరీ 3 నుండి 4 సంవత్సరాలలో పాడైపోతుందని ఫిర్యాదు చేస్తున్నారు. బ్యాటరీని సరైన పద్ధతిలో మెయింటైన్ చేస్తే దాని లైఫ్ టైమ్ పెంచవచ్చు. చిన్నచిన్న నిర్లక్ష్యాలు బ్యాటరీని త్వరగా వీక్ చేసి దెబ్బతీస్తాయి. అదే కొన్ని చిట్కాలు పాటిస్తే మీ వాహనం బ్యాటరీని 7 నుంచి 8 సంవత్సరాల వరకు ఏ సమస్య లేకుండా వాడుకోవచ్చు.  అందుకే బ్యాటరీని పరీక్షించడం, సకాలంలో మెయింటెనెన్స్ చేయడం అవసరమని నిపుణులు చెబుతున్నారు. 

బ్యాటరీ నీటి విషయంలో జాగ్రత్తలు తీసుకోవాలి 
ఎలక్ట్రిక్ వాహనాలలో అన్నింటికంటే మొదటి, ముఖ్యమైన విషయం బ్యాటరీ గురించి శ్రద్ధ తీసుకోవాలి. ప్రతి మూడు నెలలకొకసారి వాహనం బోనెట్ తెరిచి బ్యాటరీలోని డిస్టిల్డ్ వాటర్ (Distilled water)ను ఖచ్చితంగా చెక్ చేయాలి. నీరు తగ్గిపోతే బ్యాటరీ లోపల త్వరగా వేడెక్కి పాడైపోవడం మొదలవుతుంది. సమయానికి డిస్టిల్డ్ వాటర్ నింపడం వల్ల బ్యాటరీ పనితీరు బాగుండి దాని లైఫ్ టైమ్ పెరుగుతుంది. 

టెర్మినల్స్ శుభ్రత
రెండవ ముఖ్యమైన విషయం బ్యాటరీ టెర్మినల్స్ శుభ్రంగా ఉంచడం. చాలా సార్లు బ్యాటరీ టెర్మినల్స్‌పై తెల్లటి లేదా నీలం రంగు నాచు పేరుకుపోతుంది. దీనివల్ల కరెంట్ ఫ్లో తగ్గడంతో మీ వాహనం స్టార్ట్ కావడంలో ఇబ్బందులు వస్తాయి. అలాంటప్పుడు కొద్దిగా వేడి నీటిని పోసి ఆ నాచును శుభ్రం చేయాలి. టెర్మినల్స్ శుభ్రంగా ఉండటం వల్ల బ్యాటరీ కనెక్షన్ స్ట్రాంగ్‌గా ఉంటుంది.

స్టార్ట్ చేసేటప్పుడు జాగ్రత్తగా ఉండాలి 
మీ వాహనాన్ని స్టార్ట్ చేసేటప్పుడు కూడా జాగ్రత్త వహించాలి. ఇంజిన్ స్టార్ట్ చేయడానికి ముందు ఏసీ, హెడ్‌లైట్లు, మ్యూజిక్ సిస్టమ్ లేదా ఇతర ఎలక్ట్రిక్ పరికరాలను ఆన్ చేయకూడదు. స్టార్ట్ చేసే సమయంలో బ్యాటరీపై అప్పటికే ఎక్కువ ప్రెజర్ ఉంటుంది. మిగిలిన వస్తువులు కూడా ఆన్‌లో ఉంటే బ్యాటరీ త్వరగా వీక్ అవుతుంది. అందుకే మొదట ఇంజిన్ స్టార్ట్ చేసి, ఆ తర్వాత మిగిలిన ఎలక్ట్రిక్ ఐటమ్స్ ఆన్ చేయండి.

అదేవిధంగా మీ వాహనాన్ని ఆఫ్ చేసేటప్పుడు కూడా ఏసీ, బ్లోయర్, లైట్లు, మ్యూజిక్ సిస్టమ్ పూర్తిగా బంద్ చేయాలి. ఇవి ఆన్‌లోనే ఉండిపోతే, తరువాత సారి వాహనాన్ని స్టార్ట్ చేసేటప్పుడు బ్యాటరీపై అడిషనల్ బర్డన్ పడుతుంది. ఈ అలవాటు మెల్లమెల్లగా బ్యాటరీ కెపాసిటీ తగ్గించేస్తుంది.

కంపెనీ ఎలక్ట్రిక్ సిస్టమ్‌ను మాత్రమే వాడాలి
ఈ రోజుల్లో చాలా మంది వాహనంలో బయట నుండి భారీ లైట్లు, పెద్ద హారన్లు, సబ్ వూఫర్లు, యాంప్లిఫైయర్లను అమర్చుకుంటున్నారు. ఈ ఎక్కువ లోడ్ తీసుకునే ఎలక్ట్రిక్ వస్తువులు బ్యాటరీపై అవసరానికి మించి ఒత్తిడిని పెంచుతాయి. దీనివల్ల బ్యాటరీ త్వరగా డిశ్చార్జ్ అయిపోయి, దాని ఆయుష్షు తగ్గిపోతుంది. అందుకే ఎల్లప్పుడూ కంపెనీ ఇచ్చిన ఎలక్ట్రిక్ సిస్టమ్‌ను మాత్రమే ఉపయోగించడం మంచిదని చెబుతారు. 

వాహనం సర్వీసింగ్ చేయించే సమయంలో బ్యాటరీ టెర్మినల్స్‌ను టైట్ చేయించాలి. టెర్మినల్స్ లూజ్‌గా ఉండటం వల్ల సరైన కనెక్షన్ కుదరక బ్యాటరీ పనితీరు దెబ్బతింటుంది. దీనితో పాటు టెర్మినల్స్‌పై గ్రీస్, పెట్రోలియం జెల్లీ లేదా యాంటీ కొరోషన్ కోటింగ్ పూయడం వల్ల తుప్పు, నాచు పట్టకుండా ఉంటుంది. దీనివల్ల బ్యాటరీ ఎక్కువ కాలం  పనిచేస్తూనే ఉంటుంది.

మరిన్ని చదవండి

వేసవిలో బ్రేకులు ఫెయిలయ్యే ప్రమాదం ఎందుకు పెరుగుతుంది? ఈ జాగ్రత్తలు పాటిస్తే సరి

పెట్రోల్ ఎక్కువ ఆదా చేసే టాప్ 5 బెస్ట్ మైలేజీ కార్లు ఇవే..