Kamareddy News: అడిగిన బ్రాండ్ ఇవ్వలేదని వైన్స్ మీద సర్పంచి దాడి, అనుచరులతో కలిసి రచ్చ రచ్చ!

Kamareddy News: చాలా మందికి అధికారం ఉందనే అహం ఎక్కువగా ఉంటుంది. వార్డు మెంబర్ నుంచి సీఎం వరకు. పదవులు పొందిన ప్రతీ ఒక్కరూ సామాన్య ప్రజలపై తమ ప్రతాపాన్ని చూపిస్తుంటారు. అందరూ అలాగే ఉండకపోవచ్చు కానీ కొందరు రాజకీయ నాయకులు అలాగే ఉంటారు. తాము కావాలనుకున్నది అధికార బలంతో దక్కించుకుంటారు. అది అందకపోతే.. కారణమైన వారిపై కోపం పెంచుకుని, ఏదో రకంగా వారిపై పగ తీర్చుకుంటారు. ఇందుకు తమ అధికారాన్ని వాడుకుంటారు. తాజాగా ఇలాంటి ఘటనే చోటు చేసుకుంది. తాను అడిగిన బ్రాండ్ ఇవ్వలేదనే కోపంతో అధికార పార్టీకీ చెందిన ఓ సర్పంచి వైన్స్ షాప్ పై దాడి చేశారు. షట్టర్ మూసేసి తన ప్రతాపం చూపించారు. 

తను అడిగిన మద్యం బ్రాండ్ ఇవ్వలేదని అనుచరులతో వైన్స్ మీద వీరంగం చేసిన అధికార బీఆర్ఎస్ సర్పంచ్

కామారెడ్డి - బిబిపేట్ మండలం ఉప్పరపల్లి అధికార పార్టీ సర్పంచ్ ప్రసాద్ హంగామా. తను అడిగిన మద్యం బ్రాండ్ ఇవ్వలేదని అనుచరులతో వైన్స్ షట్టర్ కిందికి లాగిన సర్పంచ్ ప్రసాద్. pic.twitter.com/1LEo1EiKkR

— Telugu Scribe (@TeluguScribe) August 30, 2023

అసలేం జరిగిందంటే..?

కామారెడ్డి జిల్లా బీబీపేట మండలం ఉప్పరపల్లి అధికార పార్టీ సర్పంచ్ కాసర్ల ప్రసాద్ హంగామా చేశారు. తను అడిగిన మద్యం బ్రాండ్ ఇవ్వలేదని అనుచరులతో వైన్స్ వద్ద వీరంగం సృష్టించారు. కనకదుర్గ వైన్స్ షట్టర్ కిందికి లాగి మూసేశారు. ఇందుకు సంబంధించిన వీడియోలు నెట్టింట వైరల్ గా మారాయి. అందులో సర్పంచి తన అనుచరులతో కలిసి షట్టర్ మూసి వేసి నానా రభాసా చేయడం చూడవచ్చు.