Telangana Weather:: తెలంగాణకు వర్ష సూచన! హైదరాబాద్లో కుండపోత! రానున్న నాలుగు రోజులు కీలకం!
హైదరాబాద్తోపాటు తెలంగాణ వ్యాప్తంగా మరో నాలుగు రోజుల పాటు భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. ఆయా జిల్లాల యంత్రాంగాలు అప్రమత్తంగా ఉండాలని ప్రభుత్వం ఆదేశించింది.
Telangana Weather:: హైదరాబాద్లో వాతావరణం ఒక్కసారిగా మారిపోయింది. సోమవారం సాయంత్రం నగరంపై వరుణుడు కరుణించాడు. గత కొన్ని రోజులుగా ఉక్కపోతతో అల్లాడిపోయిన జనానికి ఈ వాతావరణం కాస్త ఊరట ఇచ్చింది. ఒక్కసారిగా మేఘావృతమై ఉరుములు, మెరుపులతో కూడిన భారీ వర్షానికి దారి తీసింది. ఈ అకస్మాత్తు పరిణామంతో అటు కార్యాలయాల నుంచి ఇళ్లకు వెళ్లే ఉద్యోగుల, ఇటు సామాన్య వాహనదారులు తీవ్ర ఇబ్బందులు ఎదుర్కొంటున్నారు.
నగరంలోని దాదాపు అన్ని ప్రాంతాల్లో వర్షం పడింది. ముఖ్యంగా మాధాపూర్, గచ్చిబౌలి ప్రాంతాలతోపాటు జూబ్లీహిల్స్, బంజారా హిల్స్ వంటి ప్రాంతాల్లో వర్షం దంచికొట్టింది. వీటితోపాటు ఖైరతాబాద్, అమీర్ట్, కూకట్పల్లి, పాతబస్తీలో కుండపోత వర్షం కురిసింది.
భారీ వర్షం ధాటికి రహదారులన్నీ జలమయం అయ్యాయి. డ్రైనేజీ పొంగాయి. కొన్ని చోట్ల మోకాళ్ల లోతు నీరు చేరడంతో వాహనదారులు ఇబ్బందులు పడ్డారు. పంజాగుట్ట, హైటెకక్ సిటీ ఫైఓవర్ వద్ద కిలోమీటర్ మేర వాహనాలు నిలిచిపోయాయి.
రంగంలోకి డిజాస్టర్ రెస్పాన్స్ ఫోర్స్
నగరంలో నెలకున్న ఈ క్లిష్ట పరిస్థితులపై గ్రేటర్ హైదరాబాద్ మున్సిపల్ కార్పొరేషన్ అధికారులు తక్షణమే స్పందించారు. వర్ష ప్రభావిత ప్రాంతాల్లో సహయక చర్యలు చేపట్టేందుకు ప్రత్యేక బృందాలను రంగంలోకి దింపారు. ముఖ్యంగా లోతట్టు ప్రాంతాల్లో నిలిచిన నీటిని తొలగించేందుకు పంపు సెట్లను ఏర్పాటు చేశారు. మ్యాన్హోల్స్ వద్ద సిబ్బందిని కాపలా ఉంచి, ఎటువంటి ప్రమాదాలు జరగకుండా నీటి ప్రవాహానికి ఉన్న అడ్డంకులను తొలగించారు.
రానున్న నాలుగు రోజుల్లో వర్షాలు
హైదరాబాద్తోపాటు తెలంగాణ వ్యాప్తంగా మరో నాలుగు రోజుల పాటు భారీ వర్షాలు కురిసే అవకాశం ఉందని వాతావరణ శాఖ హెచ్చరించింది. ఈ మేరకు రాష్ట్రవ్యాప్తంగా ఆయా జిల్లాల యంత్రాంగాలు అప్రమత్తంగా ఉండాలని ప్రభుత్వం ఆదేశించింది. మార్చి 16న వెలువడిన తాజా బులెటిన్ ప్రకారం, బంగాళాఖాతంలో ఏర్పడిన వాతావరణ మార్పుల కారణంగా ఈ అకాల వర్షాలు కురుస్తున్నాయి.
టాప్ హెడ్ లైన్స్
ట్రెండింగ్ వార్తలు
