Planets associated with acting: సినిమా ఇండస్ట్రీలో వెలగాలంటే ఈ గ్రహాల అనుగ్రహం ఉండాలా?
Planets associated with acting: నటనలో విజయం కోసం జ్యోతిషశాస్త్రంలో రెండు గ్రహాలు ముఖ్యమైనవి. అవి ఏంటో చూద్దాం.
Mercury and Venus connection to acting: ప్రస్తుతం జనరేషన్ కి నటనపై మక్కువ ఎక్కువ. అయితే సినిమాలు లేదంటే సీరియల్స్ లేదంటే షార్ట్ ఫిల్మ్స్, యూ ట్యూబ్ వీడియోస్, ఇన్ స్టా రీల్స్ ఇలా ప్రతి ఒక్కరూ తమలో ఉండే నటనా ప్రతిభను ఏదో వేదికపై ప్రదర్శిస్తూనే ఉన్నారు. ఎందుకంటే సినిమా ప్రపంచంలో గ్లామర్, డబ్బు, పేరు , కీర్తి అన్నీ లభిస్తాయి. అయితే అందర్లో ఈ ఆలోచన, ఆశ ఉన్నా...ప్రతి ఒక్కరూ నటులైపోలేరు. కష్టం, అదృష్టం తోపాటూ గ్రహాలు కూడా అనుకూలించాలని చెబుతారు జ్యోతిష్య శాస్త్ర పండితులు.
స్టార్ గా వెలగాలంటే కొన్ని గ్రహాల అనుగ్రహం ఉండాలని జ్యోతిష్య శాస్త్ర పండితులు చెబుతున్నారు.
నటనతో ఏ గ్రహాలు సంబంధం కలిగి ఉన్నాయి?
నటనా రంగంలో గొప్ప పేరు తెచ్చుకోవాలంటే..ముందు మీలో బలమైన కోరిక ఉండాలి, సమస్యలను దాటుకుని అడుగువేసే ధైర్యం ఉండాలి.. కష్టపడే మనస్తత్వం ఉండాలి. వీటితో పాటూ జ్యోతిష్య శాస్త్రంలో బుధుడు (Jupiter) శుక్రుడు (Venus) గ్రహాల అనుగ్రహం ఉండాలి. ఎందుకంటే ఈ రెండు గ్రహాలు కళకు సంబంధించిన రంగానికి బాధ్యత వహిస్తాయి.
ఒక వ్యక్తి జాతకంలో బుధుడు (Jupiter) శుక్రుడు (Venus) గ్రహాలు పంచమ స్థానంలో ఉంటే...వారు నటనా రంగంలోకి వెళ్ళే అవకాశం ఎక్కువగా ఉంటుంది. బుధుడు ప్రసంగ కారకుడు, అయితే శుక్రుడు కళతో సంబంధం కలిగి ఉంటాడు.
బుధుడు-శుక్రుడు కలయిక కళతో ముడిపడి ఉంది
బుధుడు చంద్రుడు... శుక్రునితో సంబంధం కలిగి ఉంటే ఆ వ్యక్తి తెరపై ఓ వెలుగు వెలుగుతారు..డైలాగ్స్ అద్భుతంగా చెబుతారు. అదే సమయంలో శుక్రుడు మంచి కళా ప్రదర్శన విషయంలో వ్యక్తిని నిపుణుడిగా చేస్తాడు.
శుక్ర గ్రహాన్ని ఆనందం, భోగం, ఐశ్వర్యం, వినోదం ,అందానికి సంబంధించిన గ్రహంగా పరిగణిస్తారు. జ్యోతిష్య శాస్త్రంలో, ఈ గ్రహాలు బలంగా ఉండటం వల్ల వ్యక్తి సినిమా నాటక ప్రపంచంలో విజయం సాధిస్తాడు.
జాతకంలో లగ్నం , లగ్న స్థానం బలంగా ఉండటం వల్ల సినిమా టెలివిజన్లో కెరీర్లో వచ్చే అడ్డంకులు తొలగిపోతాయి. దీనితో పాటు, వ్యక్తి ఇతరులను ప్రభావితం చేయడంలో కూడా విజయం సాధిస్తాడు. ఇండస్ట్రీలో అడుగుపెట్టాలన్నా, వెలగాలన్నా ముందుగా ఉండాల్సిన లక్షణం ఇదే.
గ్రహాల అనుగ్రహం కన్నా కృషి అంకితభావం అవసరం
జాతకంలో ఐదవ స్థానం బలంగా ఉంటే సినిమా ప్రపంచంలో తారగా వెలగొచ్చు..అయితే ఐదో స్థానం బలంగా ఉంది కదా మన ప్రయత్నం లేకుండా కూడా వెలిగిపోవచ్చు అనుకుంటే పొరపాటే. ఎందుకంటే గ్రహాల అనుగ్రహం ఉన్నా..మీ కృషి , నిజమైన అంకితభావం పెద్ద పాత్ర పోషిస్తాయి. జాతకంలోని తొమ్మిది గ్రహాలు కూడా కష్టపడి తమ స్థానాన్ని పొందిన వారికి మాత్రమే మద్దతు ఇస్తాయి.
అంతెందుకు..ఏల్నాటి శని, అష్టమ శని, అర్ధాష్టమ శని ప్రభావం అందరిపైనా ఒకేలా ఉండదు. శని న్యాయ నిర్ణేత..అందుకే కష్టపడి చమటోడ్చే వారిపై ప్రభావం తక్కువ చూపిస్తాడని చెబుతారు. అందుకే శ్రమను నమ్ముకుంటే గ్రహాల అనుగ్రహం కూడా మీకు కలిసొస్తుందని చెబుతున్నారు జ్యోతిష్య శాస్త్ర పండితులు
గమనిక: జ్యోతిష్య శాస్త్ర పండితులు చెప్పినవి, పుస్తకాల నుంచి సేకరించి రాసిన వివరాలివి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం. ఈ ఫలితాలన్నీ ఒక్కరికే వర్తిస్తాయని భావించరాదు. మీ జాతకంలో ఉండే గ్రహస్థితి ఆధారంగా ఫలితాలు మార్పులుంటాయి.
2025 నవంబర్ 02 క్షీరాబ్ధి ద్వాదశి! లక్ష్మీనారాయణుల అనుగ్రహం కోసం సులువైన పూజా విధానం కోసం ఈ లింక్ క్లిక్ చేయండి
టాప్ హెడ్ లైన్స్
ట్రెండింగ్ వార్తలు
