Viral Video: కారు కోసం కొట్టుకున్నారు... వైరల్ అవుతున్న ఒంగోలు స్ట్రీట్ ఫైట్

ఒంగోలు శివారు మంగమూరు రోడ్డులో జరిగిన ఓ స్ట్రీట్ ఫైట్ సామాజిక మాధ్యమాల్లో వైరల్ అయ్యింది. నగరంలోని కబాడీపాలెంకు చెందిన కొంతమంది యువకులు కలిసి ఓ యువకుడిని విచక్షణారహితంగా దాడిచేశారు. చిన్న వివాదంతో మొదలైన ఘర్షణ ఇరు వర్గాల మధ్య దాడులకు దారితీసింది. దీంతో నడిరోడ్డుపైనే ఓ యువకుడ్ని మరో వర్గానికి చెందిన యువకులు చికతబాదారు.  
కర్రలు, రాడ్లతో కొట్టడంతో యువకుడికి తీవ్ర గాయాలయ్యాయి. ఘర్షణ సమయంలో ఓ కానిస్టేబుల్ యువకులని అడ్డుకోడానికి ప్రయత్నించినా ఫలితం లేకపోయింది. కబాడీపాలెంకు చెందిన కొంతమంది వ్యక్తులు మధ్య ఓ కారు కొనుగోలు విషయంలో వివాదం చెలరేగినట్లు తెలుస్తోంది. ఈ ఘటనపై పోలీసులు కేసు నమోదు చేసి విచారణ చేపట్టారు.