October Rashifal 2024: కొన్ని నెలలుగా ఎదుర్కొంటున్న సమస్యల నుంచి ఈ రాశులవారికి ఉపశమనం - అక్టోబరు మాస ఫలితాలు

October Monthly Horoscope : గ్రహాల కదలిక, నక్షత్రాల ఆధారంగా జ్యోతిష్యులు రాశి ఫలితాలను అంచనా వేస్తారు. అక్టోబరు నెలలో ఏ రాశివారికి ఎలాంటి ఫలితాలున్నాయో ఇక్కడ తెలుసుకోండి...

October Monthly Horoscope 2024 (Image Credit: Pixabay)

Source : Pixabay

October Monthly Horoscope 2024 : అక్టోబరు నెల రాశిఫలాలు

మిథున రాశి 

అక్టోబరు నెలలో మిథున రాశివారికి గ్రహాలు అనుకూల ఫలితాలనే ఇస్తున్నాయి. కానీ..కొన్ని సందర్భాల్లో ఉద్రేకం, దూకుడు స్వభావం కారణంగా  అనుకోని సంఘటనలు జరుగుతాయి. స్థిరాస్తుల కొనుగోలు, అమ్మకాలు, నూతన పెట్టుబడులు కలిసొస్తాయి. ఆర్థిక పరిస్థితి బావున్నప్పటికీ అనుకోని వ్యయం చేయాల్సి రావొచ్చు. నిరుద్యోగులు నెలాఖరులో గుడ్ న్యూస్ వింటారు. మీ సొంత వ్యక్తుల నుంచి అవమానాలు ఎదుర్కోవాల్సి రావొచ్చు..ధైర్యంగా వ్యవహరించండి. 

కర్కాటక రాశి 

ఈ రాశివారి జీవితంలో అక్టోబరు నెల సానుకూల మార్పులు తీసుకొస్తుంది. అన్ని రంగాల వారికి ఈ నెల కలిసొస్తుంది. అదనపు ఆదాయ వనరులు పెరుగుతాయి. గడిచిన నెలలో ఎదురైన సమస్యలు ఓ కొలిక్కి వస్తాయి. సన్నిహితులు, శ్రేయోభిలాషుల సహకారంతో చాలా సమస్యలకు పరిష్కారం లభిస్తుంది. చేపట్టిన పనులను ధైర్యంగా పూర్తిచేస్తారు. కుటుంబ సభ్యుల నుంచి సహకారం ఉంటుంది. శత్రువులపై విజయం సాధిస్తారు. నూతన వస్తువులు కొనుగోలు చేస్తారు. సామాజిక హోదా పెరుగుతుంది

సింహ రాశి 

గత రెండు మూడు నెలల నుంచి ఎదురైన ఇబ్బందుల నుంచి ఉపశమనం లభిస్తుంది. ఉద్యోగం, వ్యాపారం సహా ఏ రంగంలో ఉన్నప్పటికీ ఈ నెలలో మంచి ఫలితాలు పొందుతారు. ఆదాయం మెరుగుపడుతుంది..అదృష్టం కలిసొస్తుంది. చేపట్టిన పనులు సజావుగా పూర్తిచేస్తారు. ఆరోగ్యం మెరుగుపడుతుంది. కుటుంబ సౌఖ్యం ఉంటుంది. మీ ప్రణాళికల విషయంలో గోప్యంగా ఉంచి అడుగువేస్తే..విజయం సాధిస్తారు. 

కన్యా రాశి

కన్యా రాశివారికి అక్టోబరులో ప్రధమార్థంలో అంతగా బావుండదు..ద్వితీయార్థంలో పరిస్థితులు కొంతమేర అనుకూలిస్తాయి. తీవ్రమైన సమస్యల నుంచి బయపడతారు. సంతానం కారణంగా ఉన్న ఇబ్బందులు పరిష్కారం అవుతాయి. ఆరోగ్యం మెరుగుపడుతుంది. ఆర్థికంగా నిలదొక్కుకుంటారు. కుటుంబంలో సంతోషం ఉంటుంది. స్టాక్ మార్కెట్లో పెట్టుబుడులు పెట్టేవారు అనుభవజ్ఞుల సలహాలు తీసుకోవడం మంచిది. 

తులా  రాశి

ఈ నెలలో శుక్రుడి అనుగ్రహం ఉండడం వల్ల మీకు తిరుగుఉండదు. అన్ని రంగాల్లో ఉండేవారు, వృత్తి వ్యాపారాల్లో రాణిస్తారు. ఆరోగ్యం మెరుగుపడుతుంది. రావాల్సిన బాకీలు వసూలవుతాయి. నూతన కార్యాలకు శ్రీకారం చుట్టెదరు. ఉద్యోగం మార్చుకోవాలని ఆలోచిస్తారు...అయోమయంలో నిర్ణయాలు తీసుకోవద్దు. భూ సంబంధింత లావాదేవీల్లో అనుకూలత ఉంటుంది. ఇతరుల విషయాల్లో జోక్యం తగ్గించుకోవడం మంచిది. రాజకీయ నాయకులను కలుస్తారు. 
 
మకర రాశి

ఈ రాశివారికి అక్టోబరు నెల కలిసొస్తుంది. అన్నిరంగాల్లో వారికి శుభఫలితాలున్నాయి. ఉద్యోగులకు కార్యాలయంలో గౌరవం పెరుగుతుంది. ఈ నెల రెండో వారంలో ఉద్యోగ రీత్యా దూర ప్రయాణాలు చేయాల్సి వస్తుంది. ప్రయాణంలో కొత్త పరిచయాలు కలిసొస్తాయి. ఆర్థిక లాభం ఉంటుంది. నూతన వస్తు ప్రాప్తి ఉంటుంది. సంతాన సౌఖ్యం ఉంటుంది.విద్యార్థులు పోటీ పరీక్షలలో మంచి ఫలితాలు పొందుతారు. 

Note: ఓ రాశిలోని ఫలితాలు మొత్తం ఒక్కరికే వర్తిస్తాయని భావించరాదు..మీ జాతకంలో గ్రహస్థితి ఆధారంగా కూడా ఫలితాల్లో మార్పులుంటాయి.. వీటిని ఎంతవరకూ పరిగణలోకి తీసుకోవాలన్నది పూర్తిగా మీ వ్యక్తిగతం.