SRH Crushes KKR by 65 Runs IPL 2026 | ఈడెన్ గార్డెన్స్లో సన్రైజర్స్ ఊచకోత | ABP Desam
ఐపీఎల్ లో సన్రైజర్స్ హైదరాబాద్ ఖాతా తెరిచింది. ఈడెన్ గార్డెన్స్ వేదికగా జరిగిన హై-వోల్టేజ్ మ్యాచ్లో కోల్కతా నైట్ రైడర్స్ను సొంత గడ్డపైనే 65 పరుగుల భారీ తేడాతో చిత్తు చేసింది ఆరెంజ్ ఆర్మీ. టాస్ ఓడి మొదట బ్యాటింగ్ చేసిన సన్రైజర్స్ 20 ఓవర్లలో 8 వికెట్లకు 226 పరుగుల భారీ స్కోరు సాధించింది. హెన్రిచ్ క్లాసెన్ కేవలం 35 బంతుల్లో 52 పరుగులతో టాప్ స్కోరర్గా నిలిచాడు. చివర్లో నితీష్ కుమార్ రెడ్డి 39 పరుగులతో సూపర్ ఇన్నింగ్స్ ఆడాడు.
227 పరుగుల భారీ లక్ష్యంతో బరిలోకి దిగిన కేకేఆర్ ఆరంభంలో ఫిన్ అలెన్ విధ్వంసంతో అదిరిపోయే స్టార్ట్ ఇచ్చింది. తొలి ఓవర్లోనే 24 పరుగులు వచ్చాయి. కానీ ఆ వెంటనే అలెన్ను హర్ష్ దూబే పెవిలియన్ కు పంపాడు. ఆ తర్వాత వచ్చిన అజింక్య రహానే, కామెరాన్ గ్రీన్ విఫలమవ్వడం కేకేఆర్ను దెబ్బతీసింది.
వన్ డౌన్ బ్యాటర్ అంగ్ క్రిష్ రఘువంశీ 52 పరుగులతో ఒంటరి పోరాటం చేసినా, రనౌట్ అవ్వడం మ్యాచ్ను మలుపు తిప్పింది. బ్యాటింగ్లో అదరగొట్టిన నితీష్ కుమార్ రెడ్డి, బౌలింగ్లోనూ తన ప్రతాపం చూపాడు. రింకూ సింగ్ను అవుట్ చేసి కేకేఆర్ ఆశలపై నీళ్లు చల్లాడు. చివరకు కేకేఆర్ 161 పరుగులకే ఆలౌట్ అయ్యింది.
టాప్ హెడ్ లైన్స్
ట్రెండింగ్ వార్తలు
