Shukra Gochar 2026: మార్చి 15 నుంచి ఈ 3 రాశులవారికి ఆర్థిక కష్టాలు మొదలవుతాయి!

Shukra Nakshatra Gochar 2026: ప్రేమ, విలాసం , శ్రేయస్సుకు శుక్రుడు కారణమైన గ్రహం శుక్రుడు. దాని సంచారంలో మార్పు కొన్ని రాశులకు ఆర్థిక ఇబ్బందులను తెచ్చిపెట్టవచ్చు. ఆ రాశులేంటో చూద్దాం..

Shukra Gochar 2026

Source : ABPLIVE AI

Shukra Gochar 2026 in Revati Nakshatra:

2026 మార్చి 15న శుక్రుడు రేవతి నక్షత్రంలోకి ప్రవేశిస్తాడు. ఈ నక్షత్రానికి అధిపతి బుధుడు. ఇది కొన్ని రాశిచక్రాలపై ప్రతికూల ప్రభావాన్ని చూపుతుంది. ఆర్థిక నష్టాలు, బడ్జెట్ అంతరాయాలు , అప్పులు చేయాల్సిన పరిస్థితి కూడా రావొచ్చు.

కర్కాటక రాశి
 
శుక్రుడు రేవతి నక్షత్రంలోకి ప్రవేశించడం వల్ల కర్కాటక రాశి వారికి సమస్యలు మొదలవుతాయి. అనుకున్న పనులు సమయానికి పూర్తికావు. అవసరానికి చేతిలో డబ్బులుండవు. ఖర్చులు రెట్టింపు అవడంతో ఇబ్బందులు తలెత్తవచ్చు. అనవసరమైన ఖర్చులు పెరిగి ఆ భారం మీపై పడుతుంది. ఈ సమయంలో ఖర్చు చేసే ప్రతి రూపాయి విషయంలోనూ ఆచితూచి వ్యవహరించకపోతే అప్పులు చేయాల్సిన పరిస్థితి ఎదురవుతుంది
 
ధనస్సు రాశి

రేవతి నక్షత్రంలో శుక్రుడి సంచాం ధనస్సు రాశివారికి అంత మంచి ఫలితాలను ఇవ్వడం లేదు. ఈ సమయంలో మీ వ్యక్తిగత, వృత్తి జీవితంలో కొత్త సమస్యలు మొదలవుతాయి. ఆస్తి వివాదాల్లో చిక్కుకునే అవకాశం ఉంది. తొందరపడి ఏ వస్తువులు కొనుగోలు చేయొద్దు.. ముఖ్యంగా ఆస్తుల వ్యవహారాల్లో అమ్మకాలు కొనుగోళ్లు ఈ సమయంలో చేపట్టవద్దు. అప్పులు తీసుకోవాల్సిన  పరిస్థితి ఎదురవుతుంది కానీ..మీరు ఆలోచించి అడుగువేస్తే సమస్యలను ఎదుర్కొనే మార్గం మీకు కనిపిస్తుంది. ఈ ప్రభావం మీ ఆరోగ్యంపై కూడా పడుతుంది

సింహ రాశి

మార్చి 15 తర్వాత సింహ రాశి వారు శత్రువుల పట్ల జాగ్రత్తగా ఉండాలి. ఉద్యోగం చేసే ప్రదేశంలో ప్రత్యర్థులు మీ పనికి అంతరాయం కలిగించవచ్చు. మీరు చేయని తప్పులకు నిందలు పడాల్సి వస్తుంది. ఉన్నతాధికారులతో వాగ్వాదం పెట్టుకోవద్దు. సింహ రాశి వ్యాపారులకు కూడా శుభసమయం కాదు.. నూతన ప్రయోగాలకు దూరంగా ఉండాలి, వ్యాపారంలో లాభాలు వస్తాయనుకున్నా కానీ చివరకు నష్టాలే మిగులుతాయి. ఆచితూచి అడుగేయండి. పొదుపు తగ్గుతుంది. పని పెరుగుతుంది కానీ ఫలితం పెరగదు. 

విలాసాలకు అధిపతి అయిన శుక్రుడు శుభస్థానంలో ఉంటే ఆ వ్యక్తి జీవితం ఎంత అద్భుతంగా, సంతోషంగా, ప్రేమమయంగా ఉంటుందో... శుక్రుడు ప్రతికూల సంచారం అంతే ప్రభావం చూపిస్తుంది. ఈ సమయంలో వ్యక్తిగత జీవితంలో వివాదాలు, ఆర్థిక సమస్యలు, ఉద్యోగం చేసే ప్రదేశంలో పనిలో ఒ‍త్తిడి పెరుగుతుంది. శుక్రదోషం ఉండడం వల్ల ఆర్థి ఇబ్బందులు , అప్పుల బాధలు వెంటాడుతాయి. 

శుక్రుడి శ్లోకం పఠించండి

హిమకుంద మృణాళాభం దైత్యానాం పరమం గురుమ్ 
సర్వశాస్త్ర ప్రవక్తారం భార్గవం ప్రణమామ్యహమ్ 

శుక్ర బీజ మంత్రం:
ఓం ద్రాం ద్రీం ద్రౌం సః శుక్రాయ నమః 
 
శుక్ర గాయత్రీ మంత్రం:
ఓం అశ్వధ్వజాయ విద్మహే ధనుర్హస్తాయ ధీమహి 
తన్నో శుక్రః ప్రచోదయాత్ 

 గమనిక: ఇక్కడ అందించిన సమాచారం కేవలం నమ్మకాలపై ఆధారపడి ఉంటుంది. పండితులు చెప్పిన వివరాలు, ఆధ్యాత్మిక గ్రంధాల నుంచి సేకరించి అందించిన వివరాలు ఇవి. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం. ఏదైనా సమాచారం లేదా నమ్మకాన్ని అమలు చేయడానికి ముందు సంబంధిత నిపుణుడిని సంప్రదించండి.

మరిన్ని చదవండి

దేవుడి పూజలో వాడిన పూలని పడేస్తున్నారా? ఆ పూలతో ఏం చేయాలో మీకు తెలుసా?

సులభమైన పూజా విధానం, 5 నిముషాలు చాలు భగవంతుడి ఆశీర్వాదం పొందడానికి!