Police complaint about uncooked mutton: మటన్ ఉడకలేదని పోలీస్ స్టేషన్‌కు.. అనంతపురంలో వింత ఫిర్యాదు!

Mutton Problem: అనంతపురంలో ఓ వ్యక్తి మటన్ తీసుకుని పోలీస స్టేషన్ కు వచ్చాడు. మటన్ ఎంత వండినా ఉడకడం లేదని పోలీసులకు ఫిర్యాదు చేశారు. తర్వాత ఏం జరిగిందంటే?

మటన్ ఉడకలేదని పోలీస్ స్టేషన్‌కు.. అనంతపురంలో వింత ఫిర్యాదు!

Source : x

Police complaint about uncooked mutton in Anantapur: సాధారణంగా పోలీస్ స్టేషన్ అంటే గొడవలు, దొంగతనాలు లేదా ఇతర నేరాలకు సంబంధించిన ఫిర్యాదులు వస్తుంటాయి. కానీ, అనంతపురం జిల్లా తాడిపత్రిలో ఒక వ్యక్తి చేసిన ఫిర్యాదు చూసి పోలీసులు సైతం అవాక్కయ్యారు. తాను మార్కెట్లో కొనుగోలు చేసిన మటన్ ఎంత వండినా ఉడకడం లేదని, సదరు దుకాణదారుడు తనను మోసం చేశాడంటూ నేరుగా పోలీసులనే ఆశ్రయించాడు ఈ మటన్ బాధితుడు.                 

మార్కెట్‌లో మటన్ కొనుగోలు చేసి వండటానికి ప్రయత్నించిన హాజీ                            

తాడిపత్రికి చెందిన  సోడాల హాజీ అనే వ్యక్తి స్థానిక మార్కెట్‌లో మటన్ కొనుగోలు చేసి ఎంతో ఆశగా ఇంటికి తీసుకెళ్లాడు. రుచికరమైన కూర వండుకుందామని కుక్కర్‌లో పెట్టి ఉడికించాడు. ఒకటి కాదు, రెండు కాదు.. ఏకంగా 20 విజిల్స్ వేయించినా ఆ మాంసం అస్సలు మెత్తబడలేదు. ఎంత సేపు వండినా రాయిలాగే ఉండటంతో ఆ వ్యక్తికి చిర్రెత్తుకొచ్చింది. తాను కష్టపడి సంపాదించిన డబ్బుతో కొన్న మాంసం ఇలా ఉడకకపోవడంతో, దుకాణదారుడు తనకు ముదురు మాంసం , నాసిరకం మాంసం ఇచ్చి మోసం చేశాడని భావించాడు.                    

గ్యాస్ అయిపోయిన ఉడకకపోవడంతో మాంసం తీసుకుని నేరుగా పోలీస్ స్టేషన్‌కు ..           

వెంటనే ఆలస్యం చేయకుండా, ఉడకని ఆ మటన్ ముక్కలను ఒక కవర్‌లో వేసుకుని నేరుగా పోలీస్ స్టేషన్‌కు చేరుకున్నాడు. అక్కడ ఉన్న పోలీసులకు తన గోడు వెళ్లబోసుకున్నాడు. సార్, ఇదిగోండి చూడండి.. 20 విజిల్స్ వేయించినా ఈ మటన్ అస్సలు ఉడకడం లేదు. నా డబ్బులు, గ్యాస్, సమయం అన్నీ వృధా అయ్యాయి. ఆ షాపు యజమానిపై చర్యలు తీసుకోండి అంటూ రాతపూర్వక ఫిర్యాదు ఇచ్చేందుకు సిద్ధపడ్డాడు. ఈ వింత గోల చూసి అక్కడున్న వారంతా నవ్వుకోగా, పోలీసులు మాత్రం ఏం చేయాలో తెలియక తల పట్టుకున్నారు.             

సర్ది చెప్పి పంపేసిన పోలీసులు                                                  

చిన్న చిన్న గొడవలు, ఇంటి సమస్యలకే స్టేషన్లకు వస్తున్న ఈ రోజుల్లో, ఏకంగా మటన్ ఉడకలేదని ఒక వ్యక్తి స్టేషన్‌కు రావడం ఇప్పుడు సోషల్ మీడియాలో హాట్ టాపిక్‌గా మారింది. పోలీసులు ఆ వ్యక్తికి నచ్చజెప్పి పంపించినప్పటికీ, ఈ మటన్ ముచ్చట మాత్రం తాడిపత్రి ప్రాంతంలో నవ్వులు పూయిస్తోంది. నెటిజన్లు కూడా  బహుశా అది ఐరన్ మటన్ ఏమో అంటూ రకరకాలుగా కామెంట్లు చేస్తున్నారు. 

మరిన్ని చదవండి

తల్లి, చెల్లికి జగన్‌ అన్యాయం - వైసీపీకి ఇదే పెద్ద సమస్య - జగన్ ఏం పరిష్కారం వెదుకుతారు?

ఒక సామాన్యుడికి సీఎం చంద్రబాబు భరోసా.. చర్మకారుడి కుటుంబంలో సరికొత్త వెలుగులు