TSRTC News: 27 బస్సులు, 166 మంది స్టాఫ్‌తో మొదలైన టీఎస్ఆర్టీసీ చరిత్ర తెలుసా?

TSRTC News: 9 దశాబ్దాల చరిత్ర కల్గిన టీఎస్ ఆర్టీసీలో తెలంగాణ సర్కారు సరికొత్త జోష్ నింపింది. నిజాం కాలంలో ప్రారంభమైన ఈ ప్రస్థానం అనేక అద్భుతమైన రికార్డులు సాధిస్తూ దూసుకెళ్తోంది.

టీఎస్ఆర్టీసీ తొమ్మది దశాబ్దాల ప్రభంజనం - నిజాం కాలం నుంచి నేటి వరకు రికార్డులు

Source : Sajjanar Twitter

TSRTC News: తొమ్మిది దశాబ్దాల చరిత్ర కల్గిన తెలంగాణ ఆర్టీసీ మరింత ప్రగతి చక్రంపై దూసుకెళ్తోంది. నిజాం కాలంలో అంటే 1932వ సంవత్సరంలో ప్రారంభం అయిన ఆర్టీసీ ప్రస్థానం ఇప్పటికీ కొనసాగుతోంది. అనేక అద్భుతమైన రికార్డులతో దూసుకెళ్తున్న ఆర్టీసీని అప్పట్లో నిజాం రాష్ట్ర రైల్వే - రోడ్డు రవాణా శాఖ అని పిలిచేవారు. 27 బస్సులు, 166 మంది సిబ్బంది ఉండేవారు. స్వాతంత్ర్యం తర్వాత 1951 నవంబర్ ఒకటో తేదీన హైదరాబాద్ రాష్ట్రంలో విలీనం అయింది. ఉమ్మడి రాష్ట్రంగా ఏర్పడిన తర్వాత 1958 జనవరి 11వ తేదీన ఏపీఎస్ ఆర్టీసీగా మారింది. ఉమ్మడి రాష్ట్రంలో 22 వేల 628 బస్సులతో ప్రపంచంలోనే అతిపెద్ద ప్రభుత్వ రంగ రవాణా వ్యవస్థగా చరిత్ర సృష్టించింది. 1999లో గిన్నిస్ రికార్డు కూడా సాధించింది.  

➡️ సంక్షేమానికి కొత్త అర్థాన్నిస్తూ కీలక పథకాలను అమలు చేస్తున్న కేసీఆర్‌ ప్రభుత్వం.. మానవీయ కోణంలో మరిన్ని కీలక నిర్ణయాలను ప్రకటించింది.

➡️ సీఎం కేసీఆర్‌ అధ్యక్షతన సోమవారం ఆరుగంటలపాటు సుదీర్ఘంగా చర్చించిన రాష్ట్ర మంత్రివర్గం.. సబ్బండ వర్ణాలపై తన ప్రేమను, బాధ్యతను చాటుకున్నది.… pic.twitter.com/aZsnOhHbb4

— BRS Party (@BRSparty) August 1, 2023

2014వ సంవత్సరంలో రాష్ట్ర విభజన అనంతరం 2015 జూన్ 3వ తేదీన తెలగాణ రాష్ట్ర రోడ్డు రవాణా సంస్థగా రూపాంతరం చెందింది. అప్పటికీ సంస్థకు 98 డిపోలు ఉన్నాయి. టీఎస్ ఆర్టీసీకి అనుబంధంగా రాష్ట్ర ప్రభుత్వం 2016 ఏప్రిల్ 7వ తేదీన ఆర్టీసీ కార్పొరేషన్ ఏర్పాటు చేసింది. ఆంధ్రప్రదేశ్ తో పాటు కర్ణాటక, తమిళనాడు, ఛత్తీస్ గఢ్ కు సర్వీసులు నడుస్తున్నాయి. రోజుకు సుమారు 90 లక్షల మంది ఆర్టీసీ బస్సులో ప్రయాణం చేస్తున్నారు. ప్రస్తుతం ఆర్టీసీలో 9 వేల 384 బస్సులు ఉన్నాయి. ఇందులో 68 శాతం అంటే సుమారు 6 వేల 300 బస్సులు గ్రామీణ ప్రాంతాల ప్రజలకు సేవలు అందిస్తున్నాయి. రాష్ట్రవ్యాప్తంగా 364 బస్ స్టేషన్లు ఉన్నాయి. 

అయితే గత కొన్నేళ్ల క్రితం ఆర్టీసీ చాలా గొప్పగా ఉండేది. పల్లెల్లోని చాలా మంది ప్రజలు ప్రయాణానికి ఆర్టీసీ బస్సులనే వాడేవాళ్లు. అలాగే ఆఫీసులకు వెళ్లాలన్నా ఎక్కువ మంది దీన్నే నమ్ముకునే వారు. కానీ కాలానుగుణంగా ప్రజలు అందరూ వ్యక్తిగత వాహనాలు, ప్రైవేటు వాహనాలు, క్యాబ్ లు, ఆటోలు ఇలా అన్నింటి వల్ల ఆర్టీసీ చాలా నష్టాలను చివచూసింది. నాటి ప్రభుత్వ నిర్లక్ష్యంతో అప్పుల్లో కూరుకుపోయింది. జీతాలకు కూడా అప్పులు తేవాల్సిన పరిస్థితి వచ్చింది. ఇలా సంస్థకున్న వేల కోట్ల ఆస్తులను తనఖా పెట్టాల్సి దుస్థితికి చేరుకుంది. స్వరాష్ట్రం సిద్ధించిన తర్వాత సీఎం కేసీఆర్ తొలి నుంచి ఆర్టీసీకి అండగా నిలుస్తున్నారు. ప్రజా జీవితంలో భాగమైన ఆర్టీసీకి ఏటా బడ్జెట్ లో భారీగా నిధులు కేటాయిస్తూ వచ్చారు. తెలంగాణ ఉద్యమ సమయంలో వారు చేసిన సేవలకు గుర్తింపుగా మొదట 43 శాతం ఫిట్ మెంట్ ప్రకటించారు. నిర్వహణకు డబ్బుల కోసం ప్రభుత్వం గ్యారంటీగా ఉంటూ అనేక రుణాలు ఇప్పంచింది. అయినా నష్టాలు, కష్టాల బాటలోనే ప్రయాణించడంతో తమను ప్రభుత్వంలో విలీనం చేసుకోవాలని సీఎం కేసీఆర్ కు కార్మికులు విజ్ఞప్తి చేశారు. తాజాగా ప్రభుత్వం వారికి శుభవార్త చెబుతూ ఆర్టీసీని ప్రభుత్వంలో విలీనం చేస్తున్నట్లు ప్రకటించింది. 

తెలంగాణ రాష్ట్ర రోడ్డు రవాణా సంస్థ(టీఎస్‌ఆర్టీసీ)ని ప్రభుత్వంలో విలీనం చేయాలని రాష్ట్ర కేబినేట్‌ నిర్ణయం తీసుకోవడం హర్షించదగ్గ విషయం. సంస్థలోని దాదాపు 43 వేల మంది సిబ్బంది శ్రమకు దక్కిన గౌరవం ఇది. ఎన్నో ఏళ్లుగా నిబద్దతతో పనిచేస్తోన్న సిబ్బంది శ్రమను గుర్తించి.. వారిని ప్రభుత్వంలో… pic.twitter.com/UBW6lDtIl4

— VC Sajjanar - MD TSRTC (@tsrtcmdoffice) July 31, 2023

అయితే దీనిపై ఆర్టీసీ ఎండీ వీసీ సజ్జనార్ స్పందించారు. తెలంగాణ రాష్ట్ర రోడ్డు రవాణా సంస్థ(టీఎస్‌ఆర్టీసీ)ని ప్రభుత్వంలో విలీనం చేయాలని రాష్ట్ర కేబినేట్‌ నిర్ణయం తీసుకోవడం హర్షించదగ్గ విషయం అని ట్విట్టర్ వేదికగా చెప్పుకొచ్చారు. సంస్థలోని దాదాపు 43 వేల మంది సిబ్బంది శ్రమకు దక్కిన గౌరవం ఇదంటూ వ్యాఖ్యానించారు. ఎన్నో ఏళ్లుగా నిబద్దతతో పని చేస్తున్న సిబ్బంది శ్రమను గుర్తించి.. వారిని ప్రభుత్వంలో విలీనం చేయాలని నిర్ణయం తీసుకున్నరాష్ట్ర ప్రభుత్వానికి టీఎస్‌ఆర్టీసీ కుటుంబం తరపున కృతజ్ఞతలు చెప్పారు. సీఎం కేసీఆర్ కు ప్రత్యేక ధన్యవాదాలు చెప్పారు. ఈ నిర్ణయంతో సిబ్బంది రెట్టింపు ఉత్సాహంతో పనిచేసి.. ప్రజా రవాణా వ్యవస్థను తెలంగాణలో మరింతగా ప్రజలకు చేరువ చేస్తారని ఆశిస్తున్నట్లు వెల్లడించారు.