అన్వేషించండి

2026 Toyota Glanza Faceliftలో అదిరిపోయే ఫీచర్లు.. కానీ ఈ 3 విషయాల్లో నిరాశ తప్పదు!

2026 టయోటా గ్లాంజాలో 4 మంచి అంశాలు, 3 లోపాలు ఏమిటి? మైలేజీ, CNG AMT, ADAS ఫీచర్లు, బాలెనోతో ధరల తేడా, ఇంజిన్ పనితీరుపై పూర్తి వివరాలు తెలుసుకోండి.

2026 Toyota Glanza facelift: టయోటా కంపెనీ, 2026 గ్లాంజా ఫేస్‌లిఫ్ట్‌ను లాంచ్‌ చేసి మార్కెట్‌లో ఆసక్తిని పెంచింది. కొత్త ఇంజిన్, మెరుగైన మైలేజీ, ఆధునిక భద్రత సదుపాయాలు ఈ కారులో ప్రత్యేక ఆకర్షణలు. అయితే కొన్ని విషయాల్లో మాత్రం నిరాశ తప్పదు. ఈ కారు కొనాలని ప్లాన్ చేస్తున్నవాళ్లు కచ్చితంగా తెలుసుకోవాల్సిన నాలుగు ప్లస్ పాయింట్లు, మూడు మైనస్ పాయింట్లు ఇవే.

మంచి అంశాలు.. 4 ప్లస్ పాయింట్లు

1. మెరుగైన మైలేజీ

కొత్త గ్లాంజాలో ప్రధాన ఆకర్షణ ఇంధన సామర్థ్యం. ఇందులో 1.2 లీటర్, మూడు సిలిండర్ల పెట్రోల్ ఇంజిన్‌ను అందించారు. ఇది పెట్రోల్‌తో పాటు CNGతోనూ పనిచేస్తుంది. పాత నాలుగు సిలిండర్ల ఇంజిన్‌తో పోలిస్తే కొత్త ఇంజిన్ మైలేజీ మెరుగుపడింది.

పెట్రోల్ మాన్యువల్ వేరియంట్ లీటరుకు 23.80 కిలోమీటర్ల మైలేజీ ఇస్తుందని కంపెనీ ప్రకటించింది. పాత మోడల్‌లో ఇది 22.35 కిలోమీటర్లుగా ఉండేది. AMT వేరియంట్ మైలేజీ లీటరుకు 24.77 కిలోమీటర్లకు చేరింది. పాత మోడల్‌లో ఇది 22.94 కిలోమీటర్లు.

CNG మాన్యువల్ వేరియంట్ కిలోగ్రాముకు 33.61 కిలోమీటర్ల మైలేజీ ఇస్తుందని సంస్థ చెబుతోంది. పాత మోడల్‌లో ఇది 30.61 కిలోమీటర్లు. CNG AMT వేరియంట్‌లో మైలేజీ కిలోగ్రాముకు 34.47 కిలోమీటర్లుగా ప్రకటించింది. రోజూ ఎక్కువ దూరం ప్రయాణించేవారికి ఈ మెరుగుదల ఉపయోగకరంగా ఉంటుంది.

2. CNGతో ఆటోమేటిక్ గేర్‌బాక్స్

గ్లాంజా ఫేస్‌లిఫ్ట్‌లో మరో ముఖ్యమైన మార్పు CNGతో AMT ఎంపిక. సాధారణంగా రద్దీ రోడ్లపై తరచూ గేర్లు మార్చడం ఇబ్బందిగా ఉంటుంది. ఆటోమేటిక్ గేర్‌బాక్స్‌తో ఈ సమస్య కొంత తగ్గుతుంది. ముఖ్యంగా నగరాల్లో రోజూ ఆఫీసులకు వెళ్లేవారికి ఇది సౌకర్యంగా ఉంటుంది. అదే సమయంలో మంచి మైలేజీ కూడా లభిస్తుందని కంపెనీ చెబుతోంది.

ఇది కూడా చదవండి: మిడిల్ క్లాస్‌ బడ్జెట్‌లోనే లగ్జరీ కార్‌ ఫీచర్లు.. క్రెటా కంటే తక్కువ ధరలో వస్తున్న హ్యుందాయ్ బేయాన్!

3. కొత్త సౌకర్యాలు, భద్రతా ఫీచర్లు

వేసవి వేడి ఎక్కువగా ఉండే మన దేశంలో ముందు సీట్లకు వెంటిలేషన్ ఇవ్వడం మంచి నిర్ణయం. దీనివల్ల ప్రయాణంలో సీట్లపై వేడి ప్రభావం తగ్గుతుంది. వైర్‌లెస్ ఫోన్ ఛార్జర్‌తో పాటు దానికి ప్రత్యేక కూలింగ్ వెంట్‌ కూడా ఇచ్చారు.

కొత్త గ్లాంజాలో లెవల్-2 ADAS భద్రత వ్యవస్థను అందించారు. ఇది డ్రైవర్‌కు కొన్ని పరిస్థితుల్లో సహాయపడే ఆధునిక సాంకేతిక వ్యవస్థ. అయితే దీని పనితీరును పూర్తిగా అంచనా వేయడానికి కొత్త మోడల్‌ను నేరుగా పరీక్షించాల్సి ఉంటుంది. మారుతి బలెనో ఫేస్‌లిఫ్ట్‌లో ఇదే తరహా వ్యవస్థను పరీక్షించిన అనుభవం ప్రకారం, ఈ ఫీచర్లు సరిగానే పనిచేసినట్లు ఎక్స్‌పర్ట్‌లు రిపోర్ట్‌ చేశారు.

4. ఫిజికల్‌ బటన్లు కొనసాగింపు

కొత్త కార్లలో చాలా స్విచ్‌లను టచ్‌స్క్రీన్‌లోనే అందిస్తున్నారు. అయితే గ్లాంజాలో ఏసీ, ఆడియో వంటి తరచూ అవసరమైన పనులకు ఫిజికల్‌ బటన్లు కొనసాగాయి. ప్రయాణ సమయంలో స్క్రీన్‌లోని మెనూలను వెతకడం కంటే బటన్లను ఉపయోగించడం సులభం. డ్రైవర్ దృష్టి రహదారిపై ఉండేందుకు కూడా ఇది ఉపయోగపడుతుంది.

నిరాశ కలిగించే అంశాలు.. 3 మైనస్ పాయింట్లు

1. మారుతి బలెనో కంటే ధర ఎక్కువ

గ్లాంజాకు ప్రధాన ప్రత్యర్థి మారుతి సుజుకి బలెనో. ఈ రెండు కార్ల మధ్య సాంకేతిక సంబంధం కూడా ఉంది. అయితే సమానమైన వేరియంట్ల ధరలను పోలిస్తే టయోటా గ్లాంజా ఖరీదైనదిగా కనిపిస్తోంది.

పెట్రోల్ వేరియంట్లలో ధరల తేడా సుమారు రూ.71,000 నుంచి రూ.లక్ష వరకు ఉంది. CNG వేరియంట్లలోనూ ఈ వ్యత్యాసం సుమారు రూ.76,000 నుంచి రూ.99,000 వరకు ఉంటుంది. రెండు కార్లలో మార్పులు ప్రధానంగా రూపం, ఫీచర్లకు సంబంధించినవే కావడంతో ఈ ధరల వ్యత్యాసాన్ని కొనుగోలుదారులు పరిగణనలోకి తీసుకోవాలి.

2. ఇంజిన్ శక్తి తగ్గింది

కొత్త మూడు సిలిండర్ల పెట్రోల్ ఇంజిన్ 83 హెచ్‌పీ శక్తిని, 112 ఎన్ఎం టార్క్‌ను అందిస్తుంది. పాత ఇంజిన్‌తో పోలిస్తే శక్తి 7 హెచ్‌పీ, టార్క్ 1 ఎన్ఎం తగ్గాయి.

CNG మోడ్‌లో 70 హెచ్‌పీ శక్తి, 102 ఎన్ఎం టార్క్ లభిస్తాయి. పాత ఇంజిన్‌తో పోలిస్తే శక్తి 7 హెచ్‌పీ తగ్గినా, టార్క్ 4.5 ఎన్ఎం పెరిగింది. బలెనోలో ఇదే తరహా ఇంజిన్‌తో ఉంది. బలెనో పాత K-Series ఇంజిన్‌తో పోలిస్తే, కొత్త ఇంజిన్ వేగంగా స్పందించే విషయంలో, అధిక వేగం వద్ద పెర్ఫార్మెన్స్‌లో కొంత వెనుకబడినట్లు ఎక్స్‌పర్ట్‌ల రివ్యూలో తేలింది.

ఇది కూడా చదవండి: పెట్రోల్, డీజిల్‌కు ఇక CNG తోడు.. మహీంద్రా ఎక్స్‌యూవీ 3XOలో సన్‌రూఫ్‌తో కొత్త లుక్‌

3. సన్‌రూఫ్, వెనుక ఆర్మ్‌రెస్ట్ లేవు

ప్రీమియం హ్యాచ్‌బ్యాక్ విభాగంలో కొన్ని అదనపు సౌకర్యాలు కూడా కొనుగోలుదారులను ఆకర్షిస్తాయి. కానీ గ్లాంజాలో వెనుక సీట్ల మధ్య ఆర్మ్‌రెస్ట్, సన్‌రూఫ్ వంటి ఫీచర్లు లేవు. టాటా ఆల్ట్రోజ్, హ్యుందాయ్ i20 వంటి ప్రత్యర్థి కార్లలో ఈ సదుపాయాలు అందుబాటులో ఉన్నాయి. వెనుక సీట్లలో ప్రయాణించేవారికి ఆర్మ్‌రెస్ట్ సౌకర్యాన్ని పెంచుతుంది. సన్‌రూఫ్ కూడా కొందరు కొనుగోలుదారుల ఎంపికపై ప్రభావం చూపవచ్చు.

మొత్తంగా చూస్తే.. 2026 టయోటా గ్లాంజా మెరుగైన మైలేజీ, CNG AMT ఎంపిక, అదనపు భద్రత ఫీచర్లతో ఆకట్టుకుంటోంది. అయితే బలెనోతో పోలిస్తే అధిక ధర, ఇంజిన్ శక్తి తగ్గడం, కొన్ని సౌకర్యాలు లేకపోవడం గమనించాల్సిన అంశాలు. మైలేజీ, డ్రైవింగ్ సౌకర్యం, భద్రతకు ప్రాధాన్యం ఇచ్చేవారు ఈ కారును పరిశీలించవచ్చు. అయితే కొనుగోలు చేసే ముందు, దీనికి సమానమైన బాలెనో వేరియంట్ ధర, ఫీచర్లను పోల్చి నిర్ణయం తీసుకోవడం మంచిది.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.

Advertisement

టాప్ హెడ్ లైన్స్

Tata Sierra EV: సేఫ్టీలో సత్తా చాటిన టాటా సియెర్రా ఈవీ: పెద్దలు, పిల్లల రక్షణ పరీక్షల్లో బెస్ట్ స్కోర్లు సొంతం
సేఫ్టీలో సత్తా చాటిన టాటా సియెర్రా ఈవీ: పెద్దలు, పిల్లల రక్షణ పరీక్షల్లో బెస్ట్ స్కోర్లు సొంతం
3-Cylinder Vs 4-Cylinder: 3-సిలిండర్‌ లేదా 4-సిలిండర్‌.. మీ ఫ్యామిలీ కారుకు ఏ ఇంజిన్ సరిపోతుందో తెలుసుకోండి
3 సిలిండర్ ఇంజిన్‌ vs 4 సిలిండర్ ఇంజిన్.. ఏ కారు బెస్ట్? మైలేజ్, పెర్ఫార్మెన్స్‌, వైబ్రేషన్స్‌ పూర్తి వివరాలు
FIVA Award: భారత్‌లో కార్ల విప్లవానికి నాంది పలికిన Maruti 800.. గ్లోబల్ అవార్డు అందుకున్న తొలి భారతీయ కారు!
కామన్‌మ్యాన్‌ తొలి కారు మారుతి 800 గుర్తుందిగా.. ఇప్పుడు ఈ కారుకు ప్రతిష్టాత్మక గ్లోబల్‌ అవార్డ్‌
ప్రయాణానికి 'సేఫెస్ట్‌ కారు' అని నిరూపించుకున్న Mahindra XEV 9S.. భారత్ NCAP పరీక్షల్లో '5 స్టార్ సేఫ్టీ రేటింగ్'
మహీంద్రా XEV 9S కారు చాలా సేఫ్‌ గురూ! క్రాష్ టెస్టుల్లో 5 స్టార్ రేటింగ్
Advertisement

వీడియోలు

Hyderabad's Korean Craze Taking Over Youth | హైదరాబాద్‌లో పెరుగుతున్న కొరియన్ కల్చర్ ప్రభావం
Bhuvneshwar Kumar Disastrous T20 Comeback | రీ-ఎంట్రీలో భువి ఘోర రికార్డు
India Women Vs Zimbabwe 2nd ODI | జింబాబ్వేపై భారత మహిళల జట్టు చారిత్రాత్మక విజయం
Team India World Record in T20 | ప్రపంచ క్రికెట్ చరిత్రలోనే తొలిసారి: 200 T20I విజయాలతో టీమ్ ఇండియా వరల్డ్ రికార్డ్
Virosh Couple Clarity on Divorce Rumours | ట్రోల్స్‌కు విజయ్, రష్మిక అదిరిపోయే కౌంటర్
Advertisement

ఫోటో గ్యాలరీ

Advertisement

వ్యక్తిగత కార్నర్

అగ్ర కథనాలు
టాప్ రీల్స్
Cyclone Akvan Update: దిశ మార్చుకున్న అక్వాన్ తుపాన్.. ఉత్తరాంధ్ర- దక్షిణ ఒడిశాలకు ముప్పు, కంట్రోల్ రూమ్ నంబర్లు
దిశ మార్చుకున్న అక్వాన్ తుపాన్.. ఉత్తరాంధ్ర- దక్షిణ ఒడిశాలకు ముప్పు, కంట్రోల్ రూమ్ నంబర్లు
KTR News: కృష్ణా జలాల్లో తెలంగాణకు కాంగ్రెస్ తీరని ద్రోహం.. బీఆర్ఎస్ మరో పోరాటం తప్పదన్న కేటీఆర్
కృష్ణా జలాల్లో తెలంగాణకు కాంగ్రెస్ తీరని ద్రోహం.. బీఆర్ఎస్ మరో పోరాటం తప్పదన్న కేటీఆర్
Fire Accident: దేవుడికి పెట్టిన దీపం కాల్చి బూడిద చేసింది -పేట్ బషీరాబాద్‌లో 2 ఫ్లాట్లలో సామాగ్రి దగ్దం
దేవుడికి పెట్టిన దీపం కాల్చి బూడిద చేసింది -పేట్ బషీరాబాద్‌లో 2 ఫ్లాట్లలో సామాగ్రి దగ్దం
Indiramma Kutumba Jeevitha Bima: కోటికిపైగా కుటుంబాలకు రూ.5 లక్షల ఇన్సూరెన్స్ .. రేపటి నుంచి 'ఇందిరమ్మ కుటుంబ జీవిత బీమా' స్కీమ్ ప్రారంభం!
కోటికిపైగా కుటుంబాలకు రూ.5 లక్షల ఇన్సూరెన్స్ .. రేపటి నుంచి 'ఇందిరమ్మ కుటుంబ జీవిత బీమా' స్కీమ్ ప్రారంభం!
Siddipet Politics: సీఎం రేవంత్ రెడ్డి సిద్దిపేట పర్యటన.. నిలిచిపోయిన పనులపై ఫ్లెక్సీలతో స్థానికులు స్వాగతం
సీఎం రేవంత్ రెడ్డి సిద్దిపేట పర్యటన.. నిలిచిపోయిన పనులపై ఫ్లెక్సీలతో స్థానికులు స్వాగతం
Hardik Pandya News: PBKS గూటికి చేరిన హార్దిక్ పై కోచ్ పాంటింగ్ సంచలన వ్యాఖ్యలు.. ఒత్తిడిలో ఆడే ఆటగాడి లోటు తీరిందని సంబరం
PBKS గూటికి చేరిన హార్దిక్ పై కోచ్ పాంటింగ్ సంచలన వ్యాఖ్యలు.. ఒత్తిడిలో ఆడే ఆటగాడి లోటు తీరిందని సంబరం
N Ramchander Rao: 15 వేల కుటుంబాల ఇళ్ల జోలికి రావద్దు.. మియాపూర్ భూముల వేలాన్ని అడ్డుకుంటామన్న రాంచందర్ రావు
15 వేల కుటుంబాల ఇళ్ల జోలికి రావద్దు.. మియాపూర్ భూముల వేలాన్ని అడ్డుకుంటామన్న రాంచందర్ రావు
FIVA Award: భారత్‌లో కార్ల విప్లవానికి నాంది పలికిన Maruti 800.. గ్లోబల్ అవార్డు అందుకున్న తొలి భారతీయ కారు!
కామన్‌మ్యాన్‌ తొలి కారు మారుతి 800 గుర్తుందిగా.. ఇప్పుడు ఈ కారుకు ప్రతిష్టాత్మక గ్లోబల్‌ అవార్డ్‌
Embed widget