రూ.4.53 లక్షలకే 2026 Renault Kwid లాంచ్ - కొత్త స్టీరింగ్, 6 ఎయిర్‌బ్యాగ్‌లు, CNG ఆప్షన్
2026 Renault Kwid భారత మార్కెట్లో రూ.4.53 లక్షల ప్రారంభ ధరతో విడుదలైంది. కొత్త స్టీరింగ్, కొత్త బ్యాడ్జ్‌లు, 6 Airbags, AMT, CNG ఆప్షన్ ఉన్నాయి. పూర్తి వివరాలు తెలుసుకోండి.
2026 Renault Kwid Price And Features: సామాన్యుల కోసం తక్కువ ధరలకే మంచి కార్లను అందిస్తున్న Renault, ఎంట్రీ లెవల్ హ్యాచ్‌బ్యాక్ Renault Kwidలో 2026 వెర్షన్‌ను అధికారికంగా లాంచ్ చేసింది. ఈ కొత్త మోడల్ ప్రారంభ ఎక్స్‌షోరూమ్ ధరను రూ.4.53 లక్షలుగా నిర్ణయించింది. ఈ తాజా అప్‌డేట్‌ వెర్షన్‌లో కారు ఎక్స్‌టీరియర్ & ఇంటీరియర్‌లో కొన్ని మార్పులు వచ్చాయి. అలాగే ఇకపై ఈ కారు కేవలం Evolution & Climber అనే రెండు వేరియంట్లలో మాత్రమే అందుబాటులో ఉంటుంది. గతంలో ఉన్న Authentic & Techno వేరియంట్లను కంపెనీ నిలిపివేసింది.
కొత్త Renault Kwidలో పెద్ద మెకానికల్ మార్పులు లేకపోయినా, డిజైన్ పరంగా ఆకర్షణీయమైన అప్‌డేట్‌లు కనిపిస్తున్నాయి. ముందు & వెనుక భాగాల్లో కొత్త 3D Renault లోగోలు అమర్చారు. టెయిల్‌గేట్‌పై Kwid బ్యాడ్జ్‌కు కొత్త ఫాంట్‌తో పాటు సిల్వర్ ఫినిష్ ఇచ్చారు. అలాగే 14 అంగుళాల స్టీల్ వీల్స్‌కు కొత్త డ్యూయల్ టోన్ వీల్ కవర్లు అందించారు. అయితే LED DRLs, హాలోజన్ హెడ్‌ల్యాంప్స్, బంపర్లు & టెయిల్‌ల్యాంప్స్ మాత్రం పాత మోడల్‌లాగే కొనసాగుతున్నాయి.
కొత్త Kwid ఇంటీరియర్‌లో ప్రధాన ఆకర్షణ Kiger SUV నుంచి తీసుకొచ్చిన కొత్త 3-స్పోక్ స్టీరింగ్ వీల్. దీనిపై ఇన్ఫోటైన్‌మెంట్ కంట్రోల్స్ కూడా అందుబాటులో ఉన్నాయి. గేర్ లివర్ డిజైన్ కూడా Kiger తరహాలోనే ఉంది. మిగిలిన క్యాబిన్ లేఅవుట్‌లో పెద్దగా మార్పులు చేయలేదు. ఇందులో 8 అంగుళాల టచ్‌స్క్రీన్ ఇన్ఫోటైన్‌మెంట్ సిస్టమ్, వైర్డ్‌ ఆండ్రాయిడ్‌ ఆటో & ఆపిల్ కార్‌ప్లే, సెమీ డిజిటల్ ఇన్‌స్ట్రుమెంట్ క్లస్టర్, మాన్యువల్‌ AC, నాలుగు పవర్ విండోలు కొనసాగుతున్నాయి. బ్లాక్ ఫ్యాబ్రిక్ సీట్లకు పసుపు రంగు హైలైట్స్ కూడా యథాతథంగా ఉన్నాయి.
ఇది కూడా చదవండి: Tata Sierra EVని ఏ ప్రాతిపదికన కొంటారు? - ఇలా సింపుల్‌గా కంపేర్‌ చేస్తే మీకో క్లారిటీ వస్తుంది!
భద్రత విషయంలో కూడా Renault కొన్ని కీలక మార్పులు చేసింది. Evolution వేరియంట్‌లో 2 ఎయిర్‌ బ్యాగ్‌లు అందిస్తుండగా, Climber వేరియంట్‌లో 6 ఎయిర్‌ బ్యాగ్‌లు అందిస్తోంది. వీటితో పాటు రియర్‌ పార్కింగ్‌ కెమెరా, పార్కింగ్‌ సెన్సార్లు, TPMS, AMT వేరియంట్లలో హిల్‌ స్టార్ట్‌ అసిస్ట్, కీలెస్‌ ఎంట్రీ, సెంట్రల్‌ లాకింగ్, EBD తో ABS & సీట్‌ బెల్ట్‌ రిమైండర్‌ వంటి ఫీచర్లు కూడా ఉన్నాయి.
ఇంజిన్ విషయానికి వస్తే, పాత మోడల్‌లో ఉన్న 1.0 లీటర్ 3 సిలిండర్ NA పెట్రోల్‌ ఇంజిన్‌నే కొనసాగించారు. ఇది 69 hp పవర్ & 92.5 Nm టార్క్ ఉత్పత్తి చేస్తుంది. ఈ ఇంజిన్‌కు 5-స్పీడ్‌ మాన్యువల్‌ లేదా 5-స్పీడ్‌ AMT గేర్‌బాక్స్ ఎంపికలు ఉన్నాయి.
మాన్యువల్‌ వేరియంట్ కొనుగోలు చేసేవారికి Renault ప్రత్యేకంగా రెట్రోఫిట్టెడ్‌ CNG కిట్‌ను కూడా అందిస్తోంది. దీని కోసం అదనంగా రూ.70,450 చెల్లించాలి. ఈ CNG కిట్‌ను కంపెనీ అధీకృత వర్క్‌షాప్‌లలోనే అమర్చుతుంది. దీనిపై 3 సంవత్సరాలు లేదా 1 లక్ష కిలోమీటర్ల వరకు వారంటీ కూడా లభిస్తుంది.
ఇది కూడా చదవండి: 160 km రేంజ్‌, రూ.1.40 లక్షల రేటు - ఇదే కాదు, Revolt RVX గురించి మీకు ఇంకా తెలియాలి!
కొత్త Renault Kwid ధరలు కూడా ప్రకటించారు. Evolution మాన్యువల్‌ ధర రూ.4.53 లక్షలు కాగా, Evolution AMT ధర రూ.4.90 లక్షలు. Climber Manual ధర రూ.5.15 లక్షలు & Climber AMT ధర రూ.5.61 లక్షలుగా నిర్ణయించారు. Authentic వేరియంట్ నిలిపివేయడంతో ప్రారంభ ధర రూ.22 వేల వరకు పెరిగింది. అయితే Evolution & Climber వేరియంట్ల ధరలు గతంతో పోలిస్తే వరుసగా రూ.14 వేల వరకు & రూ.32 వేల వరకు తగ్గాయి.
కొత్త Renault Kwid పొడవు 3,731 మి.మీ., వెడల్పు 1,579 మి.మీ., ఎత్తు 1,474 మి.మీ., వీల్‌బేస్ 2,422 మి.మీ.గా ఉంది. గ్రౌండ్ క్లియరెన్స్ 184 మి.మీ. కాగా, బూట్ స్పేస్ 279 లీటర్లు అందుబాటులో ఉంది.
ధర పరంగా చూస్తే Renault Kwidకు ప్రధాన పోటీగా Maruti S-Presso & Maruti Alto K10 ఉన్నాయి. అయితే కొత్త డిజైన్, మెరుగైన భద్రతా ఫీచర్లు, CNG ఆప్షన్ & ఆకర్షణీయమైన ధరలతో 2026 Renault Kwid భారత మార్కెట్లో వినియోగదారులను ఆకట్టుకునే అవకాశాలు కనిపిస్తున్నాయి.
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
