Tirupatiడాక్టర్ల నిర్లక్ష్యం కారణంగా టిటిడి ఉద్యోగి మృతి చెందారంటూ బంధువులు ఆందోళన.

తిరుపతిలోని టీటీడీ ఆధ్వర్యంలో నిర్వహిస్తున్న స్విమ్స్ ఆస్పత్రిలో డాక్టర్ల నిర్లక్ష్యం కారణంగా టిటిడి ఉద్యోగి మృతి చెందారంటూ బంధువులు ఆందోళన చేశారు.ఆసుపత్రిలో అధునాతన వైద్య పరికరాలు అందుబాటులో ఉన్నప్పటికీ వైద్యుల నిర్లక్ష్యం కారణంగానే చనిపోయారంటూ మృతుని బంధువులు ఆవేదన వ్యక్తం చేస్తున్నారు. తిరుపతిలోని సత్యనారాయణ పురంకు చెందిన గజేంద్ర, తిరుమల తిరుపతి దేవస్థాన కోపరేట్ బ్యాంకులో జూనియర్ అసిస్టెంట్ గా పని చేసేవారు. శుక్రవారం రాత్రి రెండు గంటల సమయంలో ఉన్న పళంగా గుండె నొప్పితో బాధపడుతూ స్విమ్స్ హాస్పిటల్లో అత్యవసర విభాగంలో చేరారు.వివిధ వైద్య పరీక్షలు నిర్వహించిన అత్యవసర విభాగం వైద్యులు అతనికి ఎలాంటి ఇబ్బంది లేదని చెప్పారు.తిరిగి విపరీతమైన ఛాతి నొప్పిరావడం తో, వైద్యులు సకాలం లో స్పందించలేదని అందుకే చనిపోయారని ఆందోళన చేసారు బంధువులు.