IPL 2022 New Teams: ఐపీఎల్‌లో రెండు కొత్త జట్లు వచ్చేశాయ్..

ఐపీఎల్‌లో రెండు కొత్త జట్లకు సంబంధించిన బిడ్డింగ్ ప్రాసెస్ ముగిసింది. అహ్మదాబాద్, లక్నో నగరాల నుంచి ఐపీఎల్‌లో కొత్త జట్లు బరిలోకి దిగనున్నాయి. వీటిలో అహ్మదాబాద్ జట్టును సీవీసీ క్యాపిటల్, లక్నో జట్టును ఆర్పీఎస్‌జీ దక్కించుకున్నాయి. సంజీవ్ గోయెంకాకు చెందిన ఆర్‌పీఎస్‌జీ గ్రూప్ లక్నో ఫ్రాంచైజీని రూ.7,090 కోట్లకు దక్కించుకోగా, సీవీసీ క్యాపిటల్ పార్ట్‌నర్స్ అహ్మదాబాద్ ఫ్రాంచైజీని రూ.5,166 కోట్లకు చేజిక్కించుకుంది. మొత్తం 22 కంపెనీలు రూ.10 లక్షల విలువైన టెండర్ డాక్యుమెంట్‌ను దక్కించుకున్నాయి. అయితే వీటిలో కేవలం 10 కంపెనీలు మాత్రమే సీరియస్‌గా బిడ్డింగ్‌కు దిగాయి.