News
News
X

Hanamkonda BJP Meeting : బండి సంజయ్ బహిరంగ సభకు అనుమతి రద్దు, కోర్టుకు వెళ్లే ఆలోచనలో బీజేపీ నేతలు!

Hanamkonda BJP Meeting : తెలంగాణలో మరో వివాదం తెరపైకి వచ్చింది. బీజేపీ బహిరంగ సభస్థలికి ఇచ్చిన అనుమతి రద్దు చేశారు. ఆర్ట్స్ కాలేజీ గ్రౌండ్ లో సభ నిర్వహణకు అనుమతి ఇవ్వలేమని ప్రిన్సిపల్ లేఖ రాశారు.

FOLLOW US: 

Hanamkonda BJP Meeting : తెలంగాణలో మరో వివాదం తెరపైకి వచ్చింది.  బీజేపీ తెలంగాణ చీఫ్ బండి సంజయ్ పాదయాత్రకు హైకోర్టు అనుమతి ఇవ్వడంతో ప్రజా సంగ్రామ యాత్ర తిరిగి ప్రారంభించేందుకు పార్టీ శ్రేణులు సన్నద్ధం అవుతున్నాయి. శుక్రవారం నుంచి పాదయాత్రను తిరిగి ప్రారంభించనున్నారు. అయితే ఈ పాదయాత్ర ముగింపు సభ భారీ ఎత్తున నిర్వహించాలని బీజేపీ ప్లాన్ చేసింది. ఈ సభకు బీజేపీ జాతీయాధ్యక్షుడు జేపీ నడ్డా కూడా వస్తున్నారని ప్రకటించారు. తాజాగా బీజేపీ బహిరంగ సభకు అనుమతి రద్దు చేస్తున్నట్లు హనుమకొండ ఆర్ట్స్ కాలేజీ ప్రిన్సిపల్ లేఖ రాశారు.  ఆర్ట్స్ కాలేజీలో ముగింపు సభకు ఇచ్చిన అనుమతి రద్దు చేశామన్నారు. కాలేజీ గ్రౌండ్ లో సభ నిర్వహించేందుకు అంతకు ముందు ప్రిన్సిపల్ అనుమతి ఇచ్చారు. తాజాగా పోలీసుల నుంచి ఎటువంటి సమాచారం రాకపోవడంతో అనుమతి రద్దు చేస్తున్నట్లు బీజేపీ జిల్లా అధ్యక్షురాలికి ప్రిన్సిపాల్ లేఖ రాశారు. సభ నిర్వహణకు ఇచ్చిన రూ. 5 లక్షలు వాపస్ ఇస్తామని తెలిపారు.  బండి సంజయ్ కుమార్ ప్రజాసంగ్రామ యాత్ర ముగింపు సందర్భంగా ఆగస్టు 27న హనుమకొండ ఆర్ట్స్ కాలేజీలో భారీ బహిరంగ సభ నిర్వహించాలని బీజేపీ భావిస్తుంది.   

ఆగిన చోట నుండే పాదయాత్ర  

బండి సంజయ్ పాదయాత్ర ఆగిన చోట నుంచి ప్రారంభం కానుంది. రోజుకు 20 కి.మీలకు పైగా నడిచేందుకు బండి సంజయ్ సిద్ధమయ్యారు. రేపు ఉదయం స్టేషన్ ఘన్ పూర్ నియోజకవర్గం పాంనూర్ నుంచి పాదయాత్ర మొదలుకానుంది. స్టేషన్ ఘన్ పూర్ లోని పాంనూర్ కు చేరుకుని, అక్కడే బస చేయనున్నారు.  ఈనెల 27న మధ్యాహ్నం వరకు పాదయాత్ర కొనసాగనుంది. 27న హనుమకొండ ఆర్ట్స్ కాలేజీ వద్ద భారీ బహిరంగ సభ నిర్వహించేందుకు బీజేపీ తలపెట్టింది. బండి సంజయ్ పాదయాత్రకు హైకోర్టు అనుమతి ఇవ్వడంతో పార్టీ కార్యకర్తలు ఫుల్ జోష్ తో ఉన్నారు. రేపటి పాదయాత్రలో పెద్ద ఎత్తున పార్టీ కార్యకర్తలు పాల్గొంటారని సమాచారం.  బహిరంగ సభ అనుమతి రద్దుపై కోర్టుకు వెళ్లేందుకు బీజేపీ నేతలు ఆలోచన చేస్తున్నారు. 

బండి సంజయ్ ఫైర్ 

ప్రజా సంగ్రామ యాత్ర అడ్డుకోవాలని దొంగ కేసులు పెట్టి దాడులు చేపించి అరెస్ట్ చేశారని బీజేపీ రాష్ట్ర అధ్యక్షుడు బండి సంజయ్ ఆరోపించారు. ప్రభుత్వం కుట్ర పన్నిందని, చట్టం న్యాయం మీద విశ్వాసంతో కోర్టును ఆశ్రయించామన్నారు.  పాదయాత్రకు కోర్టు అనుమతి ఇచ్చిందని, తీర్పును స్వాగతిస్తామన్నారు. పాదయాత్ర మరలా మెదలుపెడతామన్నారు. 
ప్రభుత్వం దుర్మార్గపు పనులతో బీజేపీని అడ్డుకోలేదన్నారు. ముఖ్యమంత్రి నోటికీ వచ్చినట్లు మాట్లాడితే ఊరుకోమన్నారు.  రంగారెడ్డి జిల్లా కలెక్టరేట్ ప్రారంభం అధికారిక  కార్యక్రమంలో దేశ ప్రధానిపై ఎలా మాట్లాడుతారని నిలదీశారు. పాలమూరు రంగారెడ్డికి మోడీ శాపంగా మారారని అవాకులు పేలుతున్నారన్నారు. అక్కడ ఎంత మందికి పెన్షన్ ఇచ్చారని, డబుల్ బెడ్రూమ్ లు ఇచ్చారో చెప్పాలన్నారు.  

దళిత బంధు పేరుతో మోసం 

"డబుల్ బెడ్ రూమ్ లబ్ధిదారులపై శ్వేత పత్రం విడుదల చేయగలరా? . దళిత బంధు పేరుతో ఇతర పార్టీల వారిని చేర్చుకుంటున్నారు. తెలంగాణ విభజన సమయంలోనే మెట్టమొదటి ద్రోహం చేసింది సీఎం కేసీఆరే. కృష్ణా పరివాహక ప్రాంతం  575 టీఎంసీ లు రావాలి. కానీ అప్పటి ముఖ్యమంత్రితో కుమ్మక్కై 299 టీఎంసీలకు సంతకం పెట్టారు. రావాల్సిన వాటిపై పోరాడవు వచ్చే వాటిని వాడుకోవు. కేంద్రం నుంచి ముఖ్యమంత్రికి ఎన్నో సార్లు రిప్లై వచ్చింది. అపెక్స్ కౌన్సిల్ లో సమావేశం పెడితే అందులో ఏమి చేసినవ్. సుప్రీంకోర్టు లో కేసు విత్ డ్రా చేసుకోమంటే సంవత్సరం తర్వాత విత్ డ్రా చేసినవ్. అనేక ప్రాంతాలు ఎడారిగా మారాయి అంటే కారణం కేసీఆర్ నే.  ఇన్ని సంవత్సరాలు ఆంధ్రా ముఖ్యమంత్రితో ఎందుకు కుమ్మక్కు అయ్యావు. అభివృద్ధి గురించి ఇచ్చిన హామీల గురించి మాట్లాడు ముఖ్యమంత్రి. రైతుల్లో మంటలు నీవల్లే కాలుతున్నాయి. వరి వేస్తే ఉరే అన్నావ్ దుబ్బాక, హుజురాబాద్ లో దెబ్బ కొట్టారు. మత విద్వేషాలు రెచ్చగొట్టి బీజేపీపై వేయాలని కేసీఆర్ కుటుంబం చూస్తోంది. లిక్కర్ స్కామ్ వల్ల తెలంగాణ ప్రజలు తలదించుకుంటున్నారు. "- బండి సంజయ్ 

Also Read : Bandi Sanjay Paadayatra : బండి సంజయ్ పాదయాత్రకు హైకోర్టు అనుమతి, పోలీసుల నోటీసులు సస్పెండ్

Published at : 25 Aug 2022 10:48 PM (IST) Tags: Bandi Sanjay Hanamkonda JP Nadda Bjp meeting TS News Warangal

సంబంధిత కథనాలు

Medicines in Drone: నిజామాబాద్ నుంచి నిర్మల్‌కు డ్రోన్‌లో మెడిసిన్స్, 70 కి.మీ. ఆగకుండానే

Medicines in Drone: నిజామాబాద్ నుంచి నిర్మల్‌కు డ్రోన్‌లో మెడిసిన్స్, 70 కి.మీ. ఆగకుండానే

పద్దతి దాటితే కుల్లం కల్లం మాట్లాడతా, షర్మిల గురించి డెప్త్‌ విషయాలు చెప్తా: జగ్గారెడ్డి

పద్దతి దాటితే కుల్లం కల్లం మాట్లాడతా, షర్మిల గురించి డెప్త్‌ విషయాలు చెప్తా: జగ్గారెడ్డి

Vijayashanti: పండక్కి పైసలెట్ల? సర్కార్ ఉద్యోగులే కేసీఆర్‌ను పడగొడతరు - విజయశాంతి

Vijayashanti: పండక్కి పైసలెట్ల? సర్కార్ ఉద్యోగులే కేసీఆర్‌ను పడగొడతరు - విజయశాంతి

Breaking News Live Telugu Updates: ఉత్తరాంధ్ర మంత్రులు దద్దమ్మలు : అచ్చెన్నాయుడు

Breaking News Live Telugu Updates: ఉత్తరాంధ్ర మంత్రులు దద్దమ్మలు : అచ్చెన్నాయుడు

Nayeem case: నయీమ్ ప్రధాన అనుచరుడు శేషన్న ఇన్నాళ్లూ అక్కడే తలదాచుకున్నాడు

Nayeem case: నయీమ్ ప్రధాన అనుచరుడు శేషన్న ఇన్నాళ్లూ అక్కడే తలదాచుకున్నాడు

టాప్ స్టోరీస్

Tulasi Reddy On AP Capitals: ఆ ప్రాంతాన్ని మాత్రమే రాష్ట్ర రాజధాని అంటారు: తులసి రెడ్డి కీలక వ్యాఖ్యలు

Tulasi Reddy On AP Capitals: ఆ ప్రాంతాన్ని మాత్రమే రాష్ట్ర రాజధాని అంటారు: తులసి రెడ్డి కీలక వ్యాఖ్యలు

NIA Searches: పీఎఫ్ఐపై ఎన్ఐఏ ఫోకస్! దేశవ్యాప్తంగా స్పెషల్ ఆపరేషన్, పలువురి అరెస్టు - సడెన్‌గా ఎందుకిలా?

NIA Searches: పీఎఫ్ఐపై ఎన్ఐఏ ఫోకస్! దేశవ్యాప్తంగా స్పెషల్ ఆపరేషన్, పలువురి అరెస్టు - సడెన్‌గా ఎందుకిలా?

Balakrishna In Action Mode : కత్తి పట్టిన బాలకృష్ణ - విదేశాల్లో ఊచకోత

Balakrishna In Action Mode : కత్తి పట్టిన బాలకృష్ణ - విదేశాల్లో ఊచకోత

ధావన్ కు త్వరగా పెళ్లి చేయాలన్న జడేజా- నెట్టింట్లో వీడియో వైరల్

ధావన్ కు త్వరగా పెళ్లి చేయాలన్న జడేజా- నెట్టింట్లో వీడియో వైరల్