Sajjala Ramakrishna Reddy: తెలంగాణలోనే ఎక్కువ పవర్ కట్స్, భూముల ధరలపైనా సజ్జల కౌంటర్లు

చంద్రబాబును సీఎం చెయ్యాలనేది పవన్ కల్యాణ్ స్లోగన్ అని సజ్జల అన్నారు. ఆ స్టేట్మెంట్ పవన్ ముందే చెప్పాడని, అసలు విషయం అక్కడే అర్థం అవుతోందని అన్నారు.

సజ్జల రామకృష్ణా రెడ్డి (ఫైల్ ఫోటో)

ఏదో జరిగిపోతోందనుకొని టీడీపీ ప్రచారాలు చేసుకుంటోందని ఏపీ ప్రభుత్వ సలహాదారు సజ్జలరామకృష్ణా రెడ్డి అన్నారు. ప్రస్తుతం రాష్ట్రంలో ప్రజలకు సంక్షేమం జరుగుతోందని ఇది టీడీపీ గుర్తించాలని సూచించారు. అర్హులకు పథకాలను చేరవేసే విషయంలో మేలు చేయడమే సురక్ష అని అన్నారు. పవన్ కల్యాణ్ గురించి మాట్లాడుతూ.. ఆయన మాటలు సినిమా డైలాగ్స్ ను తలపిస్తున్నాయని అన్నారు.

చంద్రబాబును సీఎం చెయ్యాలనేది పవన్ కల్యాణ్ స్లోగన్ అన్నారు. ఆ స్టేట్మెంట్ పవన్ ముందే చెప్పాడని, అసలు విషయం అక్కడే అర్థం అవుతోందని అన్నారు. ఒక స్కీం ప్రకారం రాష్ట్రంలో శాంతి భద్రతలు లేవనే ప్రచారం చేస్తున్నారని అన్నారు. లా అండ్ ఆర్డర్ విషయంలో ప్రతి చోట ఒక పోలీస్ ను  పెట్టలేం  కదా అని అన్నారు. ప్రస్తుతం ఉన్న  ప్రభుత్వంలో శిక్షలు త్వరగా పడుతున్నాయని అన్నారు. అప్పటితో పోలిస్తే ఇప్పుడు క్రైం తక్కువగా ఉందని అన్నారు. ప్రతిపక్షాలు రాద్ధాంతం చేయడానికి ఎలాంటి  సమస్యలు  లేవని, ఏదో ఒకటి క్రియేట్ చేస్తున్నారని అన్నారు.

ముద్రగడ పార్టీలకు అతీతంగా పని చేస్తారని.. ముద్రగడ ఒక పార్టీకి సంబంధించిన వ్యక్తి కాదని అన్నారు. తెలంగాణ గురించి మాట్లాడుతూ.. అక్కడికి వెళితే పవర్ కట్స్ ఎలా  ఉన్నాయో తెలుస్తుందని అన్నారు. ఏపీలో ఎకరం అమ్మితే తెలంగాణలో వంద ఎకరాలు వస్తాయంటే, మరి బొంబాయిలో భూమి అమ్మినా తెలంగాణలో కూడా వంద ఎకరాలు వస్తాయని సజ్జల సెటైర్లు వేశారు.