Pawan Kalyan: ప్రాణ త్యాగం అవసరంలేదు ప్లకార్డులు పట్టుకోండి చాలు... వైసీపీ ఎంపీలపై పవన్ విమర్శలు...

విశాఖ స్టీల్ ప్లాంట్ ప్రైవేటీకరణపై ప్రాణ త్యాగం అవసరంలేదు పార్లమెంట్ లో ప్లకార్డులు పట్టుకోండి చాలని వైసీపీ ఎంపీలకు చురకలు అంటించారు పవన్ కల్యాణ్.

పవన్ కల్యాణ్(ఫైల్ ఫొటో)

విశాఖ స్టీల్ ప్లాంట్ ప్రైవేటీకరణపై పోరాటం చేయాలని వైసీపీ ఎంపీలపై జనసేన అధినేత పవన్‌ కల్యాణ్ విమర్శలు చేశారు. ప్రాణ త్యాగాలైనా చేసి స్టీల్‌ ప్లాంట్‌ ప్రైవేటీకరణను అడ్డుకుంటామని ఇటీవల విశాఖ కార్పొరేషన్‌ ఎన్నికల్లో వైసీపీ నేతలు చెప్పారని పవన్ గుర్తు చేశారు. పార్లమెంట్‌ శీతాకాల సమావేశాల్లో స్టీల్ ప్రైవేటీకరణకు వ్యతిరేకంగా 'వైసీపీ ఎంపీలూ.. కనీసం ప్లకార్డులు పట్టుకోండి.. చాలు’ అని పవన్‌ అన్నారు. ప్రాణాలు తీసుకునేంత త్యాగాలు చేయక్కర్లేదని పార్లమెంట్‌లో ప్లకార్డులు పట్టుకుంటే చాలని పవన్ ట్వీట్‌ చేశారు. 

YSRCP MP లు,
కనీసం ప్లకార్డులు పట్టుకోండి,చాలు.
——————————————

విశాఖ కార్పోరేషన్ ఎన్నికలలో ' వైసీపీ- స్టీల్ ప్లాంట్ ప్రైవేటీకరణ ని ప్రాణ త్యాగాలు చేసైనా సరే అడ్డుకుంటాం అని చెప్పారు '.
అంత త్యాగాలు అక్కర్లేదు, కనీసం ‘ప్లకార్డులు పట్టుకోండి,చాలు.’#Raise_Placards_YSRCP_MP

— Pawan Kalyan (@PawanKalyan) December 20, 2021

జనసేన టిజిటల్ క్యాంపెయిన్

విశాఖ స్టీల్ ప్లాంట్ ప్రైవేటీకరణకు వ్యతిరేకంగా జనసేన పార్టీ అధినేత పవన్ కల్యాణ్ ట్విట్టర్ వేదికగా ఉద్యమాన్ని ప్రారంభించారు. ప్రాణ త్యాగాలు కాదు.. కనీసం పార్లమెంటులో ప్లకార్డులు పట్టుకుని నిరసన చేయాలని పవన్ చురకలంటించారు. విశాఖ కార్పొరేషన్ ఎన్నికల్లో స్టీల్ ప్లాంట్ ప్రైవేటీకరణను ప్రాణ త్యాగాలు చేసైనా అడ్డుకుంటామని వైసీపీ నేతలు హామీలిచ్చారని గుర్తుచేశారు. అంత త్యాగాలు అక్కర్లేదు... కనీసం ప్లకార్డులు పట్టుకోండి చాలని వైసీపీ ఎంపీలను ఉద్దేశించి ట్వీట్ చేశారు. విశాఖ ఉక్కు ఆంధ్రుల హక్కు అనే నినాదాన్ని పార్లమెంటులో వైసీపీ ఎంపీలు వినిపించాలని డిమాండ్ చేస్తూ జనసేన డిజిటల్ క్యాంపెయిన్ చేపట్టింది. ఇందులో భాగంగా రాష్ట్ర వ్యాప్తంగా జనసేన నేతలు ప్లకార్డులతో విశాఖ ఉక్కు ప్రైవేటీకరణపై నిరసన తెలిపారు. ప్రైవేటీకరణకు వ్యతిరేకంగా పార్లమెంటులో వైసీపీ ఎంపీలు ప్లకార్డులు ప్రదర్శించాలని డిమాండ్ చేశారు. 

అమలాపురంలో నిరసనలు

విశాఖ ఉక్కు ఆంధ్రుల హక్కు అంటూ జనసేన పార్టీ తూర్పుగోదావరి జిల్లా అమలాపురంలో జన సైనికులు వినూత్నంగా నిరసన చేపట్టారు. అమలాపురం సబ్ కలెక్టర్ కార్యాలయం వద్ద ప్లకార్డులతో వరుసగా నిలబడి  నినదించారు. అమలాపురం ఎంపీ చింతా అనురాధ పార్లమెంటులో విశాఖ ఉక్కు ఆంధ్రుల హక్కు అంటూ ప్లకార్డులు ప్రదర్శించి మాట్లాడాలని డిమాండ్ చేశారు. జనసేన అమలాపురం అసెంబ్లీ నియోజకవర్గ ఇంచార్జ్ శెట్టిబత్తుల రాజబాబు ఆధ్వర్యంలో ఈ ప్రదర్శన చేపట్టారు. అంబేడ్కర్ విగ్రహానికి పూలమాలలు వేసి నినాదాలు చేశారు. విశాఖ ఉక్కు కర్మాగారం  ప్రైవేటీకరణకు వ్యతిరేకంగా పార్లమెంటులో మాట్లాడాలని ఎంపీని జనసైనికులు కోరారు. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి