Sagittarius Horoscope 2023: 7 నెలలు రకరకాల ఇబ్బందులు, 5 నెలలు ఆర్థిక ప్రయోజనాలు, 2023లో ధనస్సు రాశి వార్షిక ఫలితాలు

Dhanusu Raasi horoscope 2023: ఆయా రాశిలో ఫలితాలన్నీ ఒక్కరికే వర్తిస్తాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం జ్యోతిష్య పండితులను సంప్రదించగలరు

Sagittarius 2023 Horoscope

Sagittarius Horoscope 2023: ధనస్సు రాశివారు ఈ ఏడాది శుభవార్తలు వింటారు, సాధించాలి అనుకున్న పనులు ఇబ్బందులున్నా పూర్తిచేస్తారు.  వివాహ జీవితం బావుంటుంది,ప్రేమ విషయంలోనూ సానుకూల ఫలితాలుంటాయి...ఇకా 2023 ధనస్సు రాశివారికి ఎలాఉందంటే...

• 2023లో ఈ రాశివారి ఆర్థిక సమస్యలు పరిష్కారం అవుతాయి. ఆదాయాన్ని పెంచుకునేందుకు అనుకూలమైన పరిస్థితి ఉంటుంది. ఫిబ్రవరి నుంచి ఏప్రిల్, ఆగస్, సెప్టెంబరు నెలలో ఖర్చులు ఎక్కువగా ఉంటాయి..ఆర్థిక స్థిరత్వాన్ని కాపాడుకోవాలి
• ఏడో స్థానంలో సూర్యుడి సంచారం వల్ల వివాహితుల జీవితం సంతోషంగా ఉంటుంది. జీవిత భాగస్వామిపట్ల ప్రేమ రెట్టింపు అవుతుంది. మీ ప్రతి పనిలోనూ మీకు మీ జీవితభాగస్వామి తోడు ఉంటుంది. కుటుంబం పట్ల బాధ్యత పెరుగుతుంది.
• 2023లో ఆరోగ్యపరంగా చూస్తే..ఆజాగ్రత్త అనారోగ్యాన్ని పెంచుతుంది...దానికి మూల్యం చెల్లించుకునేకన్నా ఆరోగ్యం విషయంలో అప్రమత్తంగా ఉండడం మంచిది. పొట్టకు సంబంధించిన ఇబ్బందులు రావొచ్చు...
• ప్రేమికులు అనేక సవాళ్లను ఎదుర్కోవాల్సిన సమయం ఇది. సంవత్సరం ప్రారంభంలో రాహువు 5వ ఇంట్లో ఉన్నాడు. ఏడాదిలో మొదటి అర్థభాగం వివాదాలతో మీ బంధం నడిచినా ఆ తర్వాత బావుంటుంది
• ఈ ఏడాది ధనస్సు రాశివారు వృత్తి, ఉద్యోగాల్లో కొంత జాగ్రత్త అవసరం. సంవత్సరం ప్రారంభం మీకు అనుకూలంగా ఉంటుంది కానీ ఆ తర్వాత సమస్యలు తప్పవు.
• ఉద్యోగంలో మార్పు మీకు అనుకూలంగా ఉంటుంది కానీ దానివల్ల కొన్ని ఇబ్బందులు ఎదుర్కోక తప్పదు.
• ఏప్రిల్ నుంచి ఆగస్టు వరకు ఉద్యోగం మారే అవకాశం ఉంది...అయితే వీలైనంత వరకూ మారకుండా ఉండడమే మంచిది. ఎందుకంటే మళ్లీ  అక్టోబర్ నుంచి డిసెంబర్ వరకు సానుకూల ఫలితాలు పొందుతారు.

2023లో ధనస్సు రాశి మాసఫలితాలు

• జనవరిలో ధనుస్సు రాశి వారి 5వ ఇంట రాహువు సంచారం వల్ల కొంత గందరగోళంగా ఉంటారు. ప్రతి విషయం గురించి లోతుగా ఆలోచించాలి. గందరగోళంలో ఉన్నప్పుడు ఎలాంటి నిర్ణయం తీసుకోవద్దు.
• ఫిబ్రవరి నెలలో మీ బలం, ధైర్యం పెరుగుతుంది. ఉద్యోగులు మంచి పేరు సంపాదించుకుంటారు. సహోద్యోగుల నుంచి మద్దతు లభిస్తుంది. తలపెట్టిన పనిలో విజయం సాధిస్తారు
• మార్చి నెలలో మీ వైవాహిక జీవితంలో చిన్న చిన్న సమస్యలు ఎదుర్కొంటారు. వ్యాపారంలో కూడా ఇదే పరిస్థితి ఉంటుంది, తోబుట్టువుల నుంచి మద్దతు తీసుకుంటారు
• ఏప్రిల్‌లో ఓ మోస్తరు ఫలితాలు ఉంటాయి. ఎందుకంటే ఈ నెలలో బృహస్పతి ఐదో స్థానంలో సంచరిస్తుంది..ఈ సమయంలో సూర్యుడు రాహువుతో కలసి ఐదో స్థానంలోనే ఉంటాడు...ఫలితంగా కొన్ని దుష్ప్రభావాలుంటాయి
• మే నెలలో కూడా మీకు కొన్ని సమస్యలు తప్పవు..జీవితంలో కొన్ని తప్పుడు నిర్ణయాలు తీసుకుంటారు. ప్రేమికుల మధ్య సమస్యలు పెరుగుతాయి. ఆరోగ్యం దెబ్బతినే అవకాశం ఉంది.. ఆగస్టు వరకూ కూడా ఇదే పరిస్థితి కొనసాగుతుంది
• సెప్టెంబరులో ఆరోగ్య పరంగా కొంత మార్పు వస్తుంది. ఆర్థికంగా కష్టానికి తగిన ఫలితం పొందుతారు. ఏ పనీ కోపంతో చేయవద్దు. మీపై కుట్రలు జరిగే అవకాశం ఉంది జాగ్రత్త. 
• అక్టోబరు నెల ఆర్థిక పరిస్థితి మెరుగుపరుస్తుంది. అప్పులు తీర్చగలుగుతారు. మీ శారీరక బలం పెరుగుతుంది, ఆరోగ్యం మెరుగుపడుతుంది. కుటుంబంతో సమయం గడపడం సాధ్యమవుతుంది.
• నవంబర్, డిసెంబరు మీకు బాగా కలిసొస్తాయి. ఆర్థికంగా పుష్కలంగా వృద్ధి చెందే సమయం ఇది. మీ ప్రయత్నాలన్నీ విజయవంతమవుతాయి. నిర్ణయం తీసుకునే సామర్థ్యం పెరుగుతుంది.