సికింద్రాబాద్ నుంచి తిరుపతి వెళ్లే భక్తులకు మరో గుడ్ న్యూస్- కేంద్రానికి థాంక్స్ చెప్పిన కిషన్ రెడ్డి
సికింద్రాబాద్ తిరుపతి మధ్య నడుస్తున్న వందేభారత్ ఎక్స్‌ప్రెస్‌ రైలుకు 8 కోచ్‌లు మాత్రమే ఉన్నాయి. ప్రస్తుతం తిరుపతి వెళ్లే భక్తులకు ఈ కోచ్‌లు సరిపోవడం లేదన్న ఫిర్యాదు ఉంది.
సికింద్రాబాద్ తిరుపతి మధ్య నడిచే వందేభారత్ ఎక్స్‌ప్రెస్‌ రైలు విషయంలో కేంద్రం మరో గుడ్ న్యూస్ చెప్పింది. ఈ రైలు కోచ్‌లను పెంచేందుకు అంగీకరించింది. ఈ విషయాన్ని ట్విట్టర్ ద్వారా కిషన్ రెడ్డి చెప్పారు.
సికింద్రాబాద్ తిరుపతి మధ్య నడుస్తున్న వందేభారత్ ఎక్స్‌ప్రెస్‌ రైలుకు 8 కోచ్‌లు మాత్రమే ఉన్నాయి. ప్రస్తుతం తిరుపతి వెళ్లే భక్తులకు ఈ కోచ్‌లు సరిపోవడం లేదన్న ఫిర్యాదు ఉంది. అందుకే కోచ్‌ల సంఖ్య పెంచేందుకు కేంద్రం ఓకే చెప్పింది. ప్రస్తుతం ఉన్న కోచ్‌లను 16కు పెంచాలని నిర్ణయించారు.
సికింద్రాబాద్ తిరుపతి మధ్య నడిచే వందేభారత్ ఎక్స్‌ప్రెస్‌ రైలులో కోచ్‌ల సంఖ్య పెంచుతూ నిర్ణయం తీసుకున్న కేంద్ర ప్రభుత్వానికి కేంద్రమంత్రి కిషన్ రెడ్డి కృతజ్ఞత చెప్పారు. ప్రధానమంత్రి నరేంద్రమోదీ, రైల్వే మంత్రి అశ్వినీ వైష్ణవ్‌ కు ప్రత్యేక ధన్యవాదాలు తెలిపారు.
661 కిలోమీటర్ల దూరం ఉన్న సికింద్రాబాద్, తిరుపతి మధ్య ఎనిమిదిన్నర గంటల్లోనే చేరుకోవచ్చు. ప్రయాణికుల సౌకర్యార్థం కోసం ఈ ట్రైన్‌లో స్లైడింగ్ ఫుట్‌స్టెప్‌లను, ఆటోమెటిక్ ప్లగ్ డోర్‌లను అమర్చారు. కోచ్‌ల మధ్య టచ్‌ఫ్రీ స్లైడింగ్ డోర్‌లను అమర్చారు. దివ్యాంగుల కోసం ప్రకత్యేకంగా డిజైన్ చేసిన వాష్‌రూంలు సికింద్రాబాద్, తిరుపతి వందేభారత్ ట్రైన్‌లో ఉన్నాయి.
యాత్రికులు&ప్రయాణికుల నుండి పెరుగుతున్న డిమాండ్ దృష్ట్యా సికింద్రాబాద్ - తిరుపతి మధ్యన తిరుగుతున్న వందేభారత్ ఎక్స్ ప్రెస్ రైలును ప్రస్తుతం ఉన్న 8 కోచ్ ల నుండి 16 కోచ్ లకు పెంచటానికి అంగీకరించిన PM శ్రీ @narendramodi గారికి, రైల్వేశాఖ మంత్రి శ్రీ @AshwiniVaishnaw గారికి కృతజ్ఞతలు. pic.twitter.com/FhKD07K5MX
— G Kishan Reddy (@kishanreddybjp) May 9, 2023
ఏప్రిల్ 8న ప్రదానమంత్రి చేతుల మీదుగా సికింద్రాబాద్, తిరుపతి వందేభారత్ ట్రైన్ ప్రారంభమైంది. ఈ ట్రైన్ ఉదయం ఆరు గంటలకు సికింద్రాబాద్‌లో బయల్దేరనుంది. మధ్యాహ్నం రెండున్నర మూడు గంటల మధ్య తిరుపతి చేరుకుటుంది. అక్కడ 3.15కి బయల్దేరి రాత్రి 11.30 నుంచి పన్నెండు గంటల మధ్య సికింద్రాబాద్ చేరుకుంటుంది. విశాఖ- సికింద్రాబాద్ మధ్య నడిచే వందే భారత్‌కు ఆదివారం సెలవు అయితే... తిరుపతి- సికింద్రాబాద్ మధ్య నడిచే ట్రైన్‌కు మంగళవారం సెలవు దినంగా ప్రకటించారు.
టికెట్‌ రేట్లు పరిశీలిస్తే... సికింద్రాబాద్ నుంచి తిరుపతికి ఏసీ చైర్‌కార్‌కు 1680 రూపాయలు ఛార్జ్ చేస్తారు. ఎగ్జిక్యూటివ్ క్లాస్ టికెట్‌ ధర 3080 రూపాయలు. తిరుపతి నుంచి సికింద్రబాద్‌ వచ్చే ట్రైన్‌లో ఏసీ చైర్‌కార్‌ ఖరీదు 1625 రూపాయలు ఉంటే ఎగ్జిక్యూటివ్ క్లాస్ కు 3030 రూపాయలు వసూలు చేయనున్నారు. ఇందులో బేస్‌ప్రైస్‌ 1168 ఉంటే... రిజర్వేషన్ ఛార్జి 40రపాయలు ఉంది. సూపర్ ఫాస్ట్ ఛార్జి 45 రూపాయలు, ఈ టికెట్‌పై జీఎస్టీ63రూపాయలు ట్రైన్‌లో ఫుడ్ కావాలంటే మాత్రం 364 రూపాయలు ఛార్జ్ చేస్తారు.
ఏ ఏ స్టేషన్‌లలో ఆగనుంది.. సికింద్రాబాద్, తిరుపతి నుంచి అక్కడకు టికెట్‌ ప్రైస్‌ ఒక్కసారి చూస్తే.. చైర్‌ కార్ బోగీలో సికింద్రాబాద్ నుంచి నల్గొండ వెళ్లాలనుకుంటే 470 రూపాయలు చెల్లించాలి. గుంటూరు వెళ్లాలంటే 865 రూపాయాలు, ఒంగోలు వెళ్లాలంటే 1075 రూపాయలు, నెల్లూరు వెళ్లాలంటే 1270 రూపాయలు, తిరుపతి వెళ్లాలంటే 1680 రూపాయలు చెల్లించాలి. సికింద్రాబాద్ నుంచి ఎగ్జిక్యూటివ్ కార్‌లో నల్గొండ వెళ్లాలంటే 900, గుంటూరు వెళ్లాలంటే 1620. ఒంగోలుకు 2045 రూపాయలు, నెల్లూరుకు 2455 రూపాయలు, తిరుపతికి 3080 రూపాయలు చెల్లించాలి.
టాప్ హెడ్ లైన్స్
ట్రెండింగ్ వార్తలు
