Cyberabad CP: హైదరాబాద్‌ ఐటీ ఉద్యోగులకు గుడ్ న్యూస్- ప్రత్యేక లాగౌట్ ఫెసిలిటీ టైం పొడిగింపు

Cyberabad CP: రాష్ట్రంలో కురుస్తున్న భారీ వర్షాల నేపథ్యంలో ఐటీ కారిడార్ లోని కంపెనీలకు ప్రత్యేక లాగౌట్ సమయాన్ని మరో రెండు వారాల పాటు పొడగిస్తున్నట్లు సైబరాబాద్ సీపీ తెలిపారు. 

భారీ వర్షాల కారణంగా ప్రత్యేక లాగౌట్ సమయం పొడగింపు - మరో రెండు వారాలు ఇంతే

Source : Pixabay

Cyberabad CP: రాష్ట్రంలో కురుస్తున్న భారీ వర్షాలకు ట్రాఫిక్ స్తంభించిపోయింది. ముఖ్యంగా హైదరాబాద్ లోని అనేక ప్రాంతాలు నీటిమునిగాయి. ఈక్రమంలోనే ప్రత్యక చర్యలు తీసుకుంటున్న అధికారులు.. ప్రజలకు అనేక రకాల సూచనలు చేస్తున్నారు. అలాగే భారీ వర్షాల నేపథ్యంలో ఐటీ కారిడార్ లో కంపెనీలకు ప్రత్యేక లాగౌట్ సమయాన్ని మరో రెండు వారాల పాటు పొడగిస్తున్నట్లు సైబరాబాద్ సీపీ స్టీఫెన్ రవీంద్ర తెలిపారు. హైదరాబాద్ లో కురుస్తున్న వర్షాల దృష్ట్యా వివిధ ప్రాంతాల్లో పరిస్థితులు, సహాయ చర్యలపై కమిషనరేట్ లోని పబ్లిక్ సేఫ్టీ ఇంటిగ్రేటెడ్ ఆపరేషన్ సెంటర్ లో సమీక్ష నిర్వహించారు. సీసీ కెమెరాల ద్వారా కొన్ని చెరువుల్లో ప్రవాహ తీరు పరిశీలించారు. అదనపు కమిషనర్ అవినాష్ మహంతి, ట్రాఫిక్ సంయుక్త కమిషనర్ నారాయణ నాయక్, క్రైమ్స్ డీసీపీ కల్వేశ్వర్ సిగెనవార్, డీసీపీలు హర్ష వర్ధన్, సందీప్ తదితరులు ఉన్నారు. 

Conducted a thorough review of the situation from the Cyberabad Command and Control Center,providing real-time information and alerts to the public about flooding and traffic disruptions.Their proactive approach in addressing traffic challenges during heavyrainfall, collaborating pic.twitter.com/9R9PELXN8Z

— STEPHEN RAVEENDRA, IPS (@CPCyberabad) July 27, 2023

with the IT industry for staggered work shifts and promoting safety measures is commendable.

The public is urged to avoid unnecessary travel during floods, cooperate with authorities, and reach out to Dial 100 or local police stations in case of emergencies.#CyberabadPolice pic.twitter.com/rtUIff4ZuP

— STEPHEN RAVEENDRA, IPS (@CPCyberabad) July 27, 2023

వారం రోజుల నుంచి కురుస్తున్న వర్షాల కారణంగా హైదరాబాద్ లో ట్రాఫిక్ జామ్ ఎక్కువగా ఉంటున్న ఐటీ కారిడార్ ఏరియాలో ఉద్యోగులు లాగౌట్ చేయడంపై పోలీస్ శాఖ కీలక సూచనలు చేసింది. ఐటీ కంపెనీల్లో పని చేసే ఉద్యోగులు 3 దశలవారీగా లాగ్ అవుట్ చేసుకోవాలని సైబరాబాద్ పోలీస్ శాఖ సూచించింది. కంపెనీల వివరాలను ఇలా పేర్కొన్నారు. ఇప్పటికైనా లాగౌట్ చేయనివారు పోలీస్ శాఖ సూచనలు పాటించాలని అధికారులు చెప్పారు. ఇది రెండు రోజులకే అని ఆరోజు ఆదేశాల్లో చెప్పారు. కానీ ఇంకా వర్షాల ప్రభావం ఉండటంతో మరో రెండు వారాలకు పొడిస్తున్నట్టు చెప్పారు. 

ఫేజ్ - 1 ప్రకారం..  ఐకియా నుంచి సైబరాబాద్ టవర్స్ వరకు ఉండే ఐటీ ఆఫీసులు సాయంత్రం 3 గంటలకు లాగౌట్ చేసుకోవాలని సూచించారు. 
 ఫేజ్ - 2 ప్రకారం..  ఐకియా నుంచి బయో డైవర్సిటి, రాయదుర్గం వరకు ఉండే ఐటీ సంబంధిత ఆఫీసులు సాయంత్రం 4:30 గంటలకు లాగ్ ఔట్ చేసుకోవడం బెటర్.
 ఫేజ్ - 3 ప్రకారం..  ఫైనాన్షియల్ డిస్ట్రిక్ట్, గచ్చిబౌలి ప్రాంతాల్లో ఉండే ఐటీ కంపెనీల ఉద్యోగులు సాయంత్రం 3 గంటల నుంచి 6 గంటల మధ్య లాగౌట్ చేసుకోవాలని సైబరాబాద్ పోలీస్ శాఖ సూచించింది.