Telangana ACB Raids: తెలంగాణ రెడ్కో డీఈ నివాసం, బంధువుల ఇళ్లల్లో ఏసీబీ తనిఖీలు.. భారీగా ఆస్తులు గుర్తింపు!
ACB Raids | ఆదాయానికి మించిన ఆస్తుల ఆరోపణలతో తెలంగాణ రెడ్కో డిఈ వెంకటరమణ నివాసంతో పాటు 15 ప్రాంతాల్లో ఏసీబీ సోదాలు చేసింది. భారీగా నగదు, ఆస్తుల పత్రాలను అధికారులు స్వాధీనం చేసుకున్నారు.
హైదరాబాద్: తెలంగాణ ప్రభుత్వం అవినీతి అధికారులపై నిఘా పెట్టింది. అవినీతికి పాల్పడుతున్న అనకొండలను ఒక్కొక్కటిగా ఏరివేసేందుకు అవినీతి నిరోధక శాఖ తమకు సమాచారం అందగానే రంగంలోకి దిగి, వారి నుంచి వందల కోట్ల అవినీతి సొమ్మును బయటకు కక్కిస్తోంది. తాజాగా తెలంగాణ పునరుత్పాదక ఇంధన అభివృద్ధి సంస్థ (REDCO) డివిజనల్ ఇంజనీర్ ముత్యం వెంకటరమణ నివాసంతో పాటు పలు ప్రాంతాల్లో ఏసీబీ అధికారులు ఆకస్మికంగా సోదాలు చేపట్టారు.
డీఈ వెంకటరమణ ఆదాయానికి మించిన ఆస్తులు కలిగి ఉన్నారనే పక్కా సమాచారంతో బుధవారం ఉదయం నుంచి ఏసీబీ అధికారులు తనిఖీలు చేస్తున్నారు. హైదరాబాద్లోని మాదాపూర్లో ఉన్న ఆయన నివాసంతో పాటు ఏకకాలంలో మరో 15 ప్రాంతాల్లో డిఎస్పీ మాజిద్ ఖాన్ నేతృత్వంలో ఏసీబీ తనిఖీలు కొనసాగుతున్నట్లు తెలుస్తోంది.
ఈ సోదాల కోసం ఏసీబీ అధికారులు మొత్తం 8 ప్రత్యేక బృందాలుగా ఏర్పడి రెడ్కో డివిజనల్ ఇంజినర్ నివాసం, ఆస్తులపై విస్తృత తనిఖీలు చేపట్టారు. ఈ తనిఖీలలో స్థిర, చరాస్తులకు సంబంధించిన కీలక పత్రాలను అధికారులు స్వాధీనం చేసుకున్నట్లు సమాచారం. భారీగా నగదు సైతం ఆయన ఇంట్లో లభ్యమైందని తెలుస్తోంది. మరికొన్ని గంటలపాటు ఈ సోదాలు జరిగే అవకాశం ఉందని, అనంతరం తనిఖీల వివరాలను ఏసీబీ అధికారులు వెల్లడించనున్నారు.
టాప్ హెడ్ లైన్స్
ట్రెండింగ్ వార్తలు
