Hyderabad: హైదరాబాద్ చుట్టూ ఔటర్ రింగ్ రోడ్ తరహాలో రింగ్ రైలు - అలైన్మెంట్కు ఆమోదం
Ring Railway Project: శరవేగంగా విస్తరిస్తున్న హైదరాబాద్కు మెరుగైన రవాణా మౌలిక సదుపాయాలు కల్పించేందుకు మరో అడుగు ముందుకు పడింది. రీజనల్ రైల్వే రింగ్ ప్రాజెక్ట్ అలైన్ మెంట్ రెడీ అయింది.
Regional Ring Railway Project Approved : హైదరాబాద్కు ఔటర్ రింగ్ ఎంతో కీలకంగా మారింది. ఔటర్ చుట్టూ ఆర్థిక వ్యవస్థ ఏర్పడింది. నగరం ఔటర్ వరకూ విస్తరించింది. ఇప్పుడు ఔటర్ రింగ్ రోడ్ తరహాలో రైల్ ప్రాజెక్ట్ను చేపడుతున్నారు.
దక్షిణ మధ్య రైల్వే దేశంలోనే మొట్టమొదటి మరియు అత్యంత ప్రతిష్టాత్మకమైన రింగ్ రైల్వే అలైన్మెంట్ను పూర్తి చేసింది. 392 కిలోమీటర్ల పొడవైన రైలు కారిడార్ తెలంగాణలోని ఎనిమిది జిల్లాలు , 14 మండలాల మీదుగా వెళుతుంది, ఈ మార్గంలో 26 కొత్త స్టేషన్లు ఉంటాయి. ఈ ప్రాజెక్టు అంచనా వ్యయం రూ. 12,070 కోట్లు.
ప్రస్తుత రీజినల్ రింగ్ రోడ్డు (RRR) నుండి 3 నుండి 5 కిలోమీటర్ల లోపల నడిచేలా రింగ్ రైల్వే అలైన్మెంట్ రూపొందించారు. రోడ్డు-రైలు కనెక్టివిటీని మెరుగుపరుస్తుంది. మెదక్, సంగారెడ్డి, వికారాబాద్, రంగారెడ్డి, మహబూబ్నగర్, నల్గొండ, యాదాద్రి-భువనగిరి , సిద్దిపేట జిల్లాలను రీజనల్ రైల్వే కవర్ చేస్తుంది. అలైన్మెంట్లోని ముఖ్యమైన ప్రాంతాలలో ఆలేరు, వలిగొండ, గుల్లగూడ, మాసాయిపేట , గజ్వేల్ ఉన్నాయి. ప్రతిపాదిత రైలు కారిడార్లోని ఆరు విభాగాలు ఇప్పటికే ఉన్న, నిరుపయోగంగా ఉన్న రైల్వే లైన్లను ఉపయోగించుకుని వాటిని మెరుగుపరుస్తారు. దీని వల్ల పెద్ద ఎత్తున భూసేకరణ అవసరం తగ్గిపోతుంది. అలాగే నిర్మాణ సమయం కూడా కలసి వస్తుంది.
RRR ప్రాజెక్ట్ హైదరాబాద్ చుట్టూ సబర్బన్ ప్రాంతాన్ని పెంచుతుంది. వృద్ధిని వికేంద్రీకరిస్తుందని భావిస్తున్నారు. చుట్టుపక్కల జిల్లాలకు మెరుగైన రైలు కనెక్టివిటీతో, రాజధాని ప్రాంతంపై అధిక ఆధారపడటాన్ని తగ్గించడం , కొత్త టౌన్షిప్ల అభివృద్ధిని ప్రోత్సహించడం ఈ ప్రాజెక్ట్ లక్ష్యం. రీజనల్ రింగ్ రోడ్డుకు సమీపంలో ఉండటం వల్ల రవాణా ఆధారిత అభివృద్ధి కూడా పెరుగుతుందని.. ఇంటిగ్రేటెడ్ రోడ్ , రైలు నెట్వర్క్ల ద్వారా ప్రజా, వ్యాపార రవాణా మెరుగుపడుతుందని భావిస్తున్నారు.
Hyderabad Outer Ring Rail ⭕
— TechChaitu (@techchaituu) July 21, 2025
The proposed railway line will span 392 km with an estimated cost of ₹12,000 crores. A total of 26 new railway stations are planned along the route. The line will also include 6 rail-over-rail bridges where it intersects existing railway lines. pic.twitter.com/whCe2QfgWa
ప్రతిపాదిత 26 స్టేషన్లలో ప్రతి ఒక్కటి ఇంటిగ్రేటెడ్ మల్టీ-మోడల్ ట్రాన్స్పోర్ట్ నెట్వర్క్లో భాగంగా నిర్మిస్తారు. ఇది సబర్బన్ రైల్వే, బస్సు సేవలు ,ప్రతిపాదిత మెట్రో లింక్లను సమన్వయం చేస్తుంది. ఈ కనెక్టివిటీ ప్రయాణికులకు సమయం ఆదా చేస్తుంది. నగరంపై ట్రాఫిక్ రద్దీని తగ్గిస్తుంది.
శరవేగంగా పెరుగుతున్న జనాభాతో పాటు... ట్రాఫిక్ సమస్యలు పెరిగిపోతున్నాయి. వచ్చే యాభై ఏళ్లను దృష్టిలో పెట్టుకుని ట్రాఫిక్ ను తీర్చేలా రోడ్డు, మెట్రో, రైలు సౌకర్యాలను ఏర్పాటు చేయాల్సిన అవసరాలు కనిపిస్తున్నాయి. దానికి తగ్గట్లుగానే ప్రభుత్వాలు హైదరాబాద్ నగరాన్ని విస్తరింప చేసేందుకు మౌలిక సదుపాయాలు పెంచుతున్నారు.
Before You Go
Adulterated Paneer in Hyderabad | పనీర్ పేరుతో మోసం..హైదరాబాద్లో భారీ దాడులు
టాప్ హెడ్ లైన్స్
ట్రెండింగ్ వార్తలు
