పాకిస్థాన్ లో రైలు ఆపేసిన ట్రైన్ డ్రైవర్.. వీడియో వైరల్ | ABP Desam

 పాకిస్థాన్‌లోని లాహోర్‌ నుంచి కన్హా రైల్వే స్టేషన్ మీదుగా కరాచీ వెళ్తున్న రైలు.. మార్గమధ్యలో ఆగింది. సిగ్నల్ ఇవ్వకపోయినా రైలు ఎందుకు మధ్యలో ఆపేశారని స్థానికులు ఆశ్చర్యపోయారు. ఇంతలో ఆ రైలు ఇంజిన్ నుంచి లోకో పైలట్ అసిస్టెంట్ కిందకు దిగాడు. ఆ తర్వాత నేరుగా ఓ షాప్ వద్దకు వచ్చి పెరుగు కొనుగోలు చేశాడు. ఆ తర్వాత మళ్లీ రైలు ఎక్కేశాడు. ఓ వ్యక్తి ఇదంతా వీడియో తీసి సోషల్ మీడియాలో పోస్ట్ చేశాడు. అది అలా.. అలా.. చక్కెర్లు కొడుతూ.. అధికారులకు చేరింది. దీంతో ఆగ్రహించిన అధికారులు ఆ లోకో పైలట్‌ను, అతడి అసిస్టెంట్‌ను సస్పెండ్ చేశారు.