Badvel Bypoll: బద్వేల్ ఉపఎన్నికను బహిష్కరిస్తున్నాం...

కడప జిల్లా బద్వేల్ ఉప ఎన్నికను బహిష్కరిస్తామని అట్లూరు మండలం చిన్నమరాజుపల్లె గ్రామస్తులు ప్రకటించారు. తమ గ్రామంలో ఓట్లు వేయమని ఓ ఫ్లెక్సీ ఏర్పాటుచేశారు. గత 40 సంవత్సరాలుగా ఏ ప్రభుత్వం అధికారంలో ఉన్న తమ గ్రామానికి రోడ్డు వెయ్యలేదని చెబుతున్నారు. ఎన్నికల సమయంలో తమ గ్రామానికి వచ్చి ఓట్లు అడగడం, గెలిచిన తరవాత తమ గ్రామం వైపు చూడటం లేదని ఆవేదన చెందారు. తమ గ్రామానికి రోడ్డు వేసేంత వరకు ఏ రాజకీయ పార్టీ నాయకులను గ్రామంలోకి అనుమతించమని తెలిపారు. గ్రామ పొలిమేరలో ఎన్నికలను బహిష్కరిస్తున్నట్లు గ్రామస్తులు బోర్డు పెట్టారు.