Siyaram Baba Viral Video 188 Years | 188ఏళ్ల సాధువు అంటూ వైరల్ అవుతున్న వీడియో | ABP Desam

 ఈ సాధువును చూడండి. పూర్తిగా నడుం వంగిపోయి పండుముసలిలా కనిపిస్తున్న ఈయన వయస్సు 188 సంవత్సరాలు. బెంగుళూరులో గుహలో ఎన్నోఏళ్లుగా తపస్సు చేసుకుంటున్న ఈయన్ను స్థానికులు బయటకు తీసుకువచ్చారు. ఆయన భోజనం చేసి 30ఏళ్లు అయ్యింది. మాట్లాడి 25ఏళ్లు అయ్యింది. ఈ వీడియో ని పదిమందికి షేర్ చేయండి మీకు మంచి జరుగుతుంది అని ఈ వీడియో సోషల్ మీడియాలో తెగ వైరల్ అవుతోంది. నిజంగా ఈ సాధువుకు 188ఏళ్లు ఉంటాయా..అసలు మనిషి అంతకాలం బతికి ఉంటే సాధ్యమేనా అని చాలా న్యూస్ ఏజెన్సీస్ ఈ వీడియోపై రెండు రోజుల నుంచి ఫ్యాక్ట్ చెక్ చేస్తున్నాయి. ఆ పరిశీలనలో తేలిన అంశం ఏంటంటే ఈ వీడియో అబద్ధం కాదు కానీ ఈ వీడియోలో చెబుతున్న కొన్ని విషయాలు అబద్ధం. ఎందుకంటే ఈ బాబా వయస్సు 188ఏళ్లు కాదు కానీ దగ్గర దగ్గర 110 సంవత్సరాలు ఉంటాయి. ఈయన పేరు సియారామ్ బాబా.  మధ్యప్రదేశ్ లోని గోగావన్ లో ఈయన ఆశ్రమం ఉంటుంది. మహా తపస్వి. రామనామమే మంత్రంగా 80ఏళ్లుగా దీక్షలోనే ఉన్నారు. ఇప్పటికీ చాలా యాక్టివ్ గా ఆయన పనులు ఆయనే చేసుకుంటారు. సంత్ సియారామ్ బాబా ట్రస్ట్ పేరుతో ఆశ్రమానికి వచ్చే భక్తులకు రాముడి గురించి చెబుతూ ఉంటారు ఆయన. ఇంతకాలంగా జీవిస్తూ వందేళ్లు పూర్తి చేసుకుని ఇప్పటికీ తన పని తనే చేసుకుంటూ గడుపుతున్న ఈ సాధువు వీడియోలనే 188 ఏళ్ల వింతమనిషి..గుహల్లో తపస్సు అంటూ వైరల్ చేస్తున్నారు కొంత మంది.