Donations For Flood Victims: విజయవాడ వరద బాధితులకు బిగ్ బాస్ కంటెస్టెంట్‌ విరాళం ఎంతో తెలుసా?
Vijayawada Floods: విజయవాడ వరద బాదితులకు సాయం ప్రకటిస్తున్నారు సెలబ్రిటీలు. తాజాగా బిగ్ బాస్ రివ్యూస్ చెబుతూ ఫేమస్ అయిన ఆదిరెడ్డి తన వంతుగా లక్ష రూపాయలు సాయం ప్రకటించారు.
Andhra Pradesh: విజయవాడ వరదలు తెలుగు ప్రజలను షాక్ కు గురిచేశాయి. బెజవాడ చరిత్ర లోనే అతిపెద్ద వరద ముప్పుగా చెప్పుకుంటున్నారు దీన్ని. బుడమేరు అనే చిన్న వాగు మొత్తం నగరాన్ని వణికిస్తోంది. ఎంతో మంది ఈ వరదల్లో చిక్కుకుని నిరాశ్రయులు కాగా ఇప్పటి వరకూ 12 మంది చనిపోయినట్టు చెబుతున్నారు. ఇలాంటి సమయంలో ప్రభుత్వం తన పని తాను చేస్తున్నా సెలబ్రిటీలు ఇతర ప్రముఖులు కూడా సాటి మనిషి సాయం కోసం ముందుకు రావల్సిన సంఘటన కావడంతో వారూ స్పందిస్తున్నారు. ఇప్పటికే జూనియర్‌ ఎన్టీఆర్‌తో మొదలుపెట్టి బాదితుల సహాయం కోసం బిగ్ సెలబ్రిటీలు పెద్ద పెద్ద విరాళాలు ప్రకటిస్తున్నారు. ఇప్పుడు వారితోపాటు చిన్న సెలబ్రిటీలు రంగంలోకి దిగారు.
Also Read: ఏపీలో వర్షాలు, వరదల్లో 32 మంది మృతి- లక్షల ఎకరాల్లోల పంటనష్టం
ఆదిరెడ్డి వంతు లక్ష రూపాయలు
ఆదిరెడ్డి.. బిగ్ బాస్ చూసేవాళ్లకు ఈపేరు బాగా పరిచయమే. బిగ్ బాస్ తెలుగు రెండో సీజన్‌లో కౌశల్ ఆర్మీ సభ్యుడిగా రోడ్లపై ప్రదర్శనలు కూడా చేసిన ఆదిరెడ్డి తరువాత బిగ్ బాస్ రివ్యూలు చెబుతూ ఫేమస్ అయ్యారు. అది కూడా ఏరేంజ్‌లో అంటే ఏకంగా బిగ్ బాస్ లోకే హౌస్ మేట్ గా వెళ్ళేంత గా . అంతేకాదు ఆ సీజన్ లో ఏకంగా టాప్ 5 లో ఉన్నారు ఆదిరెడ్డి. బిగ్ బాస్ హౌస్ రివ్యూస్ తో సొంత ఇంటినే కట్టుకునే స్థాయికి ఎదిగిన ఆయన ఇప్పుడు విజయవాడ వరద బాధితులకు అండగా ముందుకు వచ్చారు. తన వల్ల అయినంత ఒక లక్ష రూపాయల సాయాన్ని సీయం రిలీఫ్ ఫండ్‌కు డొనేట్ చేశారు ఆయన. ఒక అకౌంట్ నుంచి 90వేలు మరొక ఎకౌంట్ నుంచి 10వేలు మొత్తం కలిపి లక్ష రూపాయలు పంపారు ఆదిరెడ్డి. మిగిలిన ప్రజలు కూడా తమకు తోచిన సాయం చేయాలంటూ ఆయన ఒక వీడియో కూడా రిలీజ్ చేశారు. ప్రస్తుతం తెలుగు బిగ్ బాస్ రివ్యూవర్ లలో టాప్ లో ఉన్న ఆదిరెడ్డి ఈ సీజన్ కు కూడా రివ్యూస్ చెబుతున్నారు .
Also Read: బిగ్ బాస్‌లో నామినేషన్ల ఫైర్, ఏడిపించిన మణికంఠ- ఫస్ట్ వీక్ నామినేట్ అయింది వీరే
టాప్ హెడ్ లైన్స్
ట్రెండింగ్ వార్తలు
