Corona Cases: ఏపీలో కొత్తగా 95 కరోనా కేసులు నమోదు.. వైరస్ కారణంగా ఒకరు మృతి

ఆంధ్రప్రదేశ్ లో కరోనా కేసులు.. నమోదవుతూనే ఉన్నాయి. అయితే గతంతో పోల్చుకుంటే ఇవాళ తక్కువ కేసులు నమోదయ్యాయి.

ప్రతీకాత్మక చిత్రం

ఏపీలో కొత్తగా 95 కేసులు నమోదయ్యాయి. 24 గంటల వ్యవధిలో 27,233 పరీక్షలు చేశారు. వైరస్ కారణంగా కృష్ణా జిల్లాలో ఒకరు ప్రాణాలు చనిపోయారు. కొవిడ్‌ బారినపడి చనిపోయిన వారి సంఖ్య 14,481కు చేరుకుంది. ఒక్కరోజు వ్యవధిలో 179 మంది కోలుకున్నారు. రాష్ట్రంలో ఇప్పటివరకు మెుత్తం 20,60,061 మంది బాధితులు కోలుకున్నారు. ప్రస్తుతం ఏపీలో 1,432 యాక్టివ్‌ కేసులున్నాయి.

#COVIDUpdates: 21/12/2021, 10:00 AM
రాష్ట్రం లోని నమోదైన మొత్తం 20,73,079 పాజిటివ్ కేసు లకు గాను
*20,57,166 మంది డిశ్చార్జ్ కాగా
*14,481 మంది మరణించారు
* ప్రస్తుతం చికిత్స పొందుతున్నవారి సంఖ్య 1,432#APFightsCorona #COVID19Pandemic pic.twitter.com/RKLRvYLw1q

— ArogyaAndhra (@ArogyaAndhra) December 21, 2021

దేశంలో కరోనా కేసులు

దేశంలో కరోనా కేసుల సంఖ్య భారీగా తగ్గింది. కొత్తగా 5,326 కరోనా కేసులు నమోదుకాగా 453 మంది మృతి చెందారు. 8,043 మంది కరోనా నుంచి కోలుకున్నారు. యాక్టివ్ కేసుల సంఖ్య 79,097కు చేరింది.

• యాక్టివ్ కేసులు: 79,097
• మొత్తం రికవరీలు: 3,41,95,060
• మొత్తం మరణాలు: 4,78,007
• మొత్తం వ్యాక్సినేషన్: 1,38,34,78,181

వ్యాక్సినేషన్..

దేశంలో టీకా పంపిణీ వేగంగానే సాగుతోంది. సోమవారం 64,56,911 మందికి టీకాలు అందించారు. ఇప్పటివరకు పంపిణీ చేసిన డోసుల సంఖ్య 1,38,34,78,181కి చేరింది.

ఒమిక్రాన్ కేసులు..

దేశంలో ఒమిక్రాన్ కేసుల సంఖ్య పెరుగుతోంది. ఇప్పటివరకు దేశంలో 200కు పైగా ఒమిక్రాన్ కేసులు నమోదయ్యాయి. మహారాష్ట్ర, దిల్లీలో అత్యధికంగా చెరో 54 కేసులు ఉన్నాయి. 

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి