News
News
X

Daughter Birthday: కూతురి సమాధి వద్ద జన్మదిన వేడుకలు, కేక్ కట్ చేసిన తల్లిదండ్రులు, కంటతడి పెట్టించే ఘటన

అల్లారు ముద్దుగా పెంచుకున్న ముద్దుల పాప శాశ్వతంగా తిరిగిరాని లోకాలకు వెళ్లడంతో వారు పుట్టెడు దుఃఖంలో ఉన్నారు. చిన్నారి సమాధి వద్ద కేక్ కట్ చేసి మరీ బర్త్ డే వేడుకలు జరిపారు.

FOLLOW US: 
 

Birthday celebrations at daughters grave: కన్నబిడ్డలకు చిన్న దెబ్బ తగిలినా తల్లిదండ్రులు అల్లాడిపోతారు. అలాంటిది అల్లారు ముద్దుగా పెంచుకున్న ముద్దుల పాప శాశ్వతంగా తిరిగిరాని లోకాలకు వెళ్లడంతో వారు పుట్టెడు దుఃఖంలో ఉన్నారు. చిన్నారి చనపోయిన నెల రోజులకే పుట్టినరోజు కావడంతో తన కన్న కూతురి సమాధి వద్ద జన్మదిన వేడుకలు జరుపుకున్నారు ఆ తల్లితండ్రులు. కూతురిపై వారి ప్రేమను చూసి అక్కడున్న వారు కన్నీటి పర్యంతమయ్యారు. నెల రోజుల కిందటివరకూ ఆడుతూ పాడుతూ ఆనందంగా గడిపే ఆ చిన్నారిని విష జ్వరం పొట్టనపెట్టుకుంది. 
తల్లిదండ్రులకు ఎంత కష్టం!
జగిత్యాల జిల్లా వెలుగటూర్ మండల కేంద్రానికి చెందిన కొప్పుల రాజు రసజ్ఞ దంపతులకు నాలుగేళ్ల కూతురు జ్ఞానన్వి ఉంది. గత నెల 8న చిన్నారి విష జ్వరంతో మృతి చెందింది. అల్లారుముద్దుగా ఆడుతూ పాడుతూ ఆనందంగా గడిపే ఆ చిన్నారిని విష జ్వరం పొట్టన పెట్టుకొని కన్నవారికి కడుపుకోత మిగిల్చింది. అల్లారు ముద్దుగా కంటికి రెప్పలా చూసుకున్న పాప చనిపోవడాన్ని తల్లిదండ్రులు ఇంకా జీర్ణించుకోలేకపోతున్నారు. నెలరోజుల కిందట తిరిగిరాని లోకాలకు వెళ్లిన తన కూతురిని ఆ దంపతులు తలుచుకొని కన్నీళ్లు పెట్టుకోని రోజు అంటూ లేదు. 
సమాధి వద్ద కేక్ కట్ చేసిన తల్లిదండ్రులు..
తమ గారాల పట్టి, తన కన్న కూతురు జ్ఞానన్వి పుట్టిన రోజు కావడంతో పుట్టెడు దుఃఖంలో ఆ తల్లిదండ్రులు గురువారం కూతురి సమాధి వద్దకు వెళ్లారు. సమాధి వద్ద కేక్ కట్ చేసి బర్త్ డే సెలబ్రేట్ చేశారు. కేకుపై చిన్నారి ఫొటో, పేరు ముద్రించి జన్మదిన వేడుకలను జరిపారు. ఫొటోకు కేక్ తినిపిస్తూ తల్లి రోదించిన తీరు చూసేవాళ్లను సైతం కంటతడి పెట్టించింది. తన కళ్ళ ముందు అల్లారు ముద్దుగా పెరిగిన ఆ చిట్టితల్లి చనిపోయిన నెలకే పుట్టిన రోజు రావడంతో ఆ చిన్నారి సమాధి వద్ద జన్మదిన వేడుకలను కన్న తల్లిదండ్రులు జరిపిన సంఘటన జగిత్యాల జిల్లా వెల్గటూర్ మండల కేంద్రంలో జరిగింది. ఇందుకు సంబంధించిన వీడియో స్థానికంగా వైరల్ అవుతోంది.

‘నెల రోజుల కిందట మా పాప చనిపోయింది. పాప అంటే మాకు చాలా ప్రాణం. అనారోగ్య సమస్యలతో అనుకోకుండా పాప చనిపోయింది. పాప ఇక తిరిగిరాదని నా భార్య చాలా బాధపడుతోంది. చనిపోయిన నెల రోజులకు పుట్టిన రోజు కావడంతో చిన్నారి సమాధి వద్దకు వెళ్లాం. పాప బర్త్ డే ను కేక్ కట్ చేసి సెలబ్రేట్ చేశాం. కానీ తమ పాప ఎన్నటికీ తిరిగి రాదంటూ’ పాప తండ్రి రాజు ఆవేదన వ్యక్తం చేశాడు. పాప అంటే వారికి ఎంత ప్రేమన్నది తమకు తెలుసునని స్థానికులు చెబుతున్నారు. అయితే చిన్నారులకు అనారోగ్యంగా ఉన్నట్లు అనిపిస్తే వెంటనే వైద్యులను సంప్రదించి చికిత్స అందించాలని, లేకపోతే వారి ప్రాణాలకు ముప్పు వాటిల్లుతుందని వైద్యులు సూచిస్తున్నారు. ముఖ్యంగా ఆరేళ్ల లోపు పిల్లలను మరీ జాగ్రత్తగా చూసుకోవాలని, ఆరోగ్యంపై మరింత శ్రద్ధ వహించాలని నిపుణులు పదే పదే చెబుతారు.

Published at : 08 Oct 2022 10:52 AM (IST) Tags: Jagityal Cake Telangana Girl Birthday Birthday Celebration

సంబంధిత కథనాలు

Mandous Cyclone Alert : దూసుకొస్తున్న మాండౌస్‌- శుక్రవారం తీరం రాత్రి తీరం దాటేది ఎక్కడంటే?

Mandous Cyclone Alert : దూసుకొస్తున్న మాండౌస్‌- శుక్రవారం తీరం రాత్రి తీరం దాటేది ఎక్కడంటే?

Telangana Textile:తెలంగాణ చేనేత కళావైభవం అద్భుతం- కేటీఆర్‌తో భేటీలో అమెరికన్ రీసెర్చ్ స్కాలర్ ప్రశంసలు

Telangana Textile:తెలంగాణ చేనేత కళావైభవం అద్భుతం- కేటీఆర్‌తో భేటీలో అమెరికన్ రీసెర్చ్ స్కాలర్ ప్రశంసలు

Breaking News Live Telugu Updates: సింగరేణిని కేంద్రం ప్రైవేటీకరణ చేయడం సాధ్యం కాదు: కేంద్ర మంత్రి ప్రహ్లాద్ జోషి

Breaking News Live Telugu Updates: సింగరేణిని కేంద్రం ప్రైవేటీకరణ చేయడం సాధ్యం కాదు: కేంద్ర మంత్రి ప్రహ్లాద్ జోషి

Jagtial News: నేడు జగిత్యాల జిల్లాలో సీఎం కేసీఆర్ పర్యటన- విస్తృత ఏర్పాట్లు చేసిన అధికారులు

Jagtial News: నేడు జగిత్యాల జిల్లాలో సీఎం కేసీఆర్ పర్యటన- విస్తృత ఏర్పాట్లు చేసిన అధికారులు

TS News Developments Today: నేడు తెలంగాణలో ఉన్న మెయిన్ ముచ్చట్లు గివే!

TS News Developments Today:  నేడు తెలంగాణలో ఉన్న మెయిన్ ముచ్చట్లు గివే!

టాప్ స్టోరీస్

Bandi sanjay Drugs Case: బెంగళూరు డ్రగ్స్ కేసు రీ ఓపెన్ చేస్తామని బండి సంజయ్ హెచ్చరికలు ! అసలు ఆ కేసేంటి ? అందులో ఎవరు ఉన్నారు ?

Bandi sanjay Drugs Case: బెంగళూరు డ్రగ్స్ కేసు రీ ఓపెన్ చేస్తామని బండి సంజయ్ హెచ్చరికలు ! అసలు ఆ కేసేంటి ? అందులో ఎవరు ఉన్నారు ?

సీబీఐ కేసుల్లో ఏపీ ప్రజాప్రతినిధులే టాప్- ఏపీలో 10 మందిపై నేరారోపణలు!

సీబీఐ కేసుల్లో ఏపీ ప్రజాప్రతినిధులే టాప్- ఏపీలో 10 మందిపై నేరారోపణలు!

Rohit Sharma Innings: 'రోహిత్' ది వారియర్- భారత్ మ్యాచ్ ఓడినా అతను మనసులు గెలిచాడు

Rohit Sharma Innings: 'రోహిత్' ది వారియర్- భారత్ మ్యాచ్ ఓడినా అతను మనసులు గెలిచాడు

కేజీయఫ్ తాత ఇక లేరు - అనారోగ్యంతో కన్నుమూత!

కేజీయఫ్ తాత ఇక లేరు - అనారోగ్యంతో కన్నుమూత!