Podem Veeraiah: ఇచ్చిన హామీ నెరవేర్చలేరంటూ సీఎం కేసీఆర్ పై ఎమ్మెల్యే ఫిర్యాదు

Podem Veeraiah: ఇచ్చిన హామీలు నెరవేర్చలేకపోయారంటూ సీఎం కేసీఆర్ పై ఎమ్మెల్యే పొదెం వీరయ్య పోలీసులకు ఫిర్యాదు చేశారు. 

ఇచ్చిన హామీ నెరవేర్చలేరంటూ సీఎం కేసీఆర్ పై పోలీసులకు ఫిర్యాదు, ఎవరు చేశారంటే?

Source : POdem Veeraiah Facebook

Podem Veeraiah: ఇచ్చిన హామీలు నెరవేర్చలేకపోయారంటూ సీఎం కేసీఆర్ పై ఎమ్మెల్యే పొదెం వీరయ్య పోలీసులకు ఫిర్యాదు చేశారు. భద్రాచలం పోలీస్ స్టేషన్ కు వెళ్లిన ఆయన.. రాష్ట్ర ముఖ్యమంత్రి పైనే ఫిర్యాదు చేయడం గమనార్హం. గతేడాది జులై 17వ తేదీన సీఎం కేసీఆర్ భద్రాచలంలో పర్యటించారు. గోదావరి వరద గండం నుంచి నియోజక వర్గ ప్రజలను గట్టెక్కించేందుకు భద్రాచలం వద్ద వెయ్యి కోట్లతో కరకట్ట నిర్మాణం చేస్తామని సీఎం కేసీఆర్ హామీ ఇచ్చారు. లోతట్టు కాలనీలు అయినా సుభాష్ నగర్ ముంపు బాధితులకు మరోచోట డబుల్ బెడ్రూం ఇళ్లు నిర్మించి ఇస్తామని వాగ్దానం చేశారు. అయితే హామీ ఇచ్చి నేటికి ఏడాది గడుస్తున్నా.. హామీ నెరవేర్చకపోవడం ఎమ్మెల్యే పొదెం వీరయ్య పోలీస్ స్టేషన్ లో ఫిర్యాదు చేశారు. వెంటనే చర్యలు తీసుకోవాలని డిమాండ్ చేశారు. పోదెం వీరయ్య కాంగ్రెస్‌ పార్టీ తరపున భద్రాచలం నియోజకవర్గం నుంచి విజయం సాధించారు.