Minister KTR: ఒక్క ట్వీట్ చేస్తే అక్కడ అరెస్ట్ - ఇక్కడ మేం అన్నీ భరిస్తున్నాం: మంత్రి కేటీఆర్
Minister KTR: బీజేపీ అధికారంలో ఉన్న కర్ణాటకలో అభ్యంతరకర ట్వీట్ చేసిందుకే నటుడు చేతన్ ను అరెస్ట్ చేశారని.. కానీ తమను తిడుతుంటే మాత్రం సహనంగా భరిస్తున్నామని పేర్కొన్నారు.
Minister KTR: బీజేపీ అధికారంలో ఉన్న కర్ణాటకలో అభ్యంతరకర ట్వీట్ చేసినందుకే కన్నడ నటుడు చేతన్ ను 14 రోజుల జ్యుడీషియల్ కస్టడీకి పంపినట్లు రాష్ట్ర పురపాలక, ఐటీ శాఖ మంత్రి కేటీఆర్ తెలిపారు. తెలంగాణలో సీఎం కేసీఆర్ సహా మంత్రులు, ఎమ్మెల్యేలు, ఎంపీలను ఘోరంగా అవమానిస్తున్నా సహిస్తున్నామని ట్విట్టర్ వేధికగా వెల్లడించారు. బహుశా తాము కూడా కర్ణాటక తరహాలోనే సమాధానం ఇవ్వాలేమో అన్నారు. భావ ప్రకటనా స్వేచ్ఛ హక్కు అంటే.. అబ్యూస్ చేసే హక్కు ఉన్నట్లు కాదని మంత్రి కేటీఆర్ చెప్పారు.
In BJP ruled Karnataka 👇 14 days jail for an ‘offensive’ tweet
— KTR (@KTRBRS) March 22, 2023
In Telangana, we’ve been tolerating direct & horrible insults to our CM, Ministers and Legislators
May be we need to give them back in same coin, what say people?
Right to Freedom of expression is not Right to… https://t.co/97UltAAdj5
అసలీ చేతన్ ఎవరు, ఏం చేశాడు?
చేతన్ సోమవారం రోజు ఓ మతాన్ని కించపరుస్తూ ట్వీట్ చేశాడు. అది కాస్తా నెట్టింట వైరల్ గా మారడంతో కొందరు తీవ్ర ఆగ్రహం వ్యక్తం చేశారు. ఈ క్రమంలోనే పోలీసులకు ఫిర్యాదు చేశారు. దీంతో అతడి ట్వీట్ రెండు వర్గాల మధ్య ఘర్షణలను రెచ్చగొట్టేలా ఉందన్న అభియోగాలపై పోలీసులు అతడిని అరెస్ట్ చేశారు. సోషల్ మీడియాలో యాక్టివ్ గా ఉండే చేతన్... దళిత, గిరిజనుల హక్కుల కార్యకర్తగా పని చేస్తున్నారు. ఈయన వివాదాల్లో నిలవడం ఇదే మొదటి సారి ఏంకాదు. 2022 ఫిబ్రవరిలోనూ హిజాబ్ కేసును విచారిస్తున్న కర్ణాటక హైకోర్టు ప్రధాన న్యాయమూర్తి కృష్ణ దీక్షిత్ పై అభ్యంతరక ట్వీట్ చేసి వివాదాల్లో ఇరుక్కున్నాడు. ఈ కేసులోనే పోలీసులు అరెస్ట్ చేయగా.. ఆ తర్వాత బెయిల్ పై విడుదలయ్యాడు.
Before You Go
NTR Sister In Law Politics Entry Rumours | నందమూరి ఫ్యామిలీ నుంచి మరో పొలిటికల్ ఎంట్రీ?
టాప్ హెడ్ లైన్స్
ట్రెండింగ్ వార్తలు
